مصر موتورز مجتمع السيارات - اية الفرق بي قيادة المانول والاتوماتيك ؟

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

- - اية الفرق بي قيادة المانول والاتوماتيك ؟ (https://www.masrmotors.com/vb/showthread.php?t=79376)

رد: اية الفرق بي قيادة المانول والاتوماتيك ؟

اقتباس:

المشاركة الأصلية كتبت بواسطة MmFFoR (المشاركة 612576)

المانيوال انت عارفه
الاوتو مفيش دواسة دبرياش او غيارات يا دوب تدي الغيار تلاقي العربية بدأت تمشي سلانسيه - بنزين تزود و فرامل تقف و لو مدوستش على اي حاجة حتفضل ماشية سلانسيه بس

الاستيبترونيك اوتوماتيك بس ممكن تقلبها مانيوال بس برضه من غير دبرياش يعني تنقل بين الغيارات من غير ما تدوس دبرياش - و ممكن تقلبها مانيوال

يعني قبل ما اشغل المتور امور ازاي خاصة انو مفيش دبرياش
طيب والستيبترونيك لما اقلبة مانول ادي غيار عادي من غير دبرياش

رد: اية الفرق بي قيادة المانول والاتوماتيك ؟

اقتباس:

المشاركة الأصلية كتبت بواسطة screamseko (المشاركة 612596)

بص طيب عشان متتعبش دماغك الاوتو مش محتاج تعليم
هو الفتيس غالبا حيبقي بالشكل ده
http://www.motorward.com/wp-content/...ansmission.jpg

مبدئيا
P معناها بارك او جراج يعني بتستخدمه لما تكون واقف من العربيه ووركنت بيعمل عمل فرامل اليد
R معناها ريفيرس ده اللي بترجع بيه لوره (المارشدير
N ده الموور وده مبيبقاش علي اي غيار
D ده اللي بتستخدمه وانت ماشي وبيستخدم كل الغيارات (اول وتاني وتالت ورابع اوتوماتك)علي حسب سرعة العربيه وعدد لفات المتور
2 ده بيستخدم الغيارين (اول وتاني)وبيغير مبينهم علي حسب سرعة العربيه وده بيستخدم في حالة انك في طريق مكسر وعايز تمشي براحه ومش عايز الفتيس يجيب التالت
L وده معناها Low وده اقل غيار او الغيار الاول وده في حالة انك في مطلع شديد شويه ومعا حموله في العربيه

بس في الغالب انت مبتستخدمش غير D و R و P
ولازم قبل متغير تكون دايس فرامل والعربيه واقفه تماما

والباقي انت عارفه مش حيفرق عن المانوال في حااجه اشاراتك زواياك كده يعني

تمام بس لو عايز اقف فجأة كنت بضغط دبرياش وفرامل هنا بقي حضغط فرامل بس ؟؟
شكر وتقدير

رد: اية الفرق بي قيادة المانول والاتوماتيك ؟

N هنا معناه ممور العربيه
دوس فرامل وبعدين حرك الفتيس على حرفN

رد: اية الفرق بي قيادة المانول والاتوماتيك ؟

اقتباس:

المشاركة الأصلية كتبت بواسطة كيا سيفيا (المشاركة 612597)

استاذ / MmFFoR
بعد التحيه
اعتقد ان الاخ وليد مش بيسأل عن الفارق فى كيفية السواقه وانما سؤاله عن اداؤه فى السواقه وهل سينزل من درجة استاذ فى المانيوال الى درجة مبتدىء فى الاتوماتيك . انا فعلا كان نفسى اشترى اتوماتيك وبعدين قلت اللى تعرفه احسن وفضلت المانيوال خوفا من عدم تاقلمى واتقانـــــــــى مع الاتوماتيك

انا فعلا بعرف اسوق بس مانول وبالطبع حنزل لمبتدأ في الاتوماتيك لاني معرفش خالص فية اي حاجة وحابب اتعلمة
شكر وتقدير

رد: اية الفرق بي قيادة المانول والاتوماتيك ؟

اقتباس:

المشاركة الأصلية كتبت بواسطة waleed_d82 (المشاركة 612617)

تمام بس لو عايز اقف فجأة كنت بضغط دبرياش وفرامل هنا بقي حضغط فرامل بس ؟؟
شكر وتقدير

فرامل فجأه دوس فرامل بس مفيش دبرياش ولا حاجه

دوس فرامل عادي لحد متقف

ولو واقف علي جمب فتره ممكن تجيب ال N عشان متبقاش محمل عالفتيس وانت واقف

بس لو ماشي علي طول عادي مفيهاش مشكله