المشاركة الأصلية كتبت بواسطة samirayad (المشاركة 639867)

بالعكس

دا كده الصح

فلما نمسك خيط الجريمه من البدايه

هنعرف نحلل أبعادها صح



خللى بالك من حتة بعدها بيومين دى .....علشان هنحتاجها بعدين



طبعا غلط أنك تمشى بالسياره ولمبة الزيت منوره

وخصوصا أن السبب عندك واضح

وهو خروج عادم كثيف أبيض من نهاية ماسورة الشكمان

وهذا بدون شك ....بسبب إحتراق الزيت بغزاره داخل غرف حريق المكنه

طيب الزيت ده

كان بيدخل منين للغرف ...............؟

هنعرف من خلال كلام الميكانيكى التانى



------------------------

نطلع من كده بإيه ................؟

1- فلتر الزيت ليس سببا فيما حدث معك ....وبناءا عليه

كلام الميكانيكى الأول غير سليم

دا غير حتة ( بعدها بيومين )

لأنك أكيد خرجت بالعربيه ( خلال اليومين دول )

وفلتر الزيت لو فعلا خانق سريان الزيت علشان اللمبه تنور

كانت بانت فورا مع رجوعك حتى من عند بتاع غيار الزيت والفلتر

2- كلام الميكانيكى التانى ....أيضا غير دقيق

فى طلبه منك تغيير الموتور بآخر إستيراد

فليس كل من حدث معه تلف لكاوتش الصباب يقوم بتغيير المحرك أو حتى عمل طقم شنبر لللموتور

------------------------

والآن

ماهو الحل

بعد أن تجاوبنى على سؤالين فقط

هقولك تعمل إيه ............؟

- هل المكنه كانت بتاكل معاك زيت قبل الفيلم اللى فات ده .....؟

- هل بتقابلك مشكله فى سحب وتسارع السياره مع وجود إستهلاك كبير فى البنزين منذ فتره كبيره

( أى قبل تغيير الزيت والفلتر ) .............؟

أنا منتظر ردك

المشاركة الأصلية كتبت بواسطة ahmed el gendy (المشاركة 639966)

بصراحه يا باشمهندس سمير انت انسان محترم جدااا وخدوم والله رغم ان المشكله مش بتاعتي بس الواحد برده لما بيقرأ ردك علي مشاكل الناس بيفهم منك حاجات كويسه جداا حتي تخلي الواحد وهو بيتكلم مع الميكانيكي يبقي فاهم كويس والميكانيكي يعمل لنا الف حساب

المشاركة الأصلية كتبت بواسطة samirayad (المشاركة 639969)

الله يخليك

يا أستاذ : أحمد

وثق تماما

بأننى حينما بأشترك فى مشكله ما

بأعتبرها مشكلتى الشخصيه

وده أاقل واجب علينا نحو بعض

كزملاء فى مصر موتورز