رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
 

كلا المرشحين كارثه...
الفريق...امن الدوله هيرجع تاني وهتتكمم افواهنا والله اعلم بما سيفعله معنا وبالاخص الفئه المثقفه... فهم يريدوا ان يقودوا البلد كقطيع من الخراف...
الاخوان...كارثه واضرارها هتبديء في الظهور مع فوز مرشحهم وتكرار مشكله الحزب الوطني من السيطره علي كل شيء ده غير انهم لو مسكوا السلطه ...ابقوا قابلوني لو سابوها...الاخونجيه ناس صعبه وللاسف مصلحتهم الشخصيه فوق كل شيء...

اذن فوز اي مرشح ينطبق عليه المثل ...(وكانك يا ابو زيد ما غزيت):shyy:

رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
 

الفريق

امن دوله
وسرقه
وقتل
وانتقام
وبيتهيئلى
كمان الرقابه هتبقى على النت
لانه هو اللى بدات بيه الثوره والله اعلم

اما لمساوئ الاخوان

انا لست خائفه منهم كثيرا

يكفى انهم مرجعيتهم اسلاميه
وذاقوا الظلم فلن يظلموا ان شاء الله

ويهدفون يوما ما لتطبيق شرع الله

حتى ان كانو يريدون مصلحتهم فقط

طالما مصلحتهم فى خدمه مصر

فهى مصلحتنا نحن ايضا

حتى وان كان سيحكمنا المرشد

فالمرشد افضل
من ان يحكمنا
اوباما واسرائيل ومبارك

اما حكايه الحزب الوطنى الجديد
فدى الله اعلم بها
ولو عرفنا الغيب لاخترنا الواقع

رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
 

انا معاك اني امريكا متحكمة في كل شىء سياسي . ومفيش حد هيمسك غير لما تكون ماما امريكا راضية عنة
بس بعد قتل الشباب وقلة الامن وخراب البيوت دة .. عشان نص العما .

رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .
 

لو عرفنا الغيب ؟!
الله اعلم ؟!
طب يعني انت عارفة الغيب في اختيار شفيق ومش عارفة مع مالاخوان !
.
خلينا نكون في الواقع شوية .
والله لو جيتي للحق انا شايف شفيق هيعمل توازن سياسي
هيكون التنفيذ " رئيس وحكومة " في جهة
وهيكون الاخوان " شعب وشوري " في جهة تانية
والراجل عمال يبين نواياة
قال حزب الاغلبية " الحرية والعدالة " يؤسس حكومة .
قال البرادعي يكون مستشار ونائب .
لا مانع اني حمدين صباحي يكون نائب
حاجات كتير بيحاول يشيل سلسلة الرعب ألي الاسلاميين حطينها علية وألي حضرتك منهم .
احمد شفيق كان من الناس المطلوبة سياسياً في 2008 و 2010 يكون رئيس وزراء
احمد شفيق في موقعة الجمل اكيد مكنش يعرف بيها لاني الوضع ساعتها كان خطاب مبارك جايب نتيجة ايجابية وفي ناس كتير مشيت من الميدان .
وامام الاسواني اوضح وبكل حزم انة غير متخذ قرار لكن يجب علي الرجال الوقوف هنا.
وانا مش هنتخبو عشان قال مبارك مثلي الاعلي ومبارك بيفصل بين العلاقات والعمل وهنا عرفت انها خربانة لاني الي يقول الكلمتين دول يبقا كان عايش في عز ونغنغة فساد او مكنش علي كوكب الارض ..
لكن من الادب والحكمة اني اقول فقط لماذا امتنع ولا احاول ان ازايد ازايد حتي تصبح الحقيقة غير واضحة للناس

وحكم المرشد من وجهة نظرك مع شخص اسمة " سلفية " بالتأكيد هيكون عاجبك لكن انتي بتبني اقناعاتك انة " اهوة خلينا نرضي بية مش احسن من حكم مش عارف مين ومين " كلام كلو ( هجص في هجص ) لانك بتستغلي عورة طرف اخر لتداري علي عورتك فأنتم الاثنين عار علي مصر " اقصد مرسي وشفيق "

اذا ذهب الشعب المصري واختار شفيق فقد ارتكب اثم كبير لانة بذالك سيكون رفض الثورة ويحق للجيش التعامل معاً علي هذا الاساس
.
اذا ذهب الشعب المصري . واختبار مرسي فقد ارتكب اثم كبير لانة بذالك سيكون اعطي مصر في يد اشخاص لا تفقة لا تفهم لا تدرك .. فيعطي مصر لأصحاب فكر من تحت الارض . ويصنع فعلا حزب وطني جديد لفترة لن تقل عن 30 عام ..

احمد شفيق نسخة من مبارك
مرسي يذكرني باليويو .. شخص كومبرز
والمرشد والنظام الشوري هيكون نفسة نفس نظام امين السياسات وما حولة .في الوطني
فالاثنين وجة لنظام واحد وهوة النظام الوطني

فعلا يجب ان نمتنع عن الانتخابات . http://masrmotors.com/vb/images/icons/flaming.gif

رد: ما فائدة الانتخابات ؟؟ إذا كنا شعب ملناش فالديمقراطية ولا نحترم بعضنا .