مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   كيا سيراتو Cerato (https://www.masrmotors.com/vb/forumdisplay.php?f=137)
-   -   هو ليه الناس بتبيع السيراتو 2011 و 2012 (https://www.masrmotors.com/vb/showthread.php?t=80796)

مايكل ذكرى 28-02-2012 06:56 PM

رد: هو ليه الناس بتبيع السيراتو 2011 و 2012
 
كلامك صح يا zmzm ناس كتير بتشتكى منها:010104~171:

ehab62 28-02-2012 07:13 PM

رد: هو ليه الناس بتبيع السيراتو 2011 و 2012
 
مع احترامى لكل الاعضاء اللى بيقولوا مشاكلها كتير فى حد منهم معاه سيراتو عشان يعرف عيوبها ويقيمها ويعطى رايه ويؤثر على قرارات الاخرين ولا كل واحد فيكم هايقول سمعت وقالولى . اللى بيبيع السيراتو بيكون لاحد الاسباب التاليه فى ناس كتير اشتريتها عشان يركبوا سيارة مميزة تبهر الاخرين وده حصل مع السيراتو لغايه اول 3شهور فى 2010 وبعد كده كترت وبيقيت زى 128 فى الثمانينات وده طبعا بيزعل اى حد شارى عربيه فوق ال 100 الف ويلاقيها مرطرطه وفى ناس كتير تانيه مزنوقه فى الفلوس بسبب الظروف اللى بتمر بيها البلد ومحتاج فلوس حتى ولو بخساره زى حالاتى العيب الوحيد اللى فى العربيه انها عفشه سبورت ودى مش متناسبه مع الطرق عندنا لانها كلها مطبات هوائيه فالعربيه عايزة شاب فى العشرينات او طرق ممهده بعنايه عشان تستمتع بالسبورت اما بالنسبه للثبات عشان العربيه على دنجل خلفى يعنى العجلتين الخلفى مافيهاش مقصات ومربوطين ببعض وده بيدى ثبات خيالى فى الملفات بس العربيه بتتصرف بطريقه بتكون غريبه للى مش ركب سبورت قبل كده بتحس ان العربيه بتنط من ورا وانت بتاخد ملف قوى جدااا ولكنها بتعدل من اتجاه السيارة بطريقه ممتازة بتخليك على طول واثق فيها لو اخدت ملف مفاجىء لكن النطه دى بتخلى ناس بتخاف وبيتهيالها ان العربيه هاتتقلب واللى اتقلب قبل كده عارف ان العربيه بتزحف بيه وبيفقد السيطره على تحديد الاتجاه لكن مافيش نطه وهو بيتقلب واسف للاطاله

luckyman 28-02-2012 07:33 PM

رد: هو ليه الناس بتبيع السيراتو 2011 و 2012
 
حاجة غريبة جدا مش فى العربية لكن فى الناس لما نزلت العربية عملوا منها طياره وكلام فوق الوصف فية مبالغة ولما الناس بدات تهاجم العربية برضة مهاجمة غير منطقية كل واحد كلها عيوب ممكن اعرف ايه هى العيوب من ناحية الخامات اى نعم خامات دون المستوى لكن دة حال معظم السايرات الحديثة حتى الالنترا الموديل اللىفات والشكل الجديد نفس الخامات لكن دة لا يعيب السيارة انا ركبت مع صديقى فيها وسالتة اية رائيك قال عربية مش كويسة استفسرت عن الاسباب لقيتة بيقولى على 160 بحس انها خفيفة طيب ارد علية اقوله اية دى فى الاخر سيارة ركاب ملاكى متوسطة او كمان متوسطة صغيره وقال كمان ان الفرامل مش بتمسك معاه وبيحس برجة قوية على السرعة العالية طيب ما دة طبيعى لو فيها ABS
يا جماعة لازم يكون تحليل الكلام يكون منطقى وعن واقع مش وهم او احاسيس وحب وكره للسياره نفس الكلام بشوفة مع ماركات كتير تانية مما يفقد الوضوع اساسا لمصدقيتة زالجدية فى طرح المواضيع اسف للاطاله وشكرا

محمد حسن الشريف 28-02-2012 08:12 PM

رد: هو ليه الناس بتبيع السيراتو 2011 و 2012
 
الشكل بتاع السيراتو رائع لاكن الصاج ضعيف والعفشة ناششفةوالدنجل في المطبات والنقرمش ظريف وسعرها غالي وفية اسباب كتير للي بيبيع ممكن معرفش يتأقلم مع العربية زنقة فلوس او من وجة نظر البعض انها مقلب عل العموم الحمد للة فية انواع احسن بس المسألة اذواق ووجهات نظر وفية ناس مش لاقية عجلة نحمد اللة شكرا لكم

zmzm0000 29-02-2012 01:00 AM

رد: هو ليه الناس بتبيع السيراتو 2011 و 2012
 
انا حضراتكم بتكلم عن تجربه والله وتجربه ناس كتير اعرفهم معرفه شخصيه
اكتر عربيه حوادث وكسر زيرو هي السيراتو حتقوللي عشان انتشارها ممكن برضه
واللي حصل معايا
جيبت عربيه 2011 خليجي كسر زيرو ماشه 10000 كيلو العربيه بالنسبه للخامات كويسه مش وحشه زيها زي كل الكوري
العربيه عفشتها وحشه حتقولوا عشان رياضيه برضه مش مبرر والحمد لله انا تاجر عربيات وليا خبره اوسع مما احد يتخيل ركبت من الفيات القرده للهامر والبورش
العربيه ثبات فالضياع زي الالنترا وكتير من الكوري
التقفيل حلو بنسبه 90 % عشان خليجي طبعا الاوبشن مقبول
اداي السياره فالسحب والشد والتسارع علي قده رغم ان المحرك فوق ال130 حصان !!
الوسع الداخلي يعني مقبول
اما مشكلها واللي بيقول مافيش مشاكل يبقي يحمد ربنا انه ماتعرضش ليها العربيه بيها عيب تصميم وطلع تسريبات عن الخبر ده من اوروبا وححاول اجيب الرابط والعيب يتمثل في وجود خطأ في تصميم المقدمه ووضع الماتور مما يسبب عدم توزيع الوزن بصوره صحيحه وبالتالي عند السرعات العاليه لما وزن السياره يخف يبان الموضوع ويحصل المقدر \واحب اقولكم نهايه تجربتي مع العربيه وانا طالع بيها مشوار وتمام ماشي زي الفل داخل علي كام مطب من الصغيرين خالص وعديتهم بسلاسه وسلانسيه واول ماعديت لاقيت دخان من قدام فكرت العربيه سخنت والقربه بتدخن علي الرغم من اني طالع بيها من اقل من 10 دقايق وماقرصتش عليها والله المهم
يدوب بحاول اوقف علي جنب لاقيت العربيه ولعت ولحسن حظي اني كنت في منطقه فيها ناس لحقوني يا اما كان زماني واقف بتفرج عليها وهي بتتحول رماد المهم بمعجزه وحروق اتفتح الكبوت والناس طلعت الطفايات والمياه وطفينا العربيه بعد فيلم رعب واكشن وانبطح عالارض ولحسن الحظ يا دوب النار طفيت وخرطوم البنزين ضرب وطبعا اي حاجه فبر او بلاستيك في صاله الموتور ساحت والكبوت والرفرفين اللي قدام
وطبعا صرفت 15000 جنيه عشان شويه البلاستيكات والفبر والمصنعيات ورش وغيره وبعد التقرير اتضح ان العربيه بيها عيب فني تسبب في ماس هو اللي ولع العربيه وقدر الله و ماشاء فعل والحمد لله والتجربه للافاده مش اكتر وربنا يكفيكم الشر ويبارك لاصحاب العربيه ويحفظهم من شرها ويعطيهم خيرها


الساعة الآن 12:15 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017