رد: ارجو الإفادة و جزاكم الله خيرا
 

استاذ احمد جزاك الله خيرا على الرد

لكن بالنسبة للتسريب اعرفه إزاي ؟؟ انا مش باشوف اي حاجة تحت العربية

وفيه سؤال تاني , اول ما افتح العربية الصبح واشغلها وابدا اسخنها بلاقي ال
rpm
وصل لاكتر من 1 , فيه ناس قالتلي ان ده ممكن يأثر ف البنزين فهل فعلا صحيح , ولو صحيح , ايه المطلوب عمله , وجزاك الله خيرا :)

رد: ارجو الإفادة و جزاكم الله خيرا
 

بالنسبة ان ال rpm اكتر من 1 و هيا باردة فده طبيعى انها اول ما تدور ممكن توصل ل 1800 او حتى 2000 لحظيا و تنزل ل 1200 او ل 1100 شوية و بالتدريج تنزل ل 750 ل 850 rpm
كل العربيات كده
لكن لو بعد ما تسخن بتفضل فوق ال 1 فده طبعا يعلى استهلاك البنزين جوه البلد

حضرتك عرفت ازاى انها عملت 370 كم ب 60 لتر ؟ يعنى الطريقة ازاى بالتفصيل ؟

رد: ارجو الإفادة و جزاكم الله خيرا
 

ما هو حضرتك انا اشتريتها وكشفت على الماتور وكان الحمد لله مضبوط , وبعدين اول ما جبتها على طول ماكنش فيه بنزين وبعدين رحت احط بنزين حطيت صفيحة وكانت عاملة ف الوقت ده
128328 كيلو وبعد لما الصفيحة خلصت صراحة مش مُتَذكر كانت عاملة كام , لكن علامة البنزين ف التابلوة بانت فروحت علشان احط بنزين , مليت التانك ع الآخر يعني حوالي 40 كيلو - صفيحتين , بعد لما خلصوا ورحت احط بنزين تاني برضه لما كان المؤشربتاع البنزين عند نهاية ال E , رحت املى بنزين تاني وكان ف الوقت ده 128698 كيلو

فالفرق على ما اعتقد حوالي 370 كيلو , انا رحت بعد كده لميكانيكي وغيرت طقم سيور وقالي هانضفلك فلتر البنزين , ونضفه , وبعديها برضه حطيت بنزين ومليت التانك على آخره لكن كان ساعتها الكيلوات 128898 , فالله المستعان انا مستني اشوف الفرق بعد كده يمكن يقل والله اعلم , جزاك الله خيرا باش مهندس

رد: ارجو الإفادة و جزاكم الله خيرا
 

جزانا و اياكم
يا ريت يا دكتور متسيبش التانك يقل عن الربع عشان مضخة البنزين تبريدها بالبنزين فلما البنزين بيقل عن كده عمرها بيقصر

يفضل قياس معدل الاستهلاك فى مشوار سريع على سرعة 90 ل 100
تفول لللاخر و تمشى المشوار و تدخل تفول للاخر تانى و تشوف المشوار مسافته ايه و التموين كميته ايه
لان الاعتماد على المؤشر و ال E غير دقيق