رد: استفسار بخصوص فتيس لانوس؟؟؟
 

اولا انا يكفينى الاهتمام بالرد لانها فعلا حاجة تفرح وده مش غريب على الاعضاء الكرام شكرا مرة تانية
ثانيا كلام الاستاذ محمود زيزوو قريب شوية الاختلاف ان انا طبعا مش بحاول اديها الغيار الاول لما بتوصل لسرعة 10 مثلا بحاول ادى الغيار التانى بلاقى الفتيس محجر اشيل رجلى من على الدبرياج وادوس تانى يدى الغيار عادى ده بالاضافة ان كل الغيارات مش ناعمة والمقصود بكونها مش ناعمة مش زى فتيس الفيرنا مثلا فانا مش عارف الدايو كله كدة ولا فى مشكلة عندى
وبالنسبة للعربية هى موديل 2006 نصف كماليات العربية حالتها كويسة جدا والحمد لله وسحبها حلو رغم ان انا بحط بنزين 80 وهى عاملة حوالى 140000 كيلو وانا كنت شاريها مستعملة من حوالى سنة وكل اللى عملته فيها غيرت السيور (كاتينة ودينامو وتكييف) وفلتر زيت وهواء وبنزين وكان مافيهاش زيت فتيس خالص اشتريت اربع جراكن موبيل الجركن 1 لتر وفى حاجة كمان افتكرتها اول ما اشتريتها غيرت بلية الدبرياج ده غير ان كل اللى قولتلكم عليه انا كنت عامله مرة واحدة اول ما اشتريت العربية فى شهر 6/2011 والعربية ماشية معاى مظبوطة الحمد لله من يومها بس انا عايز اغير فلتر الهوا والبنزين علشان معدل استهلاكها قل شوية عن الاول ده غير طبعا المشكلة الاساسية اللى هى بتاعة الفتيس وانا بصراحة مش عايز اروح لميكانيكى يحل وانا مش عارف المشكلة ايه ولو تقريبيا "" لان معظمهم بيحل وخلاص يقولك اعلى الدبرياج او يغير زيت فتيس ويريح نفسه يعنى مثلا انا عندى بلاقى ترشيح زيت اسفل الدواسة من ناحية السائق سالت اكتر من ميكانيكى قالى ده زيت باور زايد ولما كنت بالصدفة بتصفح المنتدى لقيت عضو كاتب نفس المشكلة بتاعتى وفى عضو كريم مش متذكر هو مين بس اعتقد م / سمير رد وقال ان ده اويل سيل علبة الدركسيون هو اللى بيهرب زيت الباور
الخلاصة ارجو ان تكون وضحت المشكلة ومستنى ردود السادة المحترمين وشكرررررررررا

رد: استفسار بخصوص فتيس لانوس؟؟؟
 

ده كلام مظبوط

وفعلا عندك أويل سيل علبة الدركسيون هيحتاج يتغير

المهم تتابع منسوب زيت الباور فى تنك الباور

على ماتغير الأويل سيل

وهل حطيت الأربعه لتر فى الفتيس ............؟

لو الإجابه

بنعم

يبقى ده إللى عاملك المشاكل

ولا زم على الأقل تشيل نصف الكميه دى

لأن الفتيس المانيوال فى الانوس

بياخد حوالى 1.8 لتر زيت

ويوم مانبقى مبحبحينها أوى

نقول لترين

رد: استفسار بخصوص فتيس لانوس؟؟؟
 

رد: استفسار بخصوص فتيس لانوس؟؟؟
 

فعلا الميكانيكى حط 4 لتر عامة شكرا على المعلومة المهمة دية وانا هابلغكم بالنتيجة
شكراااااااااااااااااااااا

رد: استفسار بخصوص فتيس لانوس؟؟؟
 

جلبة عقربة الفتيس عاوزة تتغير ( طقم الجلب ب 25 ج )
او العقربة كلها تتغير و تمنها 100 ج