مصر موتورز مجتمع السيارات - رجل الاعمال المصرى راضع من نفس الصدر

اقتباس:

المشاركة الأصلية كتبت بواسطة bebonet (المشاركة 634063)

السلام عليكم

العنان غريب انا عارف
ولكن هى دى الحقيقه
كنت فى دوره تدريبيه

(التحكم فى فاقد المخرجات )
دوره صناعيه بحته
ولكن المحاضر الذى كان يعلمنا
كيفية التحكم فى فاقد المخرجات
من الطاقه بجميع انواعها
قال كلمه ترن فى اذنى حتى الان
وكان الموضوع يتكلم عن كيف يتم التحكم
عن طريق العاملين فى المنشاه
فى الفاقد الناتج عن العمليه الصناعيه
وان مصر وصلت فى الصناعه الى ماهو اسوأ من المتوقع وعلى فكره الدوره كانت قبل الثوره بسبعة اعوام علشان الناس اللى بتقول عجلة الانتاج واقفه
هى مامشيتش اصلاً عشان تقف
المهم
قال المحاضر انا عارف ان
الصناع فى مصر يتكاسلون
ويحاولو ان يصلو للحلول باسهل الطرق حتى وان
كلفهم الحل نسبة فاقد كبيره هذا لا يشغلهم فى شىء اهم حاجه انه اخر النهار يروح بيته وخلاص
وبصراحه كلام الراجل مظبوط
المهم
احنا قلنا له ان صاحب المصنع هو السبب
لانه دائماً ينظر الى الربح فقط
فقال انتم مثل توم وجيرى
دائما فى عملية كر وفر
ويرجع ذلك السبب
الى ان ثقافة صاحب العمل مثل ثقافتك
لانكم رضعتم من صدر واحد
انت تحاول ان لاتبذل مجهود فى العمل وان بذلته فيكون تحت ضغط
وهو يحاول ان لا يعطيك اجرك كاملاً
الا تحت ضغط

