رد: الحقونى عندى برومة
 

فعلا فية مجرتين او اكتر علي شكل فتحات اسفل الابواب سواء الامامية او الخلفية عشان لو فية اي تسريب لمية جوة الابواب الفتحات دي تصفية للاسف اللي حصل عندك ان من غسيل العربية والامطار اترسب في الابواب مياه وتراب ودا ممكن يكون عمل طين ودا خلي الفتحات دي تتسد وماتصفيش المية ودا اللي خلي الابواب تتاكل من جوة

المهم انا معنديش فكرة التوكيل عندك بيبيع كاوتش الازاز لوحده ولا حيقولك لازم الباب بحالة بس عموما صلح الابواب واتاكد بعد كده ان فتحات المية دي سالكة طول الوقت حتي لو مغيرتش الكاوتش عشان مفيش مية تركن بعد كده في الابواب

رد: الحقونى عندى برومة
 

دى مشكلة كل العربيات الاسبرانزا 516 POLICEE
انا كمان عندى نفس المشكلة برومة فى البابين الخلفيين
البرومة ماسكة دوران الباب الشمال من نحية الكاوتش و ماسكة نهاية الباب من تحت بشكل مستقيم فى الباب اليمين
و دى مشكلة فى كل العربيات الاسبرانزا و سببها دخول المياه من فتحات جلد الزجاج

انا رحت للسمكرى و شلهالى بالصاورخ من غير دقدقة عشان ملعبش فى بوية العربية من جوه و بعدين رحت للبوهياجى و حط معجون فيبر و سابه ينشف و بعدين معجنها و بعدين بطنهالى بسيلر و فيلر و هرش النهاردة باذن الله بس مش العربية كلها .

و البوهياجى قالى ممكن تجيب علبة شمع ب90 جنيه و تفرده على الصاج من بره و من جوه و ده بيدى لمعة و بيحافظ على العربية من البرومة .

تقبل تحياتى و انتظر تعديلاتى

رد: الحقونى عندى برومة
 

[QUOTE=osman516;600503]دى مشكلة كل العربيات الاسبرانزا 516 POLICEE
انا كمان عندى نفس المشكلة برومة فى البابين الخلفيين
البرومة ماسكة دوران الباب الشمال من نحية الكاوتش و ماسكة نهاية الباب من تحت بشكل مستقيم فى الباب اليمين
و دى مشكلة فى كل العربيات الاسبرانزا و سببها دخول المياه من فتحات جلد الزجاج

انا رحت للسمكرى و شلهالى بالصاورخ من غير دقدقة عشان ملعبش فى بوية العربية من جوه و بعدين رحت للبوهياجى و حط معجون فيبر و سابه ينشف و بعدين معجنها و بعدين بطنهالى بسيلر و فيلر و هرش النهاردة باذن الله بس مش العربية كلها .

و البوهياجى قالى ممكن تجيب علبة شمع ب90 جنيه و تفرده على الصاج من بره و من جوه و ده بيدى لمعة و بيحافظ على العربية من البرومة .

تقبل تحياتى و انتظر تعديلاتى

شكرا على رد حضرتك
بس كنت عايز اعرف شوية حجات
هو السمكرى اشتغل فى الباب من جوة ازاى ولا فك برشمة الباب ؟
وهل حل موضوع تجمع المية فى الباب دة ؟ وازاى ؟
و هيرش الحتة بس الى عملها فى الباب من برة بس ؟ ولا من تحت الجريدة ؟
واخيرا التكلفة كانت فى حدود كام ؟
معلش طولت عليك بس الموضوع دة عملى قلق كبيييير

رد: الحقونى عندى برومة
 

لازم تعملها ضرورى وبسرعة علشان ماتسرحش :fun_36_3_11[1]: