مصر موتورز مجتمع السيارات - استفسار بخصوص بطارية شيفروليه لانوس

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - استفسار بخصوص بطارية شيفروليه لانوس (https://www.masrmotors.com/vb/showthread.php?t=78624)

رد: استفسار بخصوص بطارية شيفروليه لانوس

في نوع اسمه هانكوك اكثر من رائعه :THUMBS~220: ولو ملقتهاش يبقي الكلوريد افضل من النسر بس ياريت تبقي جافه

رد: استفسار بخصوص بطارية شيفروليه لانوس

اقتباس:

المشاركة الأصلية كتبت بواسطة samirayad (المشاركة 606857)

هقول لحضرتك على فكره مش بطاله

ممكن تستشير أى سواق تاكسى عندك

من أجل المفاضله بين النوعين

لكن

ياريت تكون بطاريه جافه

فعلا متجيبش غير الجافة , انا مسمعتش الكلام وجيبت بطارية عادية المية بتاعتها بهدلت حوض العربية :(

رد: استفسار بخصوص بطارية شيفروليه لانوس

صديقي العزيز
انا لسة مغير بطارية لشيفروليه لانوس 2009
جبت AC-Delco هي امريكي تقفيل سعودي بطارية جافة
المفروض انها 70 امبير بس بعد ما اشتريتها لقيت مكتوب عليها 62 امبير
تمنها 420 لو هياخد القديمة او 480 لو مش هياخد القديمة
صحيح في فرق سعر بس هتريح بالك من تزويد ماء مقطر والمشاكل اللي ممكن تحصل ف حوض العربية وبتشتري راحتك
كمان بيبقي فيها عين سحرية لو لونها اخضر يبقي البطارية تمام ولو اسود يبقي عايزة تتشحن ولو ابيض يبقي بالسلامة البطارية باظت

لكن عايز استفسر من الاعضاء الكلام اللي قالهولي بتاع البطاريات صح ولا لا
يعني هل فعلا ال 70 بيبقي خرجها 62 امبير والبطارية اللي خرجها 70 امبير مينفعش تركب عندي وعايزة عربية كبيرة نقل مثلا او اوتوبيس
ولا بيشتغلني ولا ايه بالضبط
اسف للاطالة

رد: استفسار بخصوص بطارية شيفروليه لانوس

اقتباس:

لكن عايز استفسر من الاعضاء الكلام اللي قالهولي بتاع البطاريات صح ولا لا

لا توجد مشكله مع إستعمال بطاريه 70 أمبير للانوس

إنا مشغل عندى فى النوبيرا 70 أمبير على الرغم إن جايب العربيه من الزيرو ببطاريه 55 أمبير

رد: استفسار بخصوص بطارية شيفروليه لانوس

اقتباس:

المشاركة الأصلية كتبت بواسطة lanos2010 (المشاركة 609674)

فعلا متجيبش غير الجافة , انا مسمعتش الكلام وجيبت بطارية عادية المية بتاعتها بهدلت حوض العربية :(

حصل معايا نفس الموضوع كانت بطاريو كلورايد سائلة والبوية اتأكلت بسبب ان غطا واحد كان مفتوح شوية والمية حامية اكلت بوية قاعدة البطارية واشتريت جافة اسمها هوجل 62امبير وممكن تشوف الرابط ده حيفيدك جدا http://masrmotors.com/vb/showthread.php?t=64782