رد: بيجو 508 - كيا سبورتج - بي ام 316
 

اخى الكريم
لو بتفكر فى حاجة suv يبقى بلاش سبورتج
فكر فى نيسان قشقاى او سوبارو vx
لو عاوز سيدان بى ام او مرسيدس يبقى زيرو وبلاش مستعمل
وتقبل مرورى

رد: بيجو 508 - كيا سبورتج - بي ام 316
 

يا استاذ خالد حضرتك ركزت على كل النقط الى كنت ملاحظها على السبورتج , فعلا الصالون فقير جدا و الموتور ضعيييييييف عليها جدا..... انا البيجو عاجبانى اوى اوى اوى بس المشكلة ان سمعة الفرنساوى فى مصر سيئة للغاية

رد: بيجو 508 - كيا سبورتج - بي ام 316
 

بص ياباشا توكيل البيجو بيحاول يرجع السوق نرجع تاني لكلامنا للي بقوله هولك البيجو او البي ام او المرسيدس قطع غيارهم غاليه اه لاكن كل فين وفين بص اجيبلك من الاخر مع احترامي اللي قولك قطع غيار وغاليه وتكييف بيكون راكب مرسيدس بتاعت سيدنا نوح ولا بي ام من التمنينات وعاوز تكييف وبيقول قطع غيار انتا بتتكلم في ربيات جديده او على الاقل سنتين استعمال يعني انسى قطع الغيار دي والتكييف وياعم الله يخليك زي ماقلتلك ابعد عن الكيا عامه الكوري كمان ياعم والنبي هترمي 240 الف في كوري روح المعارض ولو عاوز اديني ايميلك وانا هصورلك كلهم وابعتهملك بس كده بس متعملش الجريمه التاريخيه دي وتجيب كيا ده التابلوه بلاستك ولا الجير بوكس زي الزفت وسعرها كتير هقولك علشان ترتاح عارف هنا سعرها كام بمواصفات مصر واحسن كمان 95 مصري بالزبط اليارس والله اغلى منها هنا لا تقولي فور باي فور ولا بطيخ شويه زلط راحت منك وانا مبالفش انا الحمد لله بسوق عربيات وانا عندي 15 سنه ومولود وعايش في الخليج جربت كله دي عربيات كروس اوفر مش فور باي فور وفي فرق ومتوجعش دماغك انا صعبان عليا والله الفلوس دي كلها هات الماني وتوكل لتاني مره اللهم بلغت اللهم فأشهد

رد: بيجو 508 - كيا سبورتج - بي ام 316
 

رد: بيجو 508 - كيا سبورتج - بي ام 316
 

اولا: احسن توكيل فيهم من حيث قطع الغيار واسعار الصيانة هو كيا والاسوء بيجو واما البفارية فهم كويسين كخدمة غاليين جدا فالاسعار .
ثانيا : ليه مفكرتش فى C180
ثالثا: الاحدث والافخم والاكبر البيجو وبلاش بى ام دلوقتى عشان الفئة الثالثة هتنزل بالموتور التوين تربو والفتيس الجديد ال 8 نقلات