مصر موتورز مجتمع السيارات

صدق اللى قال ما جمع الا اما وفق :w6w200504112236376d
ربنا يوفق البـــاشاوات يارب
وتنتصرو على العملاء الخونة المارقين المدمرين الممولين المسيسين اتباع الصهيونيه العالمية واسرائيل وحماس فى نفس الوقت دعاة والديموقراطية واليبرالية والاناركية الشواذ الكفرة الملحدين ولاد التييييييييييت دول

انا مش عارف يا باشا والله العيال الثورجيه دول عالم بنت تيت خالص معندهومش مفهومية يا اخى
يعنى حضراتكم حاكمين البلد تشكرو اهوه بقالكو 60 سنة وشوية وماشاء الله من ساعتها اسرائيل من عارفه تفتح بقها ومن انتصار لانتصار ماشاء الله لحد ما حررتو كل الاراضى المصرية والعربيه وبعدين طورتو البلد ومبقاش فيه طبقيه واقتصادنا بدل ما كان ياي زراعى بقى واو سياحى والجنيه فى الطالع وباقى العملات فى النازل
والتطور فى الصناعة والصحة حتى الفن والكورة كلو كلو هنعد ايه ونقول ايه ماشاء الله البلد كانت نموذج حضارى للعرب والشرق والعالم كله واحنا اللى عايزين نخربها ونهدمها
كويس كده ارتحت

بص يا سيدى هجيبلك من الاخر حكم العسكر فى 60 سنة بياخد على قفاه لمواخذه من اسرائيل مابين هزائم ونكسات او استسلام ومعاهدات ولما بيتحمق اوى بيشجب ويستنكر

حكم العسكر فى 60 سنة منتصرش غير فى مواجهه واحدة اقرب لحرب تكتيكيه منها حرب شاملة انتهت بثغرة على الجانب المصرى وهزيمة على الجانب السورى على اثر تخاذل الجانب المصرى وال 12 كم اللى حررناهم دخل فى المقابل ليهم شارون لحد السويس ولولا تنازلات السادات وفخ ديفيد لولا منت عليه اسرائيل بالانسحاب المشروط من باقى سينا الغير كاملة السيادة ولا التأمين ومازالت فيه اراضى مصريه غير محررة ومازالت اراضى عربيه غير محررة
مش عارف اى امجاد بتدعيها انظمة الحكم العسكرية العربيه !!!

وعلى حساب مين على حساب شباب رفضو تصدير الغاز لاسرائيل وطالبو بطرد السفير ضد شباب اسقطو مبارك وعائلتة وحاشيتة اللى كانو كوووووولهم اصدقاء لاسرائيل ونسايب

يا راجل ده كلام اسرائيل ايه بس طب قول ايران ولا حماس تليق حتى

وبعدين انت غريب برضو فى موضوع الفتنة والمسيحين وتقسيم البلد !!!

يا راجل ده عمر الفتنة فى مصر والاقطار العربيه من عمر الانظمة العسكرية من عمر تيارات التشدد الاسلامية
قبل ما يحكم العسكر عمر ما كان فيه فتنه بين مسلم ومسيحى يمكن حاولو محاولات فاشلة بتاثير الاستعمار لكن دائما الشعب كان متضامن وفاهم
لكن معروف تاريخيا البداية التؤامية بين الاخوان وحكم العسكر سواء ايام ناصر او السادات
الفتنة وضرب التيارات ببعض وتقسيم البلد لعبتكو انتو مش لعبتنا
احنا فى الميدان وحدنا الكل مسلم ومسيحى اخوانى وسلفى وليبرالى وعلمانى بدوى ونوبى وبحراوى وصعيدى كلنا كنا قلب واحد بنهتف باسم مصر وبنطالب بدولة مدنية وكرامة وحرية

طب اقولك ايه تانى يا راجل ده انتو مستلمين الشعب زى الفل شمعة منورة فرحان ومظاطط وبيهتف ارفع راسك فوق انت مصرى الناس كانت عمالة تنظف فى الشوارع والبورصة طلعت وكنا بدانا نعمل احتفالات تكريم للشهداء
طلعتو علينا بالطرف التالت فى حفلة لاشهدا فى مسرح البالون ومن بعدها عجبتكو اللعبة
رجعتو تلعبو تانى بملف الفتنة وحرق الكنايس علشان تفرقونا تانى
خرجتو شباب ماسبيرو لوحدهم وخلتونا وقفنا ضدهم
عملتو فتنة الاستفتاء وقسمتو البلد مسيحين ومسلمين علشان الاغلبية تقول اه طالما المسيحين عايزين لا
عملتو فتنة المادة التانية علشان تهيجو السلفيين وتفهموهم ان المسيحيين والليبراليين لما يخلو الدولة مدنية هيقلبوها خمرة ودعارة ( قال يعنى هى ماشى على الكتاب والسنة ) فلازم تعملو حزب انتو كمان
مع ان الناس مكانش ليها فى السياسة اصلا وفكرها ضد افكار المدنية الغربيه كلها بما فيها الديموقراطية والانتخابات والبرلمان وووو كل ده بقى عادى
حتى الجماعة الاسلامية تعمل حزب عادى
ومن الناحية التانية تخلى ساويرس يعمل حزب تبقى كملت برضو فالناس بدل ما تروح تختار برامج وسياسات تختار بتوع ربنا بدل بتوع ساويرس ولا العيال الفاضية بتوع الثورة مستمرة
كل ده واحنا اللى عايزين نقسم مصر

يا راجل ده انت عامل مشاكل الدنيا والدين مع البدو من ناحية ومع النوبيين من ناحية ومع مدن القناة من ناحية ومع الاسلاميين من ناحية ومع المسيحيين من ناحية هى ديه الوحدة ولا كل دول فئات مارقة من الشعب برضو