رد: محبي الدايو
 

انا قلت في رد قبل كدة انطباعي عنها عربية روعة في كل حاجة
قبل ما اشتريها عديت على ابو هاشم ( محل قطع غيار استيراد في فيصل )
سالتة عن قطع غيارها لقيت كل حاجة متوفرة مفيش حاجة مش موجودة واسعارها تخيل ارخص من النوبيرا
وبعدين الليجانزا دي عربية حووووت ما شاء الله وعلى فكرة بنزينها مش حريقة زي ما بيهجصوا الناس اللي بتفتي يعني لما تكون راكب عربية 2000 سي سي وبتجمع بشكل مزهل ومتينة ويكون استهلاكها من 180 - 200 في الصفيحة وتزعل .. تبقى بتهزر بصراحة .
بس يشترط الحالة الجيدة للعربية يعني اتفرجت على عربيات ليجانزا كتير ما عجبنيش حاجة لغاية ما لقيت عربيتي الحمد لله
واي حد عايز اي حاجة عنها او يستفسر عن حاجة فيها انا في الخدمة

رد: محبي الدايو
 

ياباشا انت منور الموضوع دا والله

رد: محبي الدايو
 

لغاية دلوقتي 70 واحد شافوا الموضوع ومحدش حابب يشاركنا
ياريت اللي يزور الموضوع يقول راية في الكلام ويقول تجربتة انا عامل الموضوع دا علشان الناس تستفيد وكل واحد محتار يشتري اية يستفيد ويبقة خير للكل
محدش يبخل علينا براية يا جماعة الخير

رد: محبي الدايو
 

ليجانزا .. اكيد قوية و مجرمة زي ما بتقول .. لكن قوتها طبعا لأنها 2000 سي سي .. و مهما تقول فلابد انها بتحرق بنزين .. و خصوصا في ايامنا اللى انت عارفها دي .. نقص بنزين .. و مشاكله .. عموما مبروك عليك .. لكن الليجانزا مش كتيرة في مصر .. و لو بحثت عنها للشراء .. صعب انك تلاقي حاجة كويسة .. و كل الليجانزا اللي شوفتها سوداء .. لم ارى منها ألوان اخرى .. تحياتي للجميع

رد: محبي الدايو
 

اوك انا معاك ان ال 2000 سي سي اكيد بتحرق اكتر انما انا حسبت استهلاكها ولقيتة كدة فعلا
انا مرة سافر مع مديري اسكندرية بالعربية بتاعتة كيا كارنيفال العربية دي 2600 سي سي روحنا بيها اسكندرية ورجعنا ب 35 لتر بنزين
يا جماعة السي سي بتاع العربيات الجديدة غير القديمة لان الجديد التكنولوجي بتاعتة مختلفة عن القديم بكتير وعلى فكرة بقة التوبيرا كانت بتستهلك بنزين اكتر من الليجانزا