مصر موتورز مجتمع السيارات - نظام حماية السيارة

مصر موتورز مجتمع السيارات (https://www.masrmotors.com/vb/index.php)

- مكافحة سرقة السيارات (https://www.masrmotors.com/vb/forumdisplay.php?f=193)

- - نظام حماية السيارة_ GBS tracker (https://www.masrmotors.com/vb/showthread.php?t=79222)

رد: نظام حماية السيارة_ GBS tracker

اقتباس:

المشاركة الأصلية كتبت بواسطة Payoo (المشاركة 611877)

أنا كلمت صاحب الإعلان
و على فكره هو شخص مهذب جدا و بيجاوب على كل الأسئلة بصدر رحب

وقدرت أعرف منه الآتي:-

سعر الجهاز 1300 أو 1350 مش فاكر بالظبط لأننا أتكلمنا في نقط كثيره

الجهاز من النوع الـOff Line يعني مانقدرش نتتبعه من خلال الأنترنت لحظيا

الجهاز لازم يتركب له خط موبايل (شريحه) وكل ما العربيه تدور يبعتلك رسالة يقولك فيها إن العربية دارت و إحداثيتها كذا وأنت تاخد الإحداثيات دي وتحطها على جوجل إيرث مثلا وتعرف موقعها على الخريطة

لا يمكن التحكم في أي شيء في العربية يعني ماتقدرش إنك تفصل العربيه

السعر شامل التركيب

-------------------------------
ملاحظات:-
______
خلال المكالمة فهمت أنه ممكن يبعتلك الجهاز على إحدى المراكز الفنية في القاهرة وهما يركبولك الجهاز

وطلبت منه أنه يحاول يوفرلي الجهاز الـOn Line لأني شايف إنه أفضل من الـOff Line ، أخد تليفوني و وعدني أنه يرد عليا إذا توافر له الجهاز المطلوب

للأسف كل المعلومات التى حصلت عليها خاطئة، هذا الجهاز On-line وليس Off-line.
الأجهزة الـ Off-line لاتعمل بشريحة الموبايل.
هذا الجهاز يمكن تتبعه فى أى وقت من خلال الموبايل أو من خلال النت فى حالة الاشتراك مع أى شركة تعمل فى ذلك المجال.
وكذلك يمكنك تتبعه من خلال جهازك فى المنزل أو الشركة بدون الآشتراك مع أى شركة ولكن يجب أن يكون لديك Static IP address
وكذلك يمكن إيقاف المحرك فى أى وقت.
هذا الجهاز صناعة الصين وعدة مئات من الشركات فى الصين تقوم بتصنيع عدة موديلات جميعها تشترك فى نفس الخواص وكذلك فى نفس التصميم ونفس المسمى والـ Firmware
ويمكنك الإطلاع على Datasheet

http://www.zhyichina.com/en/GPSTrack...ckerManual.pdf

رد: نظام حماية السيارة_ GBS tracker

طب و هو جهاز ال online ده بيختلف عن ال offline ف ايه

رد: نظام حماية السيارة_ GBS tracker

اقتباس:

المشاركة الأصلية كتبت بواسطة atgps (المشاركة 611887)

العهده على الراوي
وعلى أي حال إحتمال يكون بيبيع موديل مختلف عن إللي حضرتك ذكرته

وياريت لو تعرف حد بيبيع الجهاز إللي أرفقت الكتالوج بتاعه ده تدلنا عليه

اقتباس:

المشاركة الأصلية كتبت بواسطة Toyota Corolla (المشاركة 611892)

طب و هو جهاز ال online ده بيختلف عن ال offline ف ايه

الفرق بينهم إن الأول تقدر تشوف كل تحركاته في نفس اللحظة من خلال الكمبيوتر و الأنترنت
أما التاني فيبعتلك رسالة على الموبايل بتاعك كل ما العربية تشتغل أو تبطل يعني رساله بعد التشغيل و رسالة بعد التبطيل

رد: نظام حماية السيارة_ GBS tracker

طب على كده أناهستفيد ايه من الجهاز لتانى طالما مش هيبعتلى احداثيات موقع العربية

رد: نظام حماية السيارة_ GBS tracker

اقتباس:

المشاركة الأصلية كتبت بواسطة Payoo (المشاركة 611920)

العهده على الراوي
وعلى أي حال إحتمال يكون بيبيع موديل مختلف عن إللي حضرتك ذكرته

وياريت لو تعرف حد بيبيع الجهاز إللي أرفقت الكتالوج بتاعه ده تدلنا عليه

الفرق بينهم إن الأول تقدر تشوف كل تحركاته في نفس اللحظة من خلال الكمبيوتر و الأنترنت
أما التاني فيبعتلك رسالة على الموبايل بتاعك كل ما العربية تشتغل أو تبطل يعني رساله بعد التشغيل و رسالة بعد التبطيل

أخى الفاضل، كما ذكرت لك من قبل لايوجد موديلات كثيرة فى الصين وكلهم متشابهون مع اختلاف الشركات المصنعة.
أننى أعمل فى ذلك المجال منذ أكثر من 13 سنه وأعرف كل ما فى السوق المصرى حاليا
وتأكد أنه لايعلم ما يبيعه، حتى انه كتب GPS خطأ لعدة مرات، من يعمل فى ذلك المجال لا يخطئ فى أساس العمل
اذا كنت تريد الشراء منه فتوكل على الله وهذا الجهاز به كل ماتريد.

أما موضوع الـ Off-line والـ On-lineـ فتعريفك لهم خطأ للأسف
الـ off-line لايوجد به شريحة موبايل أو اى وسيلة اتصال، ولكن يقوم بتخزين البيانات فى ذاكرة ويتم تفريغ تلك البيانات عند عودة السيارة فقط. وذلك النظام يصلح للشركات لمتابعة ومراقبة سلوك السائقين.