رد: اسافر بية ولا بلاش
 

لو الكاوتش كله بالإستبن سلام وحالة العربيه كويسه توكل على الله وتابع الحراره طول ما إنتى ماشي ويكون معاك مياه لأي ظروف ومتجريش لأن 120 كتير عليها وخليك في السرعه المقرره علشان لا قدر الله لو في أي مفاجآت تعرف تسيطر على العربيه

رد: اسافر بية ولا بلاش
 

اتكل علي الله السنه اللي فاتت قررت اروح مطروح بال 127 وكانت بتبخر زيت خفيف اوي بداية شمبر يعني سالت الميكانيكي قالي روح ولما تيجي نبقي نظبطها

سافرت وماشي 120 وعملت بتاع 1000 كيلو في 10 ايام ورجعت ومغيرتش مسمار الحمد لله
اتاكد من كل حاجه معاك واتكل علي الله

رد: اسافر بية ولا بلاش
 

رد: اسافر بية ولا بلاش
 

مالها الريجاتا تسافر عادي اي حته انا كان معايا 128 روحت بيها ورحت الغردقه كمان هو حضرتك راكب توكتوك ودلوقتي معايا 132 ورحت بيها الغردقه حوالي 1100 كيلو رايح جاي بس لو هتظبط فيها حاجه قبل متسافر بكام يوم علشان تلحق تجربها ومتعملهاش معاك في الطريق
بي في حاجه ومتفهمنيش غلط بعد اذن حضرتك وباقي اصحاب المشاركات انك تسافر المسافه دي علي سرعة 100 او 120 صعب هتاخد وقت جامد وتعب غير عادي يعني بالميت سبع ساعات انا مش بقولك كده علشان اشجعك علي الجري لأ ابدا بس علشان تعمل حسابك وتسافر بالنهار للأمان
انا كنت بسافر بال 132 وماشي 160 و 170 وزهقان من طول الطريق ممكن يكون عند حضرتك صبر اكتر مني بس السواقه لساعات طويله مرهقه جدا وفي نفس الوقت متعه
وسلام

رد: اسافر بية ولا بلاش
 

كان أيام زمان سرعات ال160 وال170 الجميلة دى
دلوقتى ولا طرق تنفع ولا كاوتش ينفع ولاقطع غيار ولا زيوت ومواتير بتستحمل

نصيحة للأستاذ FBI سافر بالليل وبلاش سفر النهارعشان الحر هيبقى شديد على العربية والكاوتش وهتضطر تقرص عشان الطريق مبيخلصش وخصوصا سفر النهار

وكلمة أخيرة لو سافرت بالنهار ولا سرعة 160 هتصبرك على طول الطريق وحرارة الجو ، بالليل أحسن وعلى سرعة 90-100-110-120 وربنا معاك بإذن الله ، وماتوقفش لأى حد غير فى الكماين بتاعت الشرطة والجيش غير كده ما تقفش
وخلى بالك من العراباوية اللى بيطلعوا من جنب الطريق مرة واحدة تلاقيه قاطع عليك الطريق خلييك فى حالك وملكش دعوة بيهم ، عشان دول معندهمش تفاهم

وماتنساش دعاء الركوب
والتسابيح ، وربنا يوفقك وتروح وترجع بالسلامة
تقبل مرورى