رد: هل يمكن تحويل فيات 132 لسيارة حديثة؟
 

تسلموا يا غاليين لمشاركتكم
وحسام باشا انا المشكلة عندى انى بعشق 3 (فيات 132, بيجو 406, نيسان صنى)
انا الى معايا 35 الف وللاسف مبعرفش اركب عربية غير لما اكون مرتحلها غير كدة شهر وهتلاقينى بايعها فالمبلغ الى معايا ميجبش غير 132 وفى نفس الوقت محتار خايف حبى ليها يتقلب لندم:k_crying77[1]:
واستاذ aimooo رايك انى اشتريها واصرف عليها باقى المبلغ وهل لو صرفت ال35 الف لشرائها وتعديلها هل هتبقى ذى الى فى الصور بمعنى عربية محترمة ميجيش يوم وتكسفنى:thinkW19: بمعنى اخر هل 20 الف تكفى لجعل فيات 132 سيارة يعتمد عليها؟؟

رد: هل يمكن تحويل فيات 132 لسيارة حديثة؟
 

رد: هل يمكن تحويل فيات 132 لسيارة حديثة؟
 

يمكن اغلب الناس هنا هتقول عليا مجنون ..... لكن انا معاااااك في انك تصرف عليها زي ما انت حابب طالما انت غاوي و حابب العربية... و ممكن تعدلها و تعمل فيها كل الي انت عايزه بشرط انك تلاقي قطع الغيار المطلوبة و تلاقي الصنايعية الي فاهمة و متمكنة من شغلها... انا معايا 504 و خطة تعديلها مكتوبة و جاهزة لكن ناقصني الفلوس و بحوشها واحدة واحدة لاني هصرف في حدود 30 الف بس هتبقى حاجة تانية خاااالص عايز تعرف ايه يليق بعربيتك و قطع غيار من برة كمان اكتب في جوجل performance parts for fiat 132 و شوف هيطلعلك ايه و تكلفته ايه و لو ليك حد يجيبهولك..... العربية زي الست ... دلعها تدلعك... ممكن تقلبها بور و تكيف و ازاز كهربا و سنتر و انذار و تغري عفشة سبور و جنوط سبور مع شوية سمكرة و دوكو و هتلاقي الصورة الي انت شايفها.. اما باقي التعديلات الي تحت الكابوت ف عيش حياتك مع جوجل... و في للفيات مواتير معدلة جاهزة من شركة ابارث.. ممكن تسال عليها في بورسعيد او تطلبها استيراد
و نصيحة اسمع اراء النااااااس و ادرسها كويس .... و اعمل الي قلبك يرتاحله... و تحياتي ليك و لكل اخواتي هنا... لو حبيت اقلك على الي هعمله ف عربيتي قولي يمكن يديك شوية افكار... بس مش عايز انشرها عشان متنتشرش هههههههههههههههه

رد: هل يمكن تحويل فيات 132 لسيارة حديثة؟
 

:Wkiss5:يارب كل الناس تقتنع بوجهة النظر دى
اهم حاجة انك تلاقى بإذن الله 132 تكون فبريكة دواخل و أساسيات سليمة
ساعتها أسأل بس وقول جزر ، وبإذن الله مش هنتأخر عنك

رد: هل يمكن تحويل فيات 132 لسيارة حديثة؟
 

انا مش فاهم قصدك عايزها تبقى زى العربيات حديثة من ناحية ايه؟
الشكل؟ أم الرفاهية؟
لو من ناحية الشكل فال132 فى رايى شكلها جيد و مقبول الى حد كبير حتى الأن. لكن يمكن اضافة بعد التعديلات لجعله أكثر رياضية.
الرفاهية أعتقد ان تركيب جهاز تكييف هيفرق كتير معاك, و ال132 مجهزة للتكييف أصلا لأن فيه موديلات منها بتنزل بتكييف, و تركيب التكييف سهل.