مصر موتورز مجتمع السيارات - لو عايزتتضرب انزل من العربيه عشان تتضرب براحتك

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - لو عايزتتضرب انزل من العربيه عشان تتضرب براحتك (https://www.masrmotors.com/vb/showthread.php?t=81132)

رد: لو عايزتتضرب انزل من العربيه عشان تتضرب براحتك

اقتباس:

المشاركة الأصلية كتبت بواسطة bebonet (المشاركة 627363)

السلام عليكم
انا لسه خارج من موضوع واحد متعلم السواقه جديد وبيشتكى من قلة الذوق اللى فى البلد من كل الطوائف والملل حتى اصحاب العربيات الحديثه اللى المفروض يبقوا اكثر احتراماً
وعلشان كده انا النهارده بقدم نصيحه
لاصدقائى الجدد
وهى حصلتلى
كن ماشى على طريق سريع ونافخ فاهم يعنى ايه نافخ
يعنى وسع وشك
ومره واحده لقيت عربيه نقل دايهاتسون
شاسيه طويل طالعه من ملف وقطع الطريق بكل برود اكنه بيعدى فى حاره طبعا مش هاقولك الحادثه كانت هاتبقى ازاى
بس الحمد لله عديت منه بستر ربنا وبركه دعا الوالدين مش شطاره ويبقى كداب اللى يقلك الحادثه طلع منها شطاره
المهم طلعت راسى من الشباك وروحت شاتمه
وقلتله يا حمار
ومشيت عادى ببص فى المرايه لاقيته
جاى ورايا وشفت الغدر من مرايتى الشمال
فى عنيه قلت لنفسى
انا مابيهمنيش
المهم كسر عليا روحت راكن وهو كمان ركن
على فكره كانت عربيته بتلم زباله
يعنى محمل صاج غسالات قديمه وحاجات زى كده والعربيه شكلها وحش
المهم نزل من العربيه لاقيت واحد دراعه اللهم
صلى على النبى
وانا طبعا مستكبر انزل من العربيه
بس انا بعد كده عرفت انى غلطت غلطه جامد
وضيعت على نفسى أوبشن ثمنه غالى قوى
هو الهروب من السياره
المهم الراجل جه عليا ووقف امام شباكى
وقالى بتقول لمين يا حمار
قلتله ينفع يعنى كده كنت هاتموتنا
قالى بتقووووول لمين يا حمار
سكت افكر شويه
وقلت مش مهم الريش
المهم انفد بجلدى
وقلتله بقول لنفسى
راح سايبنى ومشى
والله طلع راجل محترم ومكملش
لانه كان هايزعلنى قوى
لان فيه فرق فى كل حاجه هههههههه
كان راكب جانبى واحد صعيدى
بصلى باستغراب وقالى انت ازاى تقول على نفسك حمار وازاى تسكتله الكلام ده واحنا ماشيين
يعنى فى الامان
بصيتله بغل وقلتله طب ماهو كان قدامك
ماتكلمتش ليه
المهم الدروس المستفاده
1- لو عملت مشكله فى الطريق لا تقف للزبون حاول تخلع
2-لو وقفت انزل من العربيه متفضلش قاعد مستنيه جوه العربيه لانك كده زنقت نفسك
3-انت ايه اصلاً اللى يخليك تشتمه حاول عدم افتعال المشاكل اصلا خاصتاً لو معاك المدام
والاولاد
:CONGRA~238:

خليك دايما مع ثالثا دى أأمن و ربنا يسترها علينا جميعا ..

رد: لو عايزتتضرب انزل من العربيه عشان تتضرب براحتك

امال يعنى انتوا كلوكم عاوزين تبقوا فيتوات ؟ امال مين الى هينضرب يعنى هههههههههههه :fun_36_1_51[1]::fun_36_1_51[1]:
والله العظيم بهزر يا عم الحج وعلى رائ بوحه الصباح راجل ايده فى فاخده ووشه زى كتفه وحركات كده
ربنا يستر طريق كل سواق ويكفينا شر ولاد الحرام :CONGRA~238:

رد: لو عايزتتضرب انزل من العربيه عشان تتضرب براحتك

بيبو الله يكرمك ويضحكك زي ما ضحكتني

ههههههههههههههههههه:018A1 D~146:

شوف حبيبي انا لا أخفي عليك سرا انا لسه واخد رخصة السواقة جديد

وبصراحة بغلط اه لكن غيري بيغلط اكتر مني

ولأني في المغرب فلازم وواجب عليا احط علامة 90 ورا السيارة

بالشكل ده كده

http://www.coderoute-maroc.com/06.jpg

وللأسف كتير مبيكونش ليا أي اخطاء لكن الناس بتشوف الــ 90 دي بتقول انت اللي غلطان

بصراحة بدأ يطلعلي الضغط واعلى صوت الكاسيت وافضل اشتم اشتم علشان ارتاح

وبعد كده ركبت في التاكسي ولقيت احمر سواق تاكسي ممكن تشوفو في حياتك

وانا بسوق احسن منو مليون مرة - وحماااااااااار لكن لقيت عندو تقنية قوية جدا جدا

كل ما يعمل حاجة يبتسم ويقول اسمحلي ويرفع ايدو كده

ولو حد عمل غلطة كبيرة كده زي يديلك اشارة يمين

ويروح طالع بسرعة شمال ادامك وانت بتسرع علشان تعديه

لقيت منو نفس الاسلوب - الابتسامة وينتظر اللي ادامو يتأسفلو

ومن يومها وده اسلوبي

اكون بتحرق من جوه لدرجة احمرار الوش تقريبا بنسبة حرارة الموتور

وابتسم وده اسلم الحلول - لا يمكن تعمل كده وحد يتخانق معاك

تحياتي :fun_36_3_9[1]:

رد: لو عايزتتضرب انزل من العربيه عشان تتضرب براحتك

يبقى اختصار التقنية هي

ابتسم وعلى صوت الكاسيت واشتم لحد ما تشبع

وده اسلم الحلول وحقنا للدماء

رد: لو عايزتتضرب انزل من العربيه عشان تتضرب براحتك

اقتباس:

المشاركة الأصلية كتبت بواسطة ahmed_gamal777 (المشاركة 627377)

هههههههههههههههه
تصدق الجرى نصف المرجلة والطيران المرجلة كلهاهههههههههههههه

الجرى نص المجدعة
و النص التانى

انك متتمسكش