رد: اوعى تفكر فى الشيرى هتندم
 

شكرا يا باشا على التنبيه دة حتى الواحد كان بيفكر فيها

رد: اوعى تفكر فى الشيرى هتندم
 

الـ QQ دي مش عربيه ، كان في موضوع لبايو من زمان بخصوص العربية دي و كان ليه قصة عجيبة مع توكيلها يا ريت ينشرها لتعم الفائدة

العربية تحس انها منظرعربية بس لكن في الحقيقة خدعة فلا أمن و لا أمان و علاوة علي كده و لا قطع غيار و لا تقدر تخلص منها

رد: اوعى تفكر فى الشيرى هتندم
 

بصراحة الصور فظيعة ..على فكرة انا راكب q q بس الحكم على العربية من زاوية معدلات الامان فقط فية ظلم لان العربية سعرها اقتصادى يبقى طبيعى جدا مش هيصرف على معدلات الامان والقوة زى المدلات العالية وبعدين يا جماعة انا عايز اسئل سؤال اية رايكم فى الافيو حلوة حد شافها عاملة حادثة انا شافتها على الاتو ستراد اتجاة حلوان العربية كانت عبارة عن عجينة ودة كانت فى الشارع مش لسة بتعمل اختبارات التصادم انا شايف ان فى تحامل جامد على العربيات الصينى على الرغم من انها عربية متناسبة جدا مع سعرها وعلى فكرة صور التصادم للعربية قبل طرحها فى الاسواق يعنى النتيجة دية مش هى النتيجة النهائية و صدقونى دة مش دفاع عن العربية عشان انا راكبها بس فعلا العربية كويسة جدا انا محامى وبسافر كتير الاسكندرية والاسماعلية والزقازيق ودمياط والحمد للة العربية زى الفل وطوال ثلاث سنوات ما عملتش معايا حركة مش تمام بل بلعكس بثق فيها جدا وشكرا

رد: اوعى تفكر فى الشيرى هتندم
 

عمري ماوثقت في العربيات الصيني