مصر موتورز مجتمع السيارات - حيرتوني و احتار دليلي معاكم .. أرجو المساعدة من أصحاب الفيرنات الرقيقة

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

رد: حيرتوني و احتار دليلي معاكم .. أرجو المساعدة من أصحاب الفيرنات الرقيقة

اقتباس:

المشاركة الأصلية كتبت بواسطة tonsy1979 (المشاركة 666783)

شوف يا دكتور درش الفيرنا افضل سيارة فى فئة ال70000 وحتى لو انتهت السنة دى فمافيهاش مشكلة لان الفيات انتهت من 30 سنة ولسة قطع غيارها منتشرة ورخيصة عكس عربيات لسة زيرو زى اللوجان والساجا وقطع غيارها نار ومش موجودة حتى فى التوكيل فالموضوع راجع لانتشار العربية وزى ما انت شايف زى الرز
اما رأى الشخصى تسمع كلام جدو وتجيب فعلا يابانى لانه افضل من حيث التقفيل زى الانسر او صنى حتى لو قسط او تفكر فى الاوكتافيا مستعمل 2007 عربية فعلا متينة وثابتة وقطع غيارها معمرة جدا بس مش رخيصة:CONGRA~238:

أنا معاك في ان الياباني حلو بس انا جربت المستعمل و معنديش اي رغبة اجربو تاني :)

عايز اركب زيرو بقى و الفيرنا حبوبة و شكلها ظريف اوي بالنسبالي
لكن لسه برضو خايف بالنسبة للتوكيل في المنصورة :)
انا عايز اعرف هيا عيوب التصنيع دي كتيره اوي يعني ؟؟

رد: حيرتوني و احتار دليلي معاكم .. أرجو المساعدة من أصحاب الفيرنات الرقيقة

اقتباس:

المشاركة الأصلية كتبت بواسطة memodina1 (المشاركة 666846)

لية والله الفيرنا كويسة وحلوة وحكاية الثبات وكدة كلام والله العربية كويسة جدا جدا على 120 بعد كدة متهيقلى خطر عليك انما هتجيب عادى و200 لو عايز بس اخرها اية مثلا على السرعات العالية دى دقيقة بالكتييييييير وخلاص بتهدى عشان الطريق صدقنى والله الفيرنا كويسة

و الله لو على الثبات انا شايفها ثابتة لأن انا معايا تيريوس موديل 2000 الشكل القديم

عالية و رفيعة و زي الصرصار كده لو لفيت بيها بسرعة تيجي على جنبها :)

و بالنسبة للسرعة فأكيد انا اخري 120 و ممكن في دقايق محدودة في طريقي امشي 150

انما معنديش نية لأكتر من كده انا مش بحب السرعة أنا بحب التسارع يعني من 0 ل 100

و ده اللي عاجبني في الفيرنا

رد: حيرتوني و احتار دليلي معاكم .. أرجو المساعدة من أصحاب الفيرنات الرقيقة

والله الفيرنا عربيه محترمه لكن غبور الله يجازيه

دا انا سمعت ان الفيرنا الاوتوماتيك النهارده ب 82000

انا اشتريتها من سنه ونص ب 76250

هي في المجمل عربيه كويسه جدا

لكن انا ارشحلك BYD اوتوماتيك

عفشه تويوتا كورولا وموتور لانسر قطع غيار التويوتا كورولا شغاله معاها كويس

رد: حيرتوني و احتار دليلي معاكم .. أرجو المساعدة من أصحاب الفيرنات الرقيقة

الفيرنا بقالها معايا سنه ونص بسم الله ما شاء الله تحفه مفيش اعطال مفيش مرواح عند ميكانيكي انا جبتلها فانوس خلفي ب 75 جنيه ماليزي واكصدام خلفي 150 جنيه هاي كوبي :fun_36_1_47[1]:تخيل

رد: حيرتوني و احتار دليلي معاكم .. أرجو المساعدة من أصحاب الفيرنات الرقيقة

اقتباس:

المشاركة الأصلية كتبت بواسطة Ahmed Salah ahmed (المشاركة 667905)

شكرا لردك بس الاوتوماتيك مش خيار مطروح بالنسبالي :)

انا مقدرش على الاوتوماتيك
و ال BYD اخاف منها جدا

تبقى هيونداي ماركه ليها اسم اكبر و اعرق