مصر موتورز مجتمع السيارات - سااااعدوني يا رجااااالة

اقتباس:

المشاركة الأصلية كتبت بواسطة comaro ss (المشاركة 561974)

مساااء الخيييرر

كل سنة وانتم طيبييين

يا رجالة انا معايا هوندا سيتي 2010

العربية عاملة 35 الف

العربية لما اجي ادورها احيانا مش بتدور او كأنها بتكح كدا بس لما ادور بعديها بتدور

يا ترى من ايه ده ؟؟؟؟ تاني حاجة العربية وهيا واقفة بقى صوتها عالى ومش طبيعي يعني تحس انها بتصقف زي الصوت ده كدا تك تك تك تك تك تك تك تك

واخر حاجة وانا بعمل كيك داون قبل ما الفتييس ينقل بحس بصوت زنة كدا جاي من عند الميكنة ياريت يا رجالة تساعدوني

اخوكم احمد

السلام عليكم
طبعا كلام الكبير أ/ أحمد علي هو الصح لازم التوكيل (العربيه بسم الله ما شاء الله زيرو)
بس ليا أضافه حطها بس فى دماغك و انت فى التوكيل
كحه العربيه كانت بتحصل معايا 4شهور وصرفت مبالغ علي كل حاجه ومفيش فايده بس ألي انا عملته أنى دورت علي اسباب اختناق الوقود وفى الأخر طلع موضوع ب 50 قرش بس الله أعلم السبب ألي عندك أيه منهم
بوجيهات (علشان الحرق ممكن يكون فيه عيب)
فلتر هواء (لما يكتم بيكتم العربيه كلها) انت ممكن تنضفه بس
فلتر بنزين (لو مليان شوائب حيقطع وفى الأول حتدور بصعوبه)
تنضيف رشاشات (أساس توزيع البنزين للأحتراق)
كشف كارته علشان الحساسات وريكورد الأيرور على الكارته
فى النهايه طلع رشاش (الكلبس بتاع رشاش) مشروخ فبالتالي الرشاش بيفصل خالص ولما العربيه بتسخن الهزه بتقل من التمدد فبيشتغل عادي خالص وانا اتجنن :hehehe::hehehe:
عملته بأبزين زي بتاع الطاسه بس صغير جدا

نصيحه لما تيحى تدور العربيه حتى لو سخنه لف المفتاح أول تكه وبعدين الثانيه وتستنى العدادات تقرأ (البنزين والحراره .....) ولمبه تشيك تطفى
وبعدين دور والحركه ديه علشن سلامه الدوره عموما
أسف علي الأطاله