مصر موتورز مجتمع السيارات - أمامي عربيتين .. أدخل قوللى رأيك بالله عليك

اقتباس:

المشاركة الأصلية كتبت بواسطة mhamdy75 (المشاركة 648119)

هات الهاف ووفر 20 ألف إنت أولى بيها

لأنها كلها كمليات فى الشكل الخارجى

فعلا أنا بدأت أميل للتفكير ده

اقتباس:

المشاركة الأصلية كتبت بواسطة turbom (المشاركة 648144)

الهاف سبورت سعرها معقول بس المهم تكشف عليها كويس والف مبروك مقدما

اقتباس:

المشاركة الأصلية كتبت بواسطة مايكل ذكرى (المشاركة 648379)

الهاف سعرها كويس روح بيها التوكيل واتكل على الله والف مبروككككككككككككككككككككك ككككككككككككككككككككككك:B ravo::Bravo::Bravo::Bravo :

ألف شكر يجماعة لمساندتكم واراءكم, وإليكم آخر الأخبار ...

إتفرجت على السوبر أكشن إمبارح, نظيفة جدا من الخارج (كان لسه غاسلها) ومن الداخل معقولة بس حستها محتاجة نظافة, حوض الموتور مكنش مغسول وده إداني إنطباع غير جيد (كان المفروض يغسل حوض الموتور عشان كل شئ يبان على نظافة, ولا إيه؟), دارت على طول بس حسيت إن صوت الموتور فيه زنه أو خشونة نوعا ما (إنطباعى عن اللانسر والياباني عموما إنه صوت الموتور ناعم جدا حتى لو مسموع, أنا المازدا 323 عندي كده !!) حاجة كده زي مايكون رلمان بلى خشن أو كده.

بوجه عام .. مشيت وأنا غير متحمس قوي للعربية على الرغم من المواصفات واللون والحالة الخارجية (والداخليه برضه مع الحاجة لحملة نظافة) إللى 10/10.

بالصدفه وأنا مروح إتكعبلت فواحده ثانيه بس كلاسيك مانوال, مش طلبى بس قلت أتفرج عشان أعرف أقارن, صوت الموتور أفضل كتير من السوبر أكشن إللى شفتها, ولاقيته مركب فوجات وشغالة زي إللى على أصلها في السوبر أكشن (مع النور الصغير وليها زرار لوحدها جنب زرار شدة إضاءة العدادات, كنت فاكر ليها مكان مخصوص في دراع النور والإشارات زي عربيات اليومين دول) ودي حاجة عجبتني لأنى كنت عايز يكون فيها فوجات بس تكون شغالة بنفس نظام الفابريكة, وده طلع ممكن.

إن شاء الله هتفرج على الهاف سبورت إنهارده وعلى أمل تكون أحسن من الإثنين إللى فاتو . دعواتكم لي بالتوفيق.