رد: سيارات المعاقيين ( سؤال ) ارجو الرد
 

بسم الله الرحمن الرحيم
يا باشا انت ليك عربية لا تزيد عن 4 سلندر ولا تكون اعلى من 1600 سى سى
ايا كان نوعها او بلد منشأها
ولك تخفيض جمركى 20 الف جنيه
وعلشان تستفيد من التخفيض صح بتشترى عربية اقدم من سنوات
بمعنى انت حصلت على الموافقة فى 2012 مثلا وعاوز تشترى العربية
يبقى تسيب موديلات 2012 و2011 و2010 و2009 و2008
وتجيب موديل 2007
والسبب انك بتاخد خصم 10% عن كل سنة بحد اقصى 5 سنوات
يبقى تاخد 50% تخفيض جمركى + ال 20 الف جنيه
مثال
الكورولا جمركها تقريبا 76000 جنيه
تاخد عن الموديل 10% تخفيض عن كل سنة بحد اقصى 5 سنوات
يبقى زى ما قلنا لو اخدت الموافقة فى 2012 وهتجيب 2007 او ما قبلها ايا كان تاريخ الصنع
يعنى 5 سنوات = 5 * 10% = 50%
يعنى 38000 جنيه
يبقى فاضل عليك 38000 جنيه
وتاخد عليهم 20000 جنيه اعفاء
يبقى فاضل 18000 جنيه
ده مثال على جمرك الكورولا
والباقى بالمثل مع اختلاف الضريبة وشوية مصروفات نثرية معنديش عنها فكرة
ودى المعلومات المتاحة عندى
والله اعلى واعلم

رد: سيارات المعاقيين ( سؤال ) ارجو الرد
 

الف شكر يا باشا على المعلومات دي انا فعلا بفكر اجيب مرسيدس اي كلاس
1600 سي سي موديل 2005 سعرها هنا في المانيا بالمصري بتاع 100 الف فعشان كدة كنت بسال

رد: سيارات المعاقيين ( سؤال ) ارجو الرد
 

لازم تكون عندك اعاقة علشان تجيب عربية مجهزة

رد: سيارات المعاقيين ( سؤال ) ارجو الرد
 

ممكن تشترى سيارات المعاقين لوتنطبق عليك الشروط المطلوبة لذلك .الافضل لانوس رخيصة وممتازة:fun_36_1_30[1]:
لو لاتنطيق عليك شروط سيارات المعاقين نصيحة لاتشتريها خالص .
لانك هتقع فى 95%من الاحوال فى نصابين محترفين .والقى 5% كاله مخاطر ولن تحقق
وفر اكثر من 5 الالاف جنيه

رد: سيارات المعاقيين ( سؤال ) ارجو الرد
 

اطيب انا عايز اعرف اورح لمين و ابتدى اذاى لتخريج شهاده للمعاقين