مصر موتورز مجتمع السيارات - صيانة ال 40 الف للفيرنا بالشارع وكل سنة وانتا طيب يا غبور

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

رد: صيانة ال 40 الف للفيرنا بالشارع وكل سنة وانتا طيب يا غبور

مبروك يا كورسير ولا عشاء لغبور هههههههههه

رد: صيانة ال 40 الف للفيرنا بالشارع وكل سنة وانتا طيب يا غبور

اقتباس:

المشاركة الأصلية كتبت بواسطة corsair (المشاركة 574766)

احنا نخش في الموضوع علطول علشان منعطلكمش معايا :10CC26~164:

اولا جيبت خرطوم زيت باور لان القديم عندي شقق ونشف وبقا بيسرب زيت كلفني 25 جنيه

ثانيا جيبت زيت باور شيل من بنزينة شيل تمنه 28 جنيه

ثالثا طقم بوجيهات 1 شمعه اصلي هيوانداي تمنه 55 جنيه

رابعا فلتر هواء اصلي هيوانداي تمنه 35 جنيه

خامسا فلتر بنزين اصلي هيوانداي تمنه 50 جنيه

سادسا سير باور اصلي هيوانداي تمنه 25 جنيه لان القديم خلاص كان جاب اخره

سابعا سير دينامو اصلي هيوانداي تمنه 45 جنيه لان القديم بردك جاب اخره

طبعا كل الكلام ده جيبته من نافع بتاع مصر الجديدة :286:

ما عدا زيت الباور جيبته من بنزينة شيل

المهم سئلت البنزينه عن حد شاطر يعملي الكلام ده دلوني علي واحد واقف في الشارع وحوليه مجموعة عربيات اشكال والوان المهم انا قلقت بس قولت نسلمها لله ونخلص الموضوع

حظي الحلو وقع في ميكانيكي معاه فيرنا زي وده اللي طمني اكتر لان في اكثر من ميكانيكي واقف شغال

المهم الاسطي احمد ابتدي يشتغل في العربية والحمد لله مخدتش في ايده ساعة بالكتير

ودفعت 50 جنيه تركيب للكلام اللي فوق ده كله :sycho26:

ولا عزاء للفقيد غبور SLAM

ادعولي بقا اغير زيت الفتيس لحسن خلاص قربت اشحت جنب البنزينه :red_face10:

على فكرة ياباشا مهندس ممكن تغير زيت الفتيس فى محطه مصر للبترول اللى قبل حديقة الميرلاند اللى فى شارع السبق لانهم هما وموبيل اللى عندهم زيت فتيس الفيرنا وعقبال تغير سير الكاتينه برة غبور

رد: صيانة ال 40 الف للفيرنا بالشارع وكل سنة وانتا طيب يا غبور

اقتباس:

المشاركة الأصلية كتبت بواسطة khaabas (المشاركة 574775)

بس يا كبير ما كنت تغير سير الكاتينة والبلية بالمرة
وخرطوم الباور نشف بسرعة ليه كده
ونصيحة غير ميه الرادياتير ونضفه

لسه يا غالي علي 60 الف هغير سير الكاتينه ان شاء الله وبالنسبة لخرطوم الباور انا مش عارف ايه السبب الصراحه اللي يخليه يشقق ويسرب

وبالنسبة للريداتير انا نضفته وغيرت ميته من شهر تقريبا

اقتباس:

المشاركة الأصلية كتبت بواسطة Neo206 (المشاركة 574799)

مبروك التغير و ربنا يديك خيرها و يكفيك شرها
و أردم على غبور

الله يخليك يا نيو وغبور انا رادم عليه بقالي سنة اهو

اقتباس:

المشاركة الأصلية كتبت بواسطة rabet007 (المشاركة 574829)

مبروووك يا باشا ربنا يبارك ليك فيها وياريت بقه عنوان نافع بتاع مصر الجديده لانه اسعاره كويسه وشكرا ليك :)
بالنسبة للصيانه انا ان شاء الله هاعملها عند احمد كار ربنا يكرمه
اتشرفت بحضرتك

ربنا يعزك يا غالي ونافع انتا لو نزلت الكوربه او شارع دمشق وسئلت عليه الف مين هيدلك عليها لانه مشهور جدا هناك

وربنا يوفقك لما فيه الخير وانا اللي اتشرفت بمعرفة حضرتك

اقتباس:

المشاركة الأصلية كتبت بواسطة احمد على 1999 (المشاركة 574851)

شكرا يا كورسير على نقلك المفيد للتجربة

تسلملي يا استاذنا ورئيسنا وعمنا استاذي الكبير احمد باشا

اقتباس:

المشاركة الأصلية كتبت بواسطة tonsy1979 (المشاركة 574876)

مبروك يا كورسير ولا عشاء لغبور هههههههههه

هههههههههههههههههههههه

ان شاء الله هنطفحه اللي كله علي قفنا السنين اللي فاتت ديه كلها يا تونسي باشا

اقتباس:

المشاركة الأصلية كتبت بواسطة acer (المشاركة 574925)

تسلملي يا اسر باشا علي المعلومه الجميلة ديه وانا فعلا كنت محتار اغير زيت الفتيس فين وان شاء الله سير الكاتينه لو قلبي طاوعني هغيره بره التوكيل

رد: صيانة ال 40 الف للفيرنا بالشارع وكل سنة وانتا طيب يا غبور

:018A1D~146:

مبروك ياكورسير وعقبال صيانه المليون .. ربنا يحفظهالك ويباركلك فيها

رد: صيانة ال 40 الف للفيرنا بالشارع وكل سنة وانتا طيب يا غبور

يارب تغيره ههههههههههههههههههههههههه هه