رد: حد لو سامحتم يرد علي بسرعة احسن اتجنن
 

يا جماعة الراجل بعتلى رسالة على الخاص وقالى انى العربية زيرو لا تتعدى 700 كيلو
ودا كان ردى علية ياريت تدعموة عشان يثق فى كلامى ويستريح لانة ممكن يوديها لصنايعى يبوظلة الدنيا
_____________________
مش تقولى انها لسة معملتش كليوات كتير يا راجل اى عربية فى الدنيا كلها حتى البى ام لما بتكون جديدة زيرو بيكون في فترة اسمها فترة تلين الماتور ودى مهمة جدا واى ماتور فى الدنيا لما يلين لازم يستهلك بنزين زيادة عن المعدل دا انت كدة ماتورك ما شاء الله مية مية دا مواتير تانى زى الفيرنا مثلا لما بتلين ممكن تاخد اكتر من كدة ودا لقوة الماتور ولعلمك هتفضل كدة لحد الالف كيلو هتظبط سنة وبعد الخمس تلاف كيلو هتلاقيها بقت عربية تمام والبنزين تمام
نصيحة لوجة الله من اخوك والله عربيتك كدة طبيعية واسال على كلامى لو مش مصدق بالعكس المفروض تعمل اقل من كدة يعنى انت ماتورك ممتاز ما شاء الله
اوعى تتعدى 100 كيلو فى الساعة او تعدى 3 rpm
فى فترة التلين او تشغل التكييف ممكن تشغلة تطمن علية وبس لحد ما تعدى الالف كيلو وبعدها شغل براحتك وشد برااحتك
ارجوك اخى فالله متوديش عربيتك لاى حد هى كدة طبيعية انا بكرر كلامى اهه عشان متندمش العربية ممتازة وكويسة ومعدلها طيبعى وهتظبط بعد التلين متلعبش فيها نهائى استمتع بيها واعلم انى اى عربية فى الدنيا كدة حتى المرسيدس انت الان فى فترة اسمها فترة تليين ولعلمك ممكن المعدل يقل كمان شوية عادى برضة سيبها براحتها تلين

رد: حد لو سامحتم يرد علي بسرعة احسن اتجنن
 

ايه الاثار الجانبيه السيئه لاستخدام الغاز كبديل للبنزين ؟؟!!
ايه ياترىايه ياترى حتى على المدى الطويل ,,

رد: حد لو سامحتم يرد علي بسرعة احسن اتجنن
 

كل ما ذكرة الاخ الكريم :memodina 1 صحيح 100%
اصبر بعض الوقت وان شاء الله سوف تجد كل الخير

رد: حد لو سامحتم يرد علي بسرعة احسن اتجنن
 

كلام سليم ... وان شاء الله مع تغيير الزيت وفلتر الزيت ... الاستهلاك ها يقل

رد: حد لو سامحتم يرد علي بسرعة احسن اتجنن
 

السلام عليكم
انا هتكلم على حسب معلوماتي البسيطه عن الغاز
الغاز بيكيون من نتائج احتراقهاملاح قويه بتتحد مع بخار الماء الناتج من الاحتراق الطبيعي الي باتالي بيحولها لاحماض شديده(زي ميه النار كده)
الاحماض ده بتاكل قواعد الصبابات والدلايل وطبعا وش السلندر بيتاثر لانه الومينيوم
وعشان كده الميكانيكيه بيقولو على الغاز ان (حريقه حامي على المتور)
طبعا لما بيكون المحرك مجهز اساسا انه يعمل بالغاز الطبيعي...بيكون المصمم اختار سبيكه وش السلندر انها تكون مقاومه للاحماض

وفي الاخر...التاكل ده بيحصل على فترات بعيده...ولو استخدمت الغاز بمواصفات معينه هتقلل الاضرار( يعني متلا متحولش المتور على الغاز اللا لما يسخن لان على البارد كميه بخار الماء بتكون كبيره جدا ما يؤدي لتحول الكميه ده لاحماض)
:GROWIN~12:والله اعلم