مصر موتورز مجتمع السيارات - ياريت تساعدوني صيانة 200000 كم ل فكترا A

اقتباس:

المشاركة الأصلية كتبت بواسطة tonsy1979 (المشاركة 569787)

هتغير طقم السرفيس والفلاتر كلها والسيور وسير وبلية الكاتينة وتيل الفرامل وتنزل زيت الفتيس وتربط العفشة وترصص وتظبط زوايا:CHUBBY~36:

جزاكم الله خيرا و الف شكر علي النصائح الغالية
بس ممكن توضيح المقصود بطقم السيرفيس و طريقة الكشف على السبراتير و المارش (هل يوجد طريقة اختبار خارجيا ام يجب فكهم واختبارهم من الداخل)

و رجاء الافادة في موضوع الطنابير لانها فعلا بتعملي مشكله في جودة الفرامل خصوصا على السرعات العالية الرعشة بتكون جامده ... انا جربت الخراطة بس برده النتيجة بتكون كويسه في اول 2000 كم بس و نفس النتيجة لو غيرتهم ز بصراحة انا محتاس في الموضوع ده من بعد ما غيرت بتوع الفابريكة و صرفت كتير جدا.

المشكلة اعتقد انها بتكون في جودة الخامة و معدل التبريد خصوصا طبعا في السفر و السرعات العالية
انا جربت انواع الماني و انواع تانية كويسة زي بريمبو و ريمسا بس برده نفس النتيجة و بصراحة فكرت في حلين
الاول: اني اجيب طنابير رياضية لان معدل التبريد بيبقى عالي بس انا معرفش انواعها ولا بتتباع فين
الثاني: اني اجيب الطنابير و التيل GM أصلي الماني من التوكيل وادفع فيهم 1500 جنيه بس انا خايف بعد ماركبهم الاقي نفس المشكلة

ارجو الافادة و لكم جزيل الشكر