|
رد: خنقة وصوت غريب
اقتباس:
بليه وحشه مثلا أو طنبورة كلاتش اقتباس:
ولكن يوجد إحتمال جديد !!!!!!!!!!!!! إيه هو .....؟ دا التكييف شغال تمام وبيبرد كويس اقتباس:
معقوله .....( أنا بأكلم نفسى طبعا ) :shyy: اقتباس:
هل تم تغيير شداد مجموعة السيور الخارجيه ( أى شداد الدينامو والباور والتكييف ولا لأ ) لأننى شاكك فيه هو كمان لو كان إتغير مع السيور وخصوصا السير الخارجى للمجموعه الخارجيه يبقى العيب الخاص بالصوت عندك فى الكمبروسور فقط سواء عيب ميكانيكى أو نقص فى زيت الكمبروسور |
رد: خنقة وصوت غريب
شكرا يا بشمهندي سمير علي اهتمامك
بالنسبة لشداد مجموعة السيور الخارجيه فانا مغيرتهوش ومعرفش حتي ان في شداد للسيور الخارجية انا اللي اعرفة هو شداد سير الكاتينة فقط وبرده ما اتغيرش طيب مش المفروض لو شداد مجموعة السيور الخارجية يبقي الصوت مستمر مع التكييف وبدونه ولا ايه وازاي اعرف ان العيب عيب شداد مش كمبروسر انا خايف اروح لبتاع تكييفات يشتغلني لاني ما اعرفش حاجة عن الجزئة دي |
رد: خنقة وصوت غريب
اقتباس:
بس منقدرش ننكر حمل الضاغط على الشداد وقت تشغيل التكييف فشداد بدون حمل الضاغط بيكون غير محمل زى مايكون الضاغط شغال اقتباس:
وكان المفروض تغير الشداد مع السيور هو كمان وشداد وبكرة الكاتينه لأنهم بيتغيروا كجانب وقائى كل 80 ألف --------------- عموما لو رحت لميكانيكى كويس هينزل سير الكمبروسور ( الضاغط يعنى ) والدينامو والباور بعد تهوية مسمار الشداد الخارجى وممكن فى الحاله دى يجرب يلفف الشداد ويشوف درجة الخشونه على بلية الشداد وفى نفس الوقت يلفف بكرة الضاغط لمعرفة الخشونه فين .........؟ |
رد: خنقة وصوت غريب
الحمد لله
العربية اتصلحت اللي حصل اني قمت بالذهاب الي ورشة صيانة تكييف وسمع الصوت وفي البداية قبل ما يفك قال غالبا ده بلف مكسور هاغيره وقام بشفط الفروين بتاعي لكن بعد الفك لاقينا بلف مكور مفتت في الكمبروسر وكسر مكان ما بيتحرك خالص فالفني قال لازم نغير الكمبروسر بالرغم من انه قال ان الكمبروسر بتاعي زيرو ولكن للاسف تشغيل التكييف مع البلف المكسور كسر مكان دخول البلف خالص بالفعل اشترينا كمبروسر استيراد بتاع ليجانزا بـ 350 جنيه وقام الفني بتركيب الفارغ الخارجي بتاع الكمبروسر بتاعي عليه لانه جديد عن اللي مشترينه وركب طقم اصلاح وشحن الفريون بتاعي وزوده من عنده ولكن الفني ما عرفش سبب محدد لكسر البلف وقال حسابه 350 كمبروسر و 150 شحن و 100 طقم اصلاح الاجمالي 600 جنيه كان معايا واحد معرفة لصاحب الورشة اعطاه 450 جنيه في كله وجربت لاقيت التكييف بقي افضل من الاول الحمد لله وربنا يعوض انا بشكر الاعضاء اللي اهتموا بموضوعي |
رد: خنقة وصوت غريب
اقتباس:
ياريت كمان يكون أتأكد من الإكسبينشن ويكون ملأ شوية زيت لتزييت الكباس |
| الساعة الآن 08:26 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017