مصر موتورز مجتمع السيارات - باركولى .. والحقونى...

اقتباس:

المشاركة الأصلية كتبت بواسطة amriar (المشاركة 562544)

السلام عليكم يا احلي شباب ..
الحمد لله استلمت عربيتي اللوجان ولونها فيرانى بعد انتظار رهيب و خناقات و مشاكل .. انا عايز منك تباركولي جامد جدا جدا و اسمع ضرب نار و المنتدى يحتفل 7 ليالي :260309~146:

- الف مبروك وربنا يديك خيرها ويكفيك شرها

الحمد لله استلمتها عروسه كل حاجه فيها زي الفل و تمام التمام بس للأسف في شويه حاجات نكدت عليا وعايز مساعدتكم ضروري جدا جدا

1- بعد 24 ساعه فقط حصل حادث اليم للكاوتش الشمال الخلفي:THUMBS~113: سبب فتحه طولها 4 سم والكاوتش كدا راح بالسلامه وخد العين الحمد لله.. ها اضطر اجيب كاوتش جديد .. ممكن تقولوي اجيب كاوتش ايه ومنين و بكام.. انا في مدينه نصر .. ارجوكم ساعدونى في الحوار دا .. ضروري ضروري

- قدر الله وماشاء فعل وبسيطة والحمد لله
- اما الكاوتش فحاول تدور على نفس نوعية الكاوتش ونفس النقشة
- ودة ممكن يكون صعب شوية واسأل عنة فالتوكيل افضل

2- في صديق قالي ان الكاوتش في الضمان كلمت خدمة العملاء قالولي لا مش فيه هل في بعض التوكيلات فيها الكاوتش في الضمان ؟؟؟ وهل في عيب كدا في الكاوتش ولا ايه ؟؟

- اتأكد حضرتك من تاريخ صنع الكاوتش الموجود علية ان كان حديث فلا مشكلة فالكاوتش
- اما ضمان الكاوتش فلم اسمع عنة من قبل
- لان ضمان الكاسيت والبطارية على المُصنِّع

3 - معدل الاستهلاك في العربيه حوالي 16 لتر لكل 100 كيلو واعتقد دا مش تمام:thnkr: .. انا عامل 60 كيلو بس لحد دلوقتي وطبعا انا متعلم سواقه قريب فيادوب بمشي علي الاول والتانى ولما اجيب 60 كم في الساعه بحي انى طاير هل دا ها يكون هو سبب الاستهلاك العالي دا ..
انا للمعلوميه كلمت رقم خدمة العملاء و قالي دا عادي في الاول وبعدين ها يقل هل دا سليم وحصل مع حد تانى ؟؟؟

- حساب الاستهلاك لة طريقة تانى ويفضل حسابة بعد الالف كم
- استمتع لآن بالعربية وبعدين ابقى اقلك ازاى تحسبة

انا منتظر اجابتكم علي نار لان فرقعه الكاوتش مافيهاش معلش وانتوا عارفين :w6w200504112236376d

- لا فيها معلش مقارنة بأشياء تانى لا قدر الله
- وانا عندى برضو الكاوتش حصلة شرخ كبير ومش لاقى نقشتة حتى فالتوكيل بعربية (لانسر 2010 )

ان شاء الله ها عمل تقرير عن تجربتي و عن كيفيه شراء السياره و الاستلام و التقسيط و حوار ما قبل اللوجان

أسف للأطاله و ربنا يقدرنى علي رد جمايلكم

- الرد فى الاقتباس بنفس اللون