رد: ايه المفروض اعمله علشان اغير وانا ماشى طواالى
 

انا هفترض ان النقلات عندك بالترتيب ده P R N D 2 1
من تجربتي لعربيات اتوماتيك كتير (مش بينهم الصني)، كل اللي حضرتك محتاج تعمله انك تهدي السرعة بس لحد ما توصل لسرعة مقبولة للغيار 2 او 1 عشان بس الماتور مايزعقش في وشك :biggrin:
ساعتها ممكن تنقل براحتك.
في عربيات فيها زرار في الفتيس وفي اللي مفهوش، من اللي فيهم(أتوقع الصني كده) في منهم لازم تدوسه عشان تنقل للغيار الأقل، غالبا هاتقدر تدوسه من غير فرامل
لو حضرتك عندك الكتاب بتاع العربية، لازم هتلاقي الكلام ده كلو مشروح فيه.
بالنسبة لجزئية المطالع، انا مش شايف اي داعي للنقل للغيار الأقل. العربية بتصغر الغيار بنفسها لو لقت نفسها محتاجة كده، جرب كده تبقى طالع مطلع، وثبت رجلك لا تزود بنزين ولا تقلل، طبعا السرعة هتقل عشان المطلع، لما بتقل بدرجة كافية هتلاقي العربية لوحدها بتصغر الغيار (هتلاقي صوت الماتور وال RPM عليو) وكلو هايبقى تمام


ملاحظة اخيرة:
لما بتقع في ايدي عربية ايجار :3mla:
لازم في اي اشارة احطها على ال N وازود البنزين واول ما تفتح الإشارة انقل على ال D وهاتك يا أحلى امريكاني :01F6EB~150:
لا فرامل ولا زراير ولا هم يحزنون

رد: ايه المفروض اعمله علشان اغير وانا ماشى طواالى
 

بص يا جميل من الـ D للـ 2 مافيش مشكلة بتنزله عادي من غير فرامل ومن غير الزرار بتاع اللوك بتاع الفتيس.
تقدر تنقل عادي للـ 2 وتطلع منه تاني على الـ D.
من الـ 2 للـ 1 أو العكس ماينفعشي لازم تدوس فرامل وهوا عموما لو إنتا على أي مطلع إنتا مش محتاج تنقل لو إنتا عندك سبب معين والمطلع طوييييل وإنتا هتمشي عليه بسرعة وخايف للعربية تنقل على التالت ولا حاجة ماشي هات الـ 2 لاكن مش هتجيب أبدا الأول لأنك لو على سرعة الأول هيا هتنقل لوحدها.
دا على فتيس الكرولا القديم الي كان مافيهوش التعريجة.

رد: ايه المفروض اعمله علشان اغير وانا ماشى طواالى
 

كلام جميل، انا احيانا بنسى واجيب على 2 بدل D وافضل ماشى وبعدين احس ان العربية متكتفة، اقوم ناقل على D على طول من غير فرامل - بس شيل رجلك من على البنزين فقط.

رد: ايه المفروض اعمله علشان اغير وانا ماشى طواالى
 

طب انا عندي سؤال لولبي
هوا ليه الواحد يكتف العربية اتوماتك في اي مطلع ؟

الدكتور اسلام بيقول "والمطلع طوييييل وإنتا هتمشي عليه بسرعة وخايف للعربية تنقل على التالت ولا حاجة "

لو انا هامشي على سرعة التالت على مطلع، ليه اكتم العربية واخليها تزعق على الفاضي ؟

انا كنت بنزل غيار في المانيوال عشان عزم العربية بيقع. يعني ابقى ماشي على التالت واطلع المطلع الاقي العربية صوتها وطي اوي وهتبدأ بقى تترجرج وطبعا بتحس ان خلاص مافيش اي قوة بتدفعك مع انك دايس بنزين، ساعتها بسقط غيار للتاني على طول تلاقي العزم رجع والعربية بدأت تزق نفسها من تاني. ومجرد ما اخد سرعتي من جديد برجعها تاني على التالت

انما في الأتوماتيك عمر ما الكلام ده حصل معايا. هيا العربية بتظبط نفسها بنفسها سواءا في تزويد او تنقيص الغيارات.

فا سؤالي بطريقة تانية: لو انتا عاوز تسرع على مطلع، ليه ماتخلهاش تاخد التالت ؟

رد: ايه المفروض اعمله علشان اغير وانا ماشى طواالى
 

اقولك انا الكلام ده لو انت محمل ناس او حموله فى السياره وكنت طالع مطلع مثلا والمطلع ده عالى فلو السياره كانت مثلا على d وكانت سرعتك مثلا 80 كم فده بيكون حمل على الموتور عشان كده انت فى الحاله دى بتجيب الغيار رقم 2 فى الفتيس والغيار ده مسموح بيه لغايه 90 كم فى النيسان عشان يديلك عزم للموتور وكمان ميكونش حمل على الموتور ايضا فى حاله الوضع d غير كده لو المطلع مش جامد وكمان سرعتك معديه 90 كيلو يبقى تخليك على الغيار d افضل ولو كنت معاك ناس كتير فى السياره يبقى تلغى الاوفر درايف حتلائى اللمبه بتاعته نورت فى التابلوه عندك لغايه 100 كم وبعد متطلع المطلع تقفله عشان ينقل للسرعه الرابعه فى الموتور اما لو كنت مش محمل ناس فى السياره غيرك انت وواحد فقط فخليه شغال يعنى متلغيهوش طلما السياره واخده سرعتها وماشيه كويس مع الاحتفاظ بالوضع d طبعا اثناء السير اكتر من 90 كيلو فى المطلع