مصر موتورز مجتمع السيارات - قصه حقيقيه عن الطلاق

اقتباس:

المشاركة الأصلية كتبت بواسطة mar mar (المشاركة 576191)

لما لاب والام بيغيبوا
بيغيب معاهم حاجات كتير
حتي لو كانوا ربوا اولادهم كويس والاولاد دي كبرت برضوا بتفضل محتاجه مراعيه وتفير شيئ اسمه الاحساس بالامان
انا وعدت نفسي لما كبرت اني لو حصل وغلط واتجوزت اني احافظ علي بيتي مهما كانت الظروف ومهما كان اختيري خاطئ
وعدت نفسي لو اصبحت ام هنسي حاجه اسمها انا وهبقي هما
الحياه علمتني كده
لما كنت في الثانوي كانت لسه ماما معانا ولسه الواحد مش حاسس ان الناس بتبصلوا ب ياحراااااااااااااااام والحوارات دي
بس شكل ماما كانت بتتعرض لنظرات دي يمكن ده اللي خلاها تجوز
المهم كبرت انا واخواتي
انا كنت الولد وهما اتنين بنات
خرجت لعالم مفتوح
شفت اللي امي كانت بتخبيه عني
فتحت عيني علي الحياه
وكان شعاري ساعتها اللي معاوموش ابوه وامه الدنيا هتعلموا
دخلت الكليه طبعا اللي ابويا وامي اختروهالي
دراسه مش محتاجه مجهود هو يا دوب كام ملزمه كده تذكرهم قبل الامتحان بربع ساعه واللجنه سهله ومشي امورك
الحمد لله سنه ورا سنه والواحد اتخرج
لما دلوقتي ببص لسنين دي
بحس
انها قرون
اول سنه كان الواحد لسه صغير بس ابوه وامه كانوا لسه بيتخنقوا
بس المره دي مش مين اللي هيخدهم
لا مين اللي هيرمهم لتاني
سنه كانت تحفه قعدنا انا واخواتي في بيت لوحدنا وكنت طبعا راجل البيت
كان التحول بقي من ولد صغير ميعرفش يتحمل مسؤليه
الي راجل كبير فجائه وبدون مقدمات
وطلعت قدها وعدت السنه
والسنه اللي بعدها وبعد ما رجعنا مع امي
كنت خلاص مش انا هذا الفتي بتاع زمان
كان في شيئ اتكسر مش عارف ايه هو
بس شيئ كبير اوي وجامد اوي اتكسر
زي ما تقول كده مافيش ارض تحتك
وانت واقف بطولك
ااتعرفت فيها بقي علي شباب زي الفل
بس ضيعين شويا هما دول بقي باب الحياه اللي اتفتح
ضياع ما بعدوا ضياع
عرفت كل الاشكال ومريت بكل المواقف
واخدت علي قفايا كتير اوي علي بال ما اتعلمت اللعبه ماشيا ازاي
كانت اوحش سنه سنه رابعه
كبرت اوي وخلاص هتخرج وامي اتجوزت ورجعنا تاني لوحدنا بس للاسف انا مش رجل البيت
خرجت من تجربه اللي عشته ومن الدنيا اللي شوفته مش فارق معايا حاجه خاااااااااااالص
حتي نفسي
اصبح جوياحاجه زي وحش حبسوا لما حد يقربلوا ياكلوا حتي لو كان ابويا او امي
ومنهم اخواتي
اشتغلت وشفت الناحيه التانيه من الدنيا الزباله اللي مش واضحه
الزباله المستخبيه اللي تحت الترابيزه
لحد م اتاكدت ان مافيش شغل نظيف كل شغل في حاجه من اتنين يا فلوس يابنات
طبعا بما اني اصبحت خبير في الزباله طبعا كنت عارف الزباله دي تمشي ازاي وازاي اوقفها لو انا عايز
او ازاي امشيها برضوا لو انا عايز
وطبعا ده شيئ مش حلو
بس اصبحت اخاف علي اخواتي البنات اوي بذات في مجال الشغل
هما مش فاهمين اني مش عايزهم يشوفوا او يخسروا او يعيشوا اللي انا شفتوا
كلمت ابويا شرحتلوا الموقف وحاكتلواا علي كل حاجه انا شوفتها وعملتها
بس ردت فعلوا اكدتلي حاجه واحده بس
انه لسه مش فاهم حاجه
بدل ما يخاف علي البنات اصبح خايف عليا انا
مش عارف يعني انت جاي تخاف بعد مخلاص مابقاش في خوف عليا انا
استغربت اوي هو انا بطلب منك اني اصعب عليك ولا انك تصلح غلطتك وتاخد بالك من بناتك
طيب انا والد ومافيش خوف عليا مهما حصل ايه
دول بنااااااااااااااااااات خاف ياجدع
طبعا لا حياه لمن تنادي
اخدتها عافيه شوياا
بقيت افرض رائي وابقي انا الراجل بدام مافيش حد يقوم بالدور
بس مش نافع هما برضوا مش هيسمعوا كلام حد غير ابوهم وامهم
اصبحت منبوذ ما بنهم
الابن الضال
الابن العاصي
الشيطان
حقارت العائله الكريمه
بس انا عملت باصلي وبرضوا مستغنتش عن البيت اللي اصلا مابقتش اشوفوا بيت
مع اني ممكن اعيش حياتي واتخلي عنهم وكل واحد يعيش حياته
وللاسف انا هعرف اعيش حياتي اوي
ومش هغلب عارف زي ما بيقولوا سكه الضياع منين
لاني ولد
اخواتي البنات هيعملوا ايه وبعدين دول بنات
ساعات كتير بيبقي الغلط قدامي بس مبحبش اغلط اقول ربن يستر علي اخواتي البنات
بس دلوقتي مش قادر استحمل الدنيا معايا سودااااااا
طبلت من كل ناحيه
اللي نفسي اتجوزها بضيع من ايدي
بقيت اس المشاكل في االبيت
حياتي ادمرت شغلي ضاع
مسقبلي

منقووووووووووووووووووول
قصه عجبتني قولت انقلها

ROSE4UROSE4UROSE4UROSE4UR OSE4UROSE4UROSE4UROSE4U