رد: 8 حوادث في سنة ونص..ابيعها بقي ولا اعمل ايه
 

والهى مع الاحترام لكل الاعضاء
3 ليهم عتب
عتبتة الشقة الجديدة
و
عتبتة الزوجة الجديدة

و
لامواخذة
عتبتة العربية

رد: 8 حوادث في سنة ونص..ابيعها بقي ولا اعمل ايه
 

بصراحه هو فيه اوقات كده الانسان مش بيبقي مركز او مش موفق في يومه وبتبقي قافله معاه بس بصراحه مش لدرجة انها تعمل 8 حوادث في سنه ونص ده اللي بيتعلمو مبيعملوهاش ثم اني البيتل معتقدش انها جرايه لدرجة عمل حوادث الا اذا كنت تقصد حضرتك الحوادث العاديه اللي في الركن والحك والحاجات دي فعادي يعني لو حضرتك ليسه بتدرب علي السواقه مفيش مشاكل ومتتعقدش من العربيه ولا حاجه وكلنا ياما عملنا حوادث وياما فيه حريفة سواقه بيعملو حوادث بس الفكره اني مثلا لو فيه مشكله في العربيه مثلا بتقطع وهي ماشيه وسحبها في الضياع والحاجات دي فكل دي مشاكل ممكن تكرهك في السواقه في حد ذاتها فلو هي كده ظبط العربيه وخليها تمام وامشي وخبط براحتك

رد: 8 حوادث في سنة ونص..ابيعها بقي ولا اعمل ايه
 

رد: 8 حوادث في سنة ونص..ابيعها بقي ولا اعمل ايه
 

8 مرات في سنه ونصف وحضرتك زعلانه وعاوزه تبيعي العربيه والاعضاء بترد علي ان الموضوع صعب ومستحيل
يبقي كده اكيد عربيه مراتي لابسها عفريت وانا داخل الجنه اني مستحملها
عربيه مراتي سيراتو 2010 عملت 23 حادثه وطبعا مابعتش العربيه لاني مراتي هي اللي غلطانه علاطول منهم حادثه دخلت في عربيتي من ورا وانا ماشي قدامها بعربيتي

رد: 8 حوادث في سنة ونص..ابيعها بقي ولا اعمل ايه
 

شكرا لكل اللي مروا و تكرموا بالرد عليا بس انا هقول مثال للحوادث عشان ارد ع الاخ اللي بيقول العربية مش بتسوق نفسها..من يمومين عيال علي موتوسيكل دخلوا ف الرفرف الخلفي شمال بقي كانه مقصوص بمقص..والنهاردة ميكروباص ظبطلي الرفرف الخلفي يمين..ومن حوالي كام شهر اتوبيس دخل في الرفرف الخلفي شمال بقي كانه هبره ديناصور..ده بقي غير الكشافات والاكصدام االلي طاروا والعربية مركونة اساسا..وعلي فكرة انا الحمد لله بسوق كويس بشهادة اخواتي الرجالة وانتو عارفين الرجالة مش بتشكر في سواقة اي ست ..ما عليناعمل ايه؟..لاني سمعت ان في حديث بيقول ان الشؤم ممكن يجي في الدابة