السلام عليكم --الموضوع فكرة طرحة جيدة ولكن انا بعترض على رأى المحاضر لأن المثل يقول (اعطى الأجيرأجره قبل ان يجف عرقه)ونحن لانميز بين من يجف عرقه وبين من لايعرق اويشقى,ولكن ليست هذه هى المشكلة حيث ان بيت القصيد يكمن فى كم تعطينى كى ابذل مجهود والأمر هنا قائم على الجدية وحب العمل فأذا كانت التعاملات قائمة على الرضا والقناعة من الجانبين فسوف يكون هناك بذل عناية وتحقيق نتيجة وغير ذلك يؤدى إلى انهيار المنظومة والفشل وهذا مانعيشه فى حياتنا كامصريين للأسف الشديد ,لذلك تجد إننا ونحن طلبة فى الجامعة كنا كل صيف نذهب للعمل بأوربا وعلى سبيل المثال (إيطاليا)فأول مرة ذهبت كان سنة 1980 وعملت هناك فى عدة وظائف يدوية طبعاً والعمل هناك باالساعة وكانت الساعة بلنسبة لى لأنى بشتغل بدون تصريح عمل بتساوى بلضبط ايامها 4جنيه (فى حين من يعمل بتصريح ويكون عامل بسيط يأخذ فى الساعة 8 جنيه )مصرى ×12 ساعة يعنى بأخذ فى اليوم 48 جنيه مصرى وهذا الكلام سنة 80 ,طيب انا كده هشتغل ولا ههرج واستهبل اثناء عملى بلطبع لا لأنى سوف احب هذا العمل الذى يدر عليا مبلغ محترم وهحاول ان اثبت وجودى لعلى اصل لمرتبه اعلى فى هذا العمل ولكن كيف ذلك بلطبع ببزل العناية والجهد فى العمل حتى اكون عند حسن ظن رب العمل ,كما ان من يدفع من ارباب العمل هذه المبالغ والتى هى محسوبة عليه بلساعة تجعله عنيه فى وسط رأسه حتى يعوض مايدفعه بل وأكثر بكثير مما يدفعه ,إذن هى معادلة بسيطة شيلنى وشيلك مهو مينفعش انت تعيش وغيرك محلك سر ,لذلك هذه الدول نجحت لأنها اجبرت الناس على حب العمل لأنه فى النهاية بيحقق العامل كل مايحلم به من ادخار او شراء مايحلوا له من سلع او السفر للتنزه فى سياحة خارج دولته الى أخره من سمات الحياة الكريمة ,ولكن بلقياس تجدنا عكس ذلك تماماً لأنك عايز تأخذ كل شىء كصاحب عمل ولاتعطى اى شىء والمثل واضح من القدوة وهى الحكومة فكيف لى ان انتج وانا اعيش على الكفاف ----على رأى عمنا سيد حجاب لما قال (وعلى فكرة هذه الأغنية غناها على الحجار وصدر البومها 1982 على ماأتذكر)
يا مصري ليه دنياك لخابيط و الغلب محيط
والعنكبوت عشش ع الحيط وسرح ع الغيط
يا مصري قوم هش الوطاويط ... كفاياك تبليط
صعبة الحياة والحل بسيط ... حبة تخطيط
فتحت باب استيرادك
وصرفت فوق ضعف إيرادك
حِلي للخواجة استكرادك
سابك بتقرا في أورادك
وده قشّطك ونزل تشفيط
يا مصري ليه دنياك لخابيط والغلب محيط
والعنكبوت عشش ع الحيط وسرح ع الغيط
ومهولاتي تحب تزيط
ساعة الفرح زغاريد تنطيط
وفي المياتم هات يا صويت
وفي المظاهرات سخن تشيط
و في الانتخاب تنسى التصويت
يا مصري ليه دنياك لخابيط والغلب محيط
والعنكبوت عشش ع الحيط وسرح ع الغيط
وليه بترشي وتتساهل
وتضيع حقوقك بالساهل
تستاهل النار تستاهل
يا غويط ويحسبك الجاهل
سهل وساهي وغبي وعبيط
يا مصري ليه دنياك لخابيط و الغلب محيط
و العنكبوت عشش ع الحيط و سرح ع الغيط
يا مصري يا للي الغلا عاصرك
والنهب في عصرك حاصدك
قوم للحياة واسبق عصرك
ولا حاجة هترجع مصرك
إلا ان تكون شغال ونشيط
يا مصري ليه دنياك لخابيط والغلب محيط
والعنكبوت عشش ع الحيط وسرح ع الغيط
يا مصري قوم هش الوطاويط ... كفياك تبليط
صعبة الحياة والحل بسيط ... حبة تخطيط
تخيلوا الواحد كان بيسمع هذه القصيدة بصوت الأستاذ على الحجار وهو فى الغربة ويطبق مايحدث فى مصرو على مايحدث فى ايطاليا على سبيل المثال والله لم انسى يوم كنت فى ميلانو وذهبت لأحضار جريدة الأهرام واطلعت على خبر حسيت ساعتها قد ايه إحنا بنهرج ,الخبر كان (انفراج ازمة البطيخ وبيعه بلتسعيرة) تصور انت عايش فى بلد كنت بركب الأوتبيس الى بذهب بيه للعمل عمره ماتأخر ثانية عن ميعاده وكنت بشوف تكنولوجيا واشياء كثيرة تلمس بها التقدم ونحن مازلنا فى ازمة البطيخ ,اليس ذلك مؤشر يوضح من هم رجال الأعمال والحكومات والموظفين الذين يعيشون فى بلد مثل مصر فى ذلك الوقت الذى كنت اذهب فيه كل شهر لمكان اسمه باالأيطالية (شيتاه مركاتوا)يعنى سوق البلد وده الى هو الأن مايسمى على سبيل المثال كارفور ولكنه كان حجمه مثل كارفور مرتين شوفو هما عايشين قبلنا قد ايه تفكير ونحن عايشين قد ايه تفكير ,انا بحاول اطرح هذه الأمثلة لأننا للأسف فاقدين للأشياء فماذا سوف نعطى لالالالالالالالالالالالال الاشىء على الأطلاق ,المسألة عايزة حبة تخطيط وقبلهم ضمير بجد مش كلام وبس ,تريح الناس سوف تأخذ عيونهم ,ربنا سبحانه وتعالى قال (الذى اطعمهم من جوع وامنهم من خوف)وكان قادرسبحانه وتعالى يأمنهم اولاً ولكنه رؤف بعباده ويعلم مابهم وما يأتى اولاً حتى يشجع الأنسان على الأستمرار ماضياً فى بناء حياته فأن وجد قوت يومه شعر باالأمان وذهب الى غير راجعة الخوف وتحققت المعادلة إلى مش عارفين نطلع نتيجتها إلى الأن...

اقتباس:

المشاركة الأصلية كتبت بواسطة aymanlaw (المشاركة 634815)

يااااااااااااااااااه
كل ده انت شايله فى قلبك وساكت :014FDA~117:
والله انا كنت باكتب الموضوع وفاكر انى بكلم نفسى
بس بصراحه كتابة ردك يعبر عن انك راجل محترم جداً جداً:THUMB_~112:
وردك ده ياريت تاخده كوبى وتعمله موضوع لانه كلام مهم جداً
ويخلى الواحد يحس انه مش لوحده فى البلد
وبطلب من حضرتك طلب صغير
تابع الهند كويس
ماتابعهاش فى كل حاجه تابع بس
الاطفال هناك فى مدارس فقيره جداً
وشوف إزاى بيحلو المسائل الرياضيه مع معلمهم
بدون اله حاسبه وفى فصل متواضع جدا
الناس دى مالهاش حل
ليه بقى انا ما بحبش اقارن بلادنا بالدول الاوربيه
عشان الامكانيات اللى انت بتقول عليها
قارن بالدول اللى فصولها بالبوص والخوص
المعلم بيديهم مساله حسابيه مكونه من 8 ارقام وبيضربوهوم فى 8
ارقام فى دماغهم بدون ورقه وقلم حاجه تجنن
وعلى فكره الهند نمره واحد فى تكنولوجيا البرمجيات
وانا عندما رايت هذه الفصول عرفت ليه
هم نمره واحد فى البرمجيات
لان الناس دى ما بتهزرش
واخر كلامى
وحياة الغالى عندك
تسلملى على بورسعيد
وتقولهم يا ابناء الابطال
عمرنا كله فداكم
واوعو تزعلو مننا
لان مش احنا اللى عاملين كده
ولو عايزين تعرفو مين اللى عامل الحصار
اسالو الجيش هو اللى يعرف