مصر موتورز مجتمع السيارات - سعر دايو لانوس 2002

اقتباس:

المشاركة الأصلية كتبت بواسطة ali_m2667 (المشاركة 610035)

طيب ابسطهالكوا انا معايا من 40:42 الف اجيب عربية نوعها ايه ؟
ولو دايو لانوس اجيبها موديل كام و 1ولا 2 ؟؟
ومعلش الاستاذ اللى بيقولى انا جايبها من شهرين هل الاسعار بتقل ولا بتزيد ؟؟

اقول لك انا في 2010 جبت لانوس 1 موديل 2000 ب 41.500 والناس قعدت تقول دي غالية انت اتخميت
لكن انا سمعت كلام السمكري والميكانيكي اللي شافوها والسمكري قالي " هي كويسة بس ممكن تكون غالية 1000 جنية بس حاقولك على نصيحة 1000 جنية زيادة يفرقوا مع واحد تاجر بيبيع ويشتري عاوز يكسب فبيبخس تمنها اما اللي عاوز عربية ركوبة مش حاتفرق معاه " انا الكلام ده بيرن في وداني لأن اللانوس على قد ما هي ضعيفة بس معقولة ولا منها هي قديمة ولا حديثة قوي لكن امكانيتها معقولة
انا حا قول لك انت ممكن تلاقي نوبيرا 1 ب 40000 ج موديل 1999 وممكن تلاقي لانوس 2 موديل 2001 بنفس المبلغ
العربية في السنة الواحدة المعقول فيها انها تمشي من 12000 كم الى 15000 كم ده الحد الاقصى في السنة
اللانوس من العربيات اللي سعرها دايما ماسك نفسه وسعر اعادة البيع عالي
انت ممكن تبقى واقف في اي مكان تلاقي واحد يقولك مش للبيع دي يا بشمهندس
ويوم ما تقول انا عايز ابيع بتلاقي لها 100 زبون
بس في حاجة انت في الوقت الحالي حاتقبلك مشكلة العمر الافتراضي ممكن تغير حاجات في العربية تكون بتاعة بلدها الاصلية بتتغير لأول مرة على يدك
ارجو اني اكون افدتك