رد: العربيه بتعوم بعد تغيير الركبه
 

انا حاولت اجيب صوره لعربيه فيات وحددت دائره على مكان الركبه الشمال والركبه اليمين
يعنى لو فتحت الكبوت وبصيت من يمين الريداتير هتشوفها
http://www.m5zn.com/uploads3/2012/4/...daqatsudn8.jpg

رد: العربيه بتعوم بعد تغيير الركبه
 

هل مساعد الركبه الجديده دى جديد برضه ولا المساعد القديم

لو كله جديد فى جديد

يبقى هتحتاج تغير مساعد الركبه اليمين

بمساعد جديد برضه

رد: العربيه بتعوم بعد تغيير الركبه
 

شكراً يا باشمهندس سمير على تشريفك بالموضوع
المساعدين الاتنين قدام وانا عديت تانى يوم على عفشجى لقى ان كاوتشة الميزان مش موجوده فى مكانها ولقى جلبة المقص الشمال متاكله وغيرها.

رد: العربيه بتعوم بعد تغيير الركبه
 

للأسف العربيه رجعت تعوم تانى

بعد ما الميكانيكى ربط على كاوتشة الميزان العربيه ظبطت لمدة يومين فقط ثم عاد التعويم مره اخرى

المشكله من الاول كالتالى ان كان فيه شرخ فى الركبه وانا معرفش وطبعا ادى ذلك الى ان نقشة الكاوتش الامامى من الجهه الداخليه اتمسحت تماما ( يعنى لو افترضنا ان عرض فردة الكاوتش 15 سم فان 5 سم من نقشة الكاوتش اتمسحت - ده بالنسبه للفردين الاماميين ) وبعدين لما انكسرت الركبه اشتريت ركبه جديده والسمكرى ركبها
دلوقتى طول ما انا ماشى العربيه تحدف مره يمين ومره شمال. الملاحظه الغربيه ان وانا ماشى برضه لما بشيل رجلى من على البنزين علشان انقل السرعه سواء لاعلى او لاقل العربيه تحدف ناحية الشمال.
هل ممكن يكون سبب ذلك علبة الدركسيون ام ماذا.
وجزاكم الله خيرا

رد: العربيه بتعوم بعد تغيير الركبه
 

تقريبا عندك الشاسيه فاتح من عند البطاحات

وهتحتاج التشييك على شروخ من عند منطقة البطاحات

ويتلم الشاسيه وتركبك زراع أفقى بين الركبتين الأماميتين

بعد ضبط زوايا السياره الأماميه بأنواعها