مصر موتورز مجتمع السيارات - القبض على 11 متظاهرا خارج البيت الأبيض لمخالفة أوامر الشرطة

اقتباس:

المشاركة الأصلية كتبت بواسطة مادا (المشاركة 577510)

فين حرية التظاهر السلمى اللى حموم الانسان قرفانا بيه ولا هو قانون التظاهر السلمى ده فقط اتعمل علشان يدمروا بيه البلاد العربيه وينشروا فيها فوضى .. فين الامم المتحده وهيلارى ما أعترضتش ليه .. ليه الشعب الامريكى معملش مليونيه .. علشان بيخاف على بلده ...
هناك المظاهرات باذن والحكومه هى اللى بتحدد مكان المظاهرة ووقت المظاهرة وعندما تتنهى ميعاد المظاهرة لابد من فض الاعتصام لكن عندنا هنا سداح مداح تعطيل مرور وحرق فى البلد وقلة ادب وشرب حشيش وبلطجيه وبنات على شباب فى خيمة واحده ومنع رئيس وزراء يروح لعمله عادى حريه .. للاسف لو ده الحريه اللى الثوار عاوزنها فياريت ماكنا اتحررنا

عمر ماكنت الحرية تساوي الفوضى...احنا بس اللي لسة جداد في موضوع الحرية دي ومعندناش الخبرة الكافية نتعايش معاها كويس

اقتباس:

المشاركة الأصلية كتبت بواسطة corsair (المشاركة 577687)

بس يا عم وليد بدل ما تلاقي الهجوم عليك للصبح ومش بعيد اوباما نفسه يوصي عليك

حبيبي كورسير باشا ربنا يباركلك...اوباما دا طلع ولد ماجبيتوش ولاده...شوف عمالين نتشتم ونهاجم بوش على كلامه وفي الاخر طلع اوباما السهون دا طلع مية من تحت تبن..من ساعه لما مسك الحكم والمنطقة مولعة ...ربنا يكفينا شره

اقتباس:

المشاركة الأصلية كتبت بواسطة حازم شاهين (المشاركة 577847)

السؤال بقى يا أستاذ وليد و إللى الخبر مقالوش
كام واحد من الحداشر دول إضرب بالرصاص و كام فقد عينه و كام إتسحل و إتعرى و كام إتكشف على عذريته

وفية سؤال تاني الخبر ماقالوش برضة هما المعتصمين هاجمو الامن عشان عايز يمشيهم ولا امتثلو لامر القبض عليهم بالحسنى والطاعه

اقتباس:

المشاركة الأصلية كتبت بواسطة AboNoRa (المشاركة 577900)

التعامل فى اوروبا والدول المتقدمة مع المعتصمين بيبقى بالايد وبدون احداث عاهات او اصابات مميتة وده برضو لما تكون فيه مقاومة اصلاً
لكن حد مغمى عليه والناس تكمل ضرب فيه اعتقد ديه ندالة وخسة واضحة عيب ندافع عنها ونبررها

بالتاكيد في اوروبا والدول المتقدمة اللي احنا مش منهم البوليس له يعمل اي حاجة مع المعتصمين طالما تمادو في اعتصامهم وبدأو يسببو حالة قلق وفوضى هو دا اللي بيحصل فعلا بس انا متكلمتش عن واحد مغمى علية وحد بيضربة لان دا مش من الدين ولا الرجولة
لية نخلط الامر بين اعتراضي على سلوك البنات المعتصمات وبياتهم في الشارع ومحدش له دعوة بالموضوع وحصر الامر كله على موضوع السحل والضرب بس...هو دلوقتي ولا تقربو الصلاة هو دا اللي بيعمله كل الناس تاخد نص الموضوع بس وتعلق علية...مش لازم انقد الحاجة كلها على بعضها
يعني انا ضد اللي حصل مع البنت بس برضة ضد اللي هي عملته وبتعملة زيها بنات للاسف فاهمين الاعتصام خطأ...الاعتصام في كل الدنيا بيبقى ليه وقت محدد ناس بتيجي تقف بكل احترام ادام مكان حكومي عام عشان توصل رسالة ما مفادها الاعتراض على اوضاع معينة خاطئة وبعدين ياخدو بعضهم ويمشو برضة بكل احترام وادب ...لكن هنا فاهمين الاعتصام فسحة وبياته في الشارع واهو كل واحد يعمل اللي عايزة يلعب كورة قدام مجلس الشعب...طظ وايه يعني...بنت تنام في خيمة مع شباب...برضة وايه يعني طظ متضايقين لية يا جدعان ماتخللي الشباب يروق ويشوف حالة احنا هنقفلهم على الواحدة...

اقتباس:

المشاركة الأصلية كتبت بواسطة mf86 (المشاركة 577912)

عندما سُءل شرطي أمريكي لماذا تضع قدمك فوق عنق أحد المتظاهرين السلميين

فأجاب الشرطي :عندما كان المتظاهرين يقفون علي الرصيف ولايعطلون حركة المرور كنت لا القي لهم بالا ...

اما بعد تظاهرهم في وسط الطريق وبعد قطعهم للطريق اصبحوا مجرمين والقانون يكفل لي فرض النظام بالقوة

بالتأكيد اكبر صح وهو دا اللي لازم يتعمل مع كل اعتصام او مطالبة فئوية تعطل العمل ومصالح خلق الله

الرد في الاقتباس اعلاة وتقبلو جميعا تحياتي