المشاركة الأصلية كتبت بواسطة Hisham.Elgazzar (المشاركة 633712)

كلامك جميل ، هو عموما مع السنين لما الموتور بيقدم لازم يتحطله الزيت المناسب
على سبيل المثال أبن عمى معاه سيراتو 2009 عاملة 120000 ومش بيستعمل غير زيت موبيل 1
و انا معايا عربية قديمة بستعمل زيت معدنى 5000 كيلو و أغيره
قصدى هنا عمر الموتور بالسنين بيفرق إنما اللى لازم نتفق عليه هنا زى ما الأستاذ وائل قال:
تغيير الزيت فى ميعاده ، عدم الحرق على الغيارات ، الصيانة الدائمة وتغيير السيور فى مواعيدها ، تحافظ على الشباب الدائم لمحرك السيارة

مصرنا الغالية هى البلد الوحيدة اللى العربيات لها سعر فيها بعكس أى بلد التانية بيغيروها زى الجوارب:fun_36_1_31[1]:
يعنى الهيونداى اللى بتشتريها هنا ب 140000 جنيه
تجيبها فى السعودية او ليبيا ب 30000
فمش هاتفرق ساعتها بعد ال 100000 كيلو تبيعها أو ترميها
وبعدين مراكز الصيانة عندهم مولعة نار و الأفضل و الأرخص يروح يجيب غيرها
يعنى مش هتصلح عربية بعد 100000 كيلو ب 20000 جنية وهى تمنها الحالى 15000 ، يبقى الأفضل انه يرميها ويجيب غيرها

الضمان فى مصر الصراحة ( من وجهة نظرى انا) ضحك على الذقون
وبيعوضوا خسارتهم على حساب ناس تانية
ومفيش حتى عربية زيرو تضمن انها تسافر بدون أعطال
وتقريبا 90% من شركات تصنيع السيارات يتجهوا إلى تصنيع السيارات من مواد صديقة البيئة ولكنها عدوة صاحب السيارة (تخليه يفضى اللى فى جيبه على طول فى التوكيل)
وفى الآخر يقولك العربية بعد 100000 كيلو ملهاش ضمان

السؤال اللى بيطرح نفسه لو انت جبت عربية وما مشيتش 100 الف كيلو ليه بيقولك 3 سنين ؟؟؟!!!
حتى لو انت حاططها فى دولاب جوة البيت
:w6w2005041122473461