رد: مشاكل في ميتسوبيشي مجنا 2004
 

انا كشفت عليها في التوكيل وطلعت مشكلة ان سحب العربية مش كويس سببها الجير

الجير بيطلع على الثالث وما بينقلش وتصليحه في التوكيل ممكن يدخل في 15000 علشان كده قلت استعملها على كده


مشكلة إن العربية بتبطل وبعد ساعات بتغيب في الدوارة دي مش عارف سببها إلى الأن


ياريت الاستاذ نيسان يقول لي الأسماء التجارية بالعربي اللي انت ذكرتها بالانجليزي علشان لما أروح للميكانيكي أقول له

رد: مشاكل في ميتسوبيشي مجنا 2004
 

الفنيين فى التوكيل عندنا بيسمو الثروتل بادى الفراشة و الحقيقة انا مستغرب من الإسم بس أدام فاهمهم و فهمنى يبقى مفيش مشكلة
و الإستيبر موتورز بيقولو عليه إستيبر مش بيغيرو إسمه
الفتيس لما بيطلع على التالت بيكون فى حالة إسمها safe mode او حالة الأمان عشان تعرف تجرى بالعربية و فى نفس الوقت مش أخر سرعة
و قصة ال15000 أكيد هيغيروا مجموعة او مجموعتين و ده نتيجة تأكل بعض أجزائها و الوقت مش فى صالحك عشان الرايش اللى هيطلع من المجاميع اللى بايظة هيبوظ مجاميع تانية
و بالتوفيق إن شاء الله

رد: مشاكل في ميتسوبيشي مجنا 2004
 

انا شفت موضوعك ده من فترة بس مرضيتش اعلق بعد ما شفت تعليق استاذ نيسان لانة كان ينم عن فهم و خبرة و لكن بعد ما شفت ردك الاخير هقولك علي كنت عايز اقولهولك. هنا في الكويت معروف عن الماجنا ان فيها عيب في الجير و ناس كتير بتشتكي منة و عشان كدة العربية بقت بتراب الفلوس و اللي جبها عايز يخلص منها. و ملكش غير انك تجيب جير جديد احسن لك و ربنا يعوض عليك

رد: مشاكل في ميتسوبيشي مجنا 2004
 

بداية الف شكر لاهتمامك ولجميل ردك

طيب العربية ممكن امشي بها اد ايه لحد ما اشتري فتيس مستعمل

تاني حاجة لو غيرت زيت الفتيس ممكن الوضع يتحسن ولا ممكن يكون أسوء لان الفني اللي في الوكالة قال لي لو غيرت الزيت الوضع هايكون اسوء

جزاك الله كل خير

رد: مشاكل في ميتسوبيشي مجنا 2004
 

والله يا باشا مقدرش افتيلك في حاجة زي دي
ممكن المهندس نيسان ينفعك مع ان من اخر مشاركة ليه فهمت ان التاخير مش في صالحك

سؤال انت العربية معاك في مصر و لا في حتة تانية