مصر موتورز مجتمع السيارات - مقترحات إنجاح الثورة

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - مقترحات إنجاح الثورة (https://www.masrmotors.com/vb/showthread.php?t=78318)

رد: مقترحات إنجاح الثورة

إن شاء الله الثوره ناجحه بس عايزه شويه صبر من الناس حتى إنتهاء المرحله الانتقاليه بسلام ودون إضطرابات ... إحنا داخلين على مرحله حساسه وهى إنشاء دستور جديد وبعده إنتخاب رئيس جديد ورحيل العسكر بعد كده ....
فالمطلوب لإنجاح الثوره الصبر حتى تنتهى هذه المرحله الانتقاليه وعدم تعطيل الامور ..

رد: مقترحات إنجاح الثورة

موضوع هايل وربنا يجعله بفائدة
فى ناس كتير مش فاهمة حاجة مش عارفين مين صح ومين غلط وكل واحد ماسك فى رايه ومقتنع بيه والرأى الاخر دايما خاين - انا مع استاذ / على لانجاح الثورة لابد من ترك التخوين ونبدأ نتفاهم مع بعض ونوصل لحلول لان كل واحد بيحب مصر وبيموت فى ترابها ولكن ( كل شيخ وله طريقة ) , وانا من راى نستنى شهر 6 والميدان موجود , لان مش عايز نحمل مجلس الشعب ما نحمله لمجلس الوزراء والمجلس العسكرى - يعنى ممكن بعد كدة يحصل تخبط مع مجلس الشعب ودة وارد فمش عايزين نعيد القصة من اول وجديد ......
هانت وربنا يحفظ مصر وشعبها

رد: مقترحات إنجاح الثورة

حمدلله علي السلامه يا ابو حميد انتا فين يا راجل يا طيب

رد: مقترحات إنجاح الثورة

اقتباس:

المشاركة الأصلية كتبت بواسطة tonsy1979 (المشاركة 604724)

اتفق معاك يا كورسير فى كل اللى قلته ما عدا موضوع المحاكمات الثورية لاننا المفروض دولة ديمقراطية ودولة مؤسسات يعنى العسكر يتحاكموا محاكمات عسكرية والمدنيين فى المحاكمات المدنية بشرط علانية المحاكمات وجعلها محاكمات عاجلة بنزاهة تامة علشان ندخلهم مزبلة التاريخ واحنا مفتخرين بديمقراطيتنا وبلاش نعمل زى دول تانية بدون ذكر اسامى واكيد حقنا وحق الشهداء مش هيضيع:010104~171:

والله يا تونسي باشا لو فضل القضاء بدون استقلال يبقي يدينا ويديك طولة العمر علي ما نشوف نتائج للمحاكمه بتاعته لو القضاء لم يستقل عن الدولة يبقي مفيش غير حل المحاكمات الثورية وبردك بالقانون

رد: مقترحات إنجاح الثورة

زى اى مشكلة بتحصل فى مصر الطرفين يفضلوا يتخانقوا ومفيش حل بيحصل ماتش الاهلى والزمالك مثال كل سنه يقولوا هنتفق على حكم مصرى وفى الاخر ميحصلش اتفاق ويجيبوا حكم اجنبى والمشكلة ان كل شئ مباح فى التحرير علشان تثبت وجه نظرك الصح او الغلط ( تخوين - شتيمة - ضرب وكر وفر - اعتصام - قطع طرق - شقلبة وفبركة )
وفى الاخر ربنا يستر ومنجبش حكم اجنبى لانها هتبق نهايه الحرية اللى حلمنا بيها................

اما عن فك المجلس العسكرى وتولى مجلس الشعب مهام الرئاسة هيكون غلط كبير لان مجلس الشعب موش جاهز على تحمل مسؤليه كبيرة زى دى والمجلس العسكرى افضل بكتير على الاقل دى ناس طول عمرها فى الاماكن دى عارفة خبايا مصر ويقدروا يتصرفوا فى كل مكان او موقف صعب وللاسف مصر مفيهاش حد يقدر على الموضوع ده الان لان الثورة جت فجأه والمجال السياسى فى مصر كان فاضى
الحل الوحيد ان رئيس مصر القادم يكون لواء جيش كبير متدين وبيصلى ويعرف ويخاف ربنا

ليه لواء جيش لان اغلب قاده الجيش متعلمين تعليم جيد وبياخدوا دورات فى كل حاجه وفاهمين فى كل شئ والحمد لله
ليه يكون متدين ويعرف ويخاف ربنا علشان ميسرقناش زى مبارك ويكون فيه مميزات الاسلاميين