مصر موتورز مجتمع السيارات - مشترك جديد و عندى لانوس 1 موديل 1999 و فيها كام حاجة كده عاوزه تفسير

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

رد: مطلوب معرفة السبب ؟؟؟؟

اقتباس:

المشاركة الأصلية كتبت بواسطة moko_2004 (المشاركة 550295)

اللي لغاه جارك واللي بيشبه منظم البوتوجاز بلف اسمة بلف EGR هدفة خفض درجة حرارة المحرك علي السرعات العالية
اما علبة البيئة هي اول علبة في الشكمان تحت العربية هتروح لحد بتاع شكمان يلغيهالك ويركبلك مكانها ماسورة لأن العلبة الجديدة غالية جدا 700 جنية
المهم دلوقتي شوف كل افلاتر اللي عندك
فلتر الهواء و فلتر البنزين و اخر مرة غيرت فيها زيت كانت امتي
لما تغير الزيت غير فلتر الزيت كمان
عينك علي التابلوة و شوف هل لمبة التشيك بتنور و اذا حصل تكشف علي العربية بالكومبيوتر و تشوف السبب
النتشة ليها اسباب كتيرة و ممكن تكون من اي حاجة زي الموبينة مثلا او سلك البوجيهات و عشان كدة منقدرش نحدد السبب الا لما تكشف عليها بشكل كامل ساعتها ممكن نقدر نساعدك

يعنى ممكن تكون علبة البيئة هى السبب فى كتمة العربية و بعدين تفك ؟؟

رد: مطلوب معرفة السبب ؟؟؟؟

كل شيء جايز ولكن مفيش مانع من الكشف بالكامل

رد: مطلوب معرفة السبب ؟؟؟؟

اقتباس:

المشاركة الأصلية كتبت بواسطة toti1975 (المشاركة 550509)

ا/ احمد على
شكرا على اهتمامك ...على فكرة انا لما جبتها غيرت كل السيور و فلتر البنزين و زيت الموتور و فلتر الزيت و حساس السرعة و بطاحة شمال و كشفت عليها على الجهاز و قال حساس السرعة بس و غيرته و لمبة التشك منورتش بعد مغيرت الحساس ,غيرت رومان بللى خلفى يمين..... ياترى ايه؟ بس هو شاكله الكويل علشان النتشه دى بتروح و تيجى و العربيه بتكتم و ترجع كويسه تانى ...

فعلا وارد يكون الكويل حاول تجرب بواحد استعمال

اقتباس:

المشاركة الأصلية كتبت بواسطة toti1975 (المشاركة 550513)

يعنى ممكن تكون علبة البيئة هى السبب فى كتمة العربية و بعدين تفك ؟؟

فى رأيى صعب جدا لانها لو مسدودة العربية حتفضل العربية مكتومة عرض مستمر

اقتباس:

المشاركة الأصلية كتبت بواسطة moko_2004 (المشاركة 550296)

و الفرامل بتعمل ريحة شياط لما بتكون قافشة عشان كدة لازم تكشف ضروري عليها

بس يا باشا هو بيشم الريحة من جوه كونسول فرامل اليد

رد: مطلوب معرفة السبب ؟؟؟؟

على فكرة مره بوجيه قطع مني اول بوجية يمين والعربية قعدت تنتش منى على الصحراوي لدرجة اني كنت مفول التانك قبلها وشكيت في البنزينه وقولت انا حاعمل لهم محضر.
ومع النتش والصوت العالي ومفيش سحب وريحة شياط زيت محروق ومن عند فرامل اليد حرارة رهيبة وسخونية موتور واستهلاك بنزين بشكل غريب
روحت البيت وتاني يوم روحت للميكانيكي أول ماشافها قاللي دي ماشية 3 وراح فك اول بوجيه لقاه هو اللي قاطع وقاللي هات واحد عادي سن قصير ودورت ومشيت عادي جدا بعدها وماخدش مني مصنعية
ممكن تلاقيه بووجية بيقطع وجه علية زيت وتتحل بسهوله
ان شاء الله خير

رد: مطلوب معرفة السبب ؟؟؟؟

اقتباس:

المشاركة الأصلية كتبت بواسطة toti1975 (المشاركة 550248)

انا مشترك جديد و عندى لانوس 1 موديل 1999 و فيها كام حاجة كده عاوزه تفسير ممكن تفيدونى ...
1- العرية لما تكون واقفة فترة و اجى ادورها تدور و بعد شوية و انا ماشى احس ان السحب بتاعها قل و بتنتش و كان فى حاجة مسدوده كده و مهما ادوس بنزين الصوت بتاعه يبقى مكتوم وعالى شويه و بعد شويه كل حاجه ترجع لطبيعتها و العربية تتعدل ؟

2- بشم ريحة جوه العربيه زى بلاستيك بيسيح او شياط و لما دورت لقيت عصاية فرامل اليد سخنة قوى و الريحة طالعة من جواها ؟
واحد جارى قالى انه كان عنده نفس العيب و شال وصلم من فوق الموتور عاملة زى منظم البوتجاز
تقريبا علبة البيئة و العربية بقت تمام و عملت كده و لسه العيب موجود ؟؟؟
ايه رايكم فى الكلام ده و ايه السبب ؟؟

انا الحمد لله لقيت العيب و صلحته و مش هتصدقوا هو ايه ؟ مره الصبح وانا طالع بالعربيه لقيت العربيه قطعت فجاه و مش بتدور و روحت للكهربائى قالى الكويل قطع و هو كان تعبان وو غيرته بواحد جديد اصلى DAC سعره 425 جنيه و ركبته و العيب فضل موجود ؟؟؟؟ و بعدين روحت للميكانيكى تانى قالى كده العيب فى طقم كابلات اللى موصله من الكويل الى البوجيهات بتسرب كهرباء .. و لمل غيرتها الحمد لله العربيه رجعت تمام و السحب اتعدل ... الحمد لله على كل شئ