مصر موتورز مجتمع السيارات - الفرق بين الاوتوماتيك والاستيبترونيك؟؟؟

مصر موتورز مجتمع السيارات (https://www.masrmotors.com/vb/index.php)

- المنتدى التعليمى والمكتبة الفنية (https://www.masrmotors.com/vb/forumdisplay.php?f=158)

- - الفرق بين الاوتوماتيك والاستيبترونيك؟؟؟ (https://www.masrmotors.com/vb/showthread.php?t=80562)

رد: الفرق بين الاوتوماتيك والاستيبترونيك؟؟؟

اقتباس:

المشاركة الأصلية كتبت بواسطة AboNoRa (المشاركة 622401)

زى ما قال الباشمهندس احمد الستيب ترونيك هو نموذج اكثر تطوراً وتعقيداً من الفتيس الاتوماتيك

وبالتالى اصلاحة بره التوكيل مش سهل لكنه مش مستحيل وبيختلف من عربيه للتانية

موضوع الزق ده برضو بيختلف من عربيه للتانية وكل عربيه بيبقى ليها احتيطات للزق وطريقة قياسية وسرعة ومدى للزق

امثلة :
الستيب ترونيك بتاع الكورلا اغلب مشاكلة كانت سوفت وير وبيتحل فى التوكيل فقط

الستيب ترونيك بتاع اليابانى والاسيواى المنتشر زى السيراتو والمتسوبيشى فيه ناس بتشتغل فيه بره التوكيل برضو بس بنسب نجاح متوسطة فى الاغلب

الستيب ترونيك بتاع الاوربى الالمانى او فرنساوى غالبا مفيهوش مشاكل الا مع عربيات الفولكس والرينو وبرضو ليه حلول فى بعض المراكز بره التوكيل بنسب نجاح متفاوتة

فصعب نقول قاعدة عامة على الكل خاصة ان كل شركة ليها تطبيقها الخاص للتكنولوجيا ديه

الف شكر يا باشا ع المعلومات الغاليه

رد: الفرق بين الاوتوماتيك والاستيبترونيك؟؟؟

اقتباس:

المشاركة الأصلية كتبت بواسطة احمد على 1999 (المشاركة 622471)

ببساطة انك لو انتقلت لوضعية الستيب ترونيك انت اللى حتنقل بمزاجك عن طريق تحريك عصا الفتيس ( طبعا بدون استخدام رجلك فى حاجة ) عشان طبيعة القيادة الرياضية لو عايز تحرق على الغيارات

الف شكر يا بشمهندس وربنا يجعله ف ميزان حسناتك

رد: الفرق بين الاوتوماتيك والاستيبترونيك؟؟؟

طيب انا اعرف ان الاتوماتيك مش بتتزق لو عطلت هل الاسيبرونيك بردة مش بيتزق ؟:w6w200504112236376d
وموضوع الجر في الاتنين إيه نظاموا ؟ اصلي مش لاقي إجابة صريحة
:CONGRA~238:

رد: الفرق بين الاوتوماتيك والاستيبترونيك؟؟؟

اقتباس:

المشاركة الأصلية كتبت بواسطة waleed_d82 (المشاركة 622617)

متابع باهتمام وواللانسر البومه 2012 الاستبترونيك بتاعها و كويس ولا فيه مشاكل وهل الجر والزق ينفع فيهم ولا لا؟؟ وهل الاوبترا الاوتوماتيك ينفع تتزق او تتجر لاني بقارن بين الاوتوماتيكبتاع الاوبترا والاستبتبرونيك بتاع البومه

رد: الفرق بين الاوتوماتيك والاستيبترونيك؟؟؟

اقتباس:

طيب انا اعرف ان الاتوماتيك مش بتتزق لو عطلت هل الاسيبرونيك بردة مش بيتزق ؟:w6w200504112236376d

وعرفت منين ...........؟

جرب كده تحط الفتيس على الوضع N

وزقها وشوفها هتتحرك معاك ولا لا

اقتباس:

وموضوع الجر في الاتنين إيه نظاموا ؟ اصلي مش لاقي إجابة صريحة
:CONGRA~238:

نظام النقل من جوه الفتيس نفسه معقد للغايه

فمثلا فى الأتوماتيك

كله بيمشى أوتوماتيك وأنت بره الموضوع

أما فى الأستبترونيك STEP- TRONEC

خللى بالك كده من مكونات هذا المصطلح

بيقولك عندك إمكانيه للتدخل خطوه واحده فى الفتيس وعمل ماشئت

( دون الأعتماد على كمبيوتر الفتيس )

هى دى بأه الأوبشن الموجود فى الأستبترونيك

لتشغيله وقت قصير حدا بهدف التحريق على الغيارات

من خلال أنك تختار أحد أتجاهين

+ (العلامه دى ) علشان تحرق على نقله سريعه جوه الفتيس

زى ماتكون بتحرق على الرابع أو الخامس فى المانيوال

_ ( العلامه دى ) لما تختارها

زى ماتكون بتحرق على التانى أو التالت فى المانيوال

طبعا عملية التحريق فى حد ذاتها فى أى نوع فتيس تتخيله

غير مستحب الأستمرار عليها

يادوب حبه صغننين لهدف ما ( زى التجاوزوالتخطى على الطرق السريعه )

ومجرد ماتتخطى

تمشى عادى بدون تحريق وتحول على الأتوماتيك

دون النظر للعمل من خلال الأوبشن الموجود بالأستبترونيك

-------------------

أما بأه لو أنت تقصد

داتا فنيه بصوره مستفيضه

فالأمور معقده بشكل لاتتخيله

ودى فكره عن الأتوماتيك لو حبيت الأطلاع

http://www.masrmotors.com/vb/showthread.php?t=45576