رد: 12# دكتور تامر (fhd737)
 

اولا شكرا على التقديم الجميل لأخى العزيز وائل

بالنسبه للاسئله العامه
-----------------------------
*بصراحه اخترت دراسه الطب للمجموع العالى فى الثانويه ولم تكن فى حسبانى اوخططى
*فى البدايه اخترت تخصص الاطفال لانى بحب الاطفال جدا وحصلت عليه وانا فى التكليف (فى الريف)
وعند التدرج الطبيعى بعد بضعه سنوات كان لابد من اختيار تخصص للانتقال للطب العلاجى 00 وقتها كانت محافظه الشرقيه طالبه عدد قليل والمجموع كبير فاخترت تخصص انف واذن حتى لا اخرج خارج الشرقيه وهكذا فرض علىّ
*مهنه غير الطب كنت اتمنى ان اكون كاتب روائى وصحفى
*علاقتى بالمنتديات 00الطبيه للاطلاع بحكم المهنه والرياضيه(موقع واحد)ومواقع الجرائد المصريه00لكن مصر موتورز الاول ولا اكتب الا فيه بنسبه99،9
*يومى على النت فى اوقات الفراغ بعد العمل ووقت اسرتى الصغيره
*حبى لمصر موتورز هو لروح العائله والدفء والالفه والمحبه بين الجميع مع الاحترام المتبادل والاعضاء معظمهم على درجه من الثقافه والفكر00فهل يوجد افضل من هذا!

الاسئله السيارتيه
--------------------
*اهتم ان تكون السياره بحاله جيده واحرص على صيانتها الدوريه
*اكثر شىء احرص على وجوده اسطوانات بصوت الشيخ عبد الباسط عبد الصمد
*قيادتى هادئه ولا احب السرعات العاليه فى الغالب80-100 اتوتر واتعصب من كل غبى يقود عشوائيا ولا يحترم قواعد المرور والتوكتوك مجرد رؤيته تستفزنى

الاسئله الشخصيه
-----------------------
*اكترحاجه بتضايقنى عدم النظافه والهمجيه والفوضى والنفاق
وبكره جدا فرقه العرب وتراجعنا فى ذيل التقدم
*اهدافى العلميه 00لايوجد هدف محدد ولكنى اتمنى ان يكون النظام الطبى فى مصر اكثر نظاما ونهتم اكثر بالجانب الوقائى فى صوره ندوات بالريف -للتوعيه والتعريف بطرق الوقايه من الامراض وقد فعلته فى حدود امكانياتى-لابالاعلانات والاغانى فقط
*مشروعاتى المستقبليه00 اتمنى ان اهتم بموهبتى فى الكتابه وان انشرها واود تحويل اعمالى حبيسه الادراج لاعمال فنيه وحل مشكلتى من الكتابه للاستمتاع الشخصى لمستوى الاحتراف
*لم ارسب فى حياتى لانى كنت متفوق دراسيا وهى ليست مهارة شخصيه ولكن منحة وعطية ربانيه على الرغم من عدم اهتمامى الكامل بالتعليم
*اكتر ماده احببتها الغه العربيه والرياضيات والتاريخ
والاكثر كرها العلوم(ماعدا الفيزياء)ومعها اللغات الاجبنيه
*فى الفصل كنت بقعد فى الاخر فانا بطبعى كنت طالب مشاغب وبزوغ من المدرسه كتير ولم يشفع لى الا تفوقى الدراسى والدكه كانت زى كل مدارس الحكومه وقتها عامله حوادث 100 مرة!
*اكتر حاجه بحبها واشتريتها الحلويات ومازلت
*طلباتى دائما كانت من والدتى
*فى التحويش مش قوى00حاليا ممكن اضيع كل ما معى فى سياره!
واول مره كنت فى اعدادى جمعت 300 جنيه اشتريت كاسيت جديد
*اكتر لعبه كنت احب ألعبها كره القدم وكنت هداف خطير ولولا دراسه الطب لاصبحت لاعب محترف
وبحب جدا الشطرنج
*انا فاشل فى المجاملات الكاذبه لانى لااحب النفاق
ايضا كبت الغضب امام أخطاء الغير لانه اذا لم تغضب لنفسك فأغضب من أجل الآخرين
*احب ادبس د0أليشع ثابت الصديق العزيز

كل دى اسئله يا راجل لكن شكرا جزيلا واخيرا امنيتى ان يصبح المنتدى الافضل على الاطلاق ودام الصحه والتفوق والحب لكل اخوتى من الاعضاء

رد: 12# دكتور تامر (fhd737)
 

حبيبى واخى لانسر سؤال محرج لكن ليه متكنش انت؟!

والله بهزر00 انا أحب الجميع والله وان أختلفت مع بعضهم

ان لم تتقبل الآخر فلن تكون الافضل

رد: 12# دكتور تامر (fhd737)
 

هههههههه

تسدق انا سالت نفسى نفس السؤال دة بعد مكتبت المشاركة

بس كويس انى مطلعتش انا ولا حد من النتدى الحق امشى بقى لحسن حد يجرى ورايا بس سوقال قبل ما امشى

هل تعصبك فى السواقة من البهايم (زى انا كدة) ادى الى خناقة مع حد (زى انا بردك) هههه ؟؟؟

رد: 12# دكتور تامر (fhd737)
 

د0 درش
شكرا جدا لكلماتك التى قد لا استحقها
*بالنسبه للتخصص الاجابه فصلتها بالسابق
*بالنسبه للمساعده انا تحت امر الجميع وخاصه اخوتى الاطباء فى اى استفسار وهذه الفكره ممتازه ويمكن ان تكون فى الطب ككل ولتبادل المعلومات والخبرات
*بالنسبه للكوره انا مشجع اهلاوى متيّم بالاهلى ولم تفتنى مباراه منذ عشرين عاما
*لاانتمى لاى معسكرات سياسيه واكره فكره التحزب والجماعات تحت اى مسمى لان هذا ضد الاسلام الذى اشار بالشورى والتوحد ولا فرق بين انسان والآخر الا بالتقوى والرسول صلى الله عليه وسلم وحد العرب واجتمعوا على كلمه التوحيد فعلوا وعندما انتسرت الجماعات والفرق توارثناها واصبح هذا حالنا
*السؤال الاخير00اقابله بعده اسئله
-هل توجد حقيقه مطلقه فى عالمنا؟
-هل توجد وحده ام تعصب لمذهب؟
-هل توجد نوايا حسنه فى اسلام بلا فكر موحد وقلب واحد ونفس لا تعرف الاالتقوى؟

رد: 12# دكتور تامر (fhd737)
 

خناقات السواقه كتير وفى الآخر تسمع من المجموعه اللى اتلمت
معلش 00حصل خير
ياسيدى احنا فى مصر انت فاكر نفسك فى امريكا
ربنا يعوض عليكم جت سليمه
وممكن