مصر موتورز مجتمع السيارات - مقارنة:ايهما افضل الفيرنا فيفا ولا الشيفرولية لانوس 2012؟!

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: مقارنة:ايهما افضل الفيرنا فيفا ولا الشيفرولية لانوس 2012؟!

اقتباس:

المشاركة الأصلية كتبت بواسطة MOSTAFA SALLAM (المشاركة 569809)

بص دلوقتى زمن اللوجان و بعدين اللوجان متتقارنش بالعربيات دى من الأساس .
اللوجان عربية اوروبى تقفيل مصنع رينو بالدار البيضاء بالمغرب انما الانوس و الفيرنا كورى تقفيل مصر و دة مبدئيا كدة .
نيجى بئة لتانى حاجة اللوجان فئة اعلى من الانوس و الفيرنا .
اللوجان رخيصة علشان اتفاقية اغادير مش اكتر .
العربية دى لو نازلة بسعرها الأصلى مكنتش قلت عن 85000 جنيه و انا واثق و عارف كويس انا بقول ايه .
ثالثا مين قال ان اللوجان حاجتها غالية و مش متوفرة !!!
مش هقولك غير كلمة واحدة انزل و اسأل بنفسك و هتلاقى فى منها تيوانى و تركى و اصلى و طبعا كل حاجة و بتمنها و بعدين توكيل رينو يعد افضل توكيل فى مصر حاليا .
و كمان مين اللى قالك ان سعر اعادة بيع اللوجان رايح فى داهية !!
اقسم بالله انا عربيتى 2011 و جابتلى 64000 جنيه من 4 ايام و اول معرضتها لقيت كمية تلفونات بالهبل .
بص من الأخر اللوجان احتلت فئة من 60-75 الف جنيه و بعدين الناس اللى بتنتظرها بال3 شهور دول مش هبل يعنى و الأكتساح و النجاح الرهيب اللى حققته دة معناه انها عربية ممتازة و بعدين ملاكها كلهم بيشكروا فيها و انا واحد منهم و كل اللى ركبوها اجمعوا على انها عربية محترمة و لو كانت وحشة مكنتش الشرطة حجزتها و هتستلم بعد 5 شهور تقريبا .
بص لو عاوز عربية محترمة ( ثبات - ابشنز - تكيف ثلاجة - عافشة ناعمة - فرامل قوية - عربية عالية عن الأرض - واسعة - شيك - اسم عريق - توكيل محترم - عربية مميزة ) يبقى لوجان .
لو عاوز عربية بتتباع زى البدرة و صيانتها سهلة بس ( ثباتها وحش - فرامل ضعيفة - ابشنز عادية - صاج ورق - واطية على الأرض - تقفيل زبالة - تكيف سىء - توكيل الناس كلها بتسب و تلعن فيه يبقى لانوس او فيرنا ) .
فى النهاية مش عاوزك تتسرع فى اختيارك و عاوزك تفكر كويس و تحسبها صح و تختار العربية اللى انت مرتحلها نفسيا علشان انت مش هتدفع مبلغ قليل و كمان مش هتغير العربية كل يوم .
و ربنا يوفقك فى اختيارك و تقبل تحياتى .

والله قلت الكلام كله بس زوادة بسيطة

زيادة علي دا كله الامان - بعد فضل وستر ربنا - والاوبشن اللي اعلي من الفيرنا والانوس وطبعا اللي قالك ان قطع الغيار غالية يكفي اني اقولك ان زميل ليا مغير العفشة الامامية بالكامل ب 2000 جنية بسبب حادث كفانا الله شر الحوادث ةلله الحمد مفيش حاجة جت جنب الماتور عشان الشيلد اللي تحت الماتور يعني الكلام اللي كان بيتقال ان المقص ب 2000ج والكوبلن ابو 3000ج دا كلام فاضي مالوش اساس

رد: مقارنة:ايهما افضل الفيرنا فيفا ولا الشيفرولية لانوس 2012؟!

اقتباس:

المشاركة الأصلية كتبت بواسطة akerima (المشاركة 570006)

فعلا انا نسيت اتكلم على مستوى الأمان خاصة و احنا اكتر دولة بيحصل فيها حوادث .
اللوجان واخدة 3 نجوم من 5 نجوم فى مستوى السلامة الأوروبة و فيها اير باج و كمان مصفحة من تحت و فيها نظام امبولايزر مانع للسرقة .
من الأخر الرينو رينو و الفرنساوى فرنساوى يا باشا .

رد: مقارنة:ايهما افضل الفيرنا فيفا ولا الشيفرولية لانوس 2012؟!

اولا انا:1497EA~150: شاكر لكم جميعا على ارئكم القيمة .فى الاول انا كنت مقتنع بالوجان جدا لاكن مقدرش اتلاشا كلام عديلى المكانيكى لانة هو اللى جرب وشاف وتعامل معاة ومع زباينة من خفة الصاج وغلو قطع الغيار وسعرها بعد الاصلاحات دا قالى جاتنىلوجان سقفة مطبق وصاحبها عايز ييخلص منها ب26 الف كانت موديل 2010 لو انا مشعارف ة كويس كنت كدبتة وقالى العربية دى عايزة وش سقف كامل بالزجاجالاصلى حتكلف من 10 الى 15 الفكان حيجيلى شلل لما سمعتة. مازلت فى حيرة رغم ارئكم المسمرة.عالفكرة سمعت الوجان صوت الموتور عالى والكاسيت CD سىء للغاية داغير كلمة السراو الكود اللى من غيرة ميشتغلش وسحبها ضعيف.مازلت منتظرارائكم باقى ايام وحخلص العربية ومطلوب منى النوع بالموديل واللون. شكر خاص لاعضاء مصر موتورز. وربنا يقدركم على الخير. دائما.:1497EA~150:

رد: مقارنة:ايهما افضل الفيرنا فيفا ولا الشيفرولية لانوس 2012؟!

اللوجان عربية محترمه والتوكيل بتاعها اسم كبير بس بصراحة قطع الغيار بتعتها غالية
بس راي خليك في الفيرنا بصراحه عن تجربة شخصيه الفيرنا احسن في السحب و في كل حاجة اما بالنسبة لقطع الغيار هى الفيات بتاعه الزمن ده يعنى قطع الغيار عند البقال واى ميكانيكى هيشتغل فيها و شكررررررررررررررررررررا:f un_36_3_1[1]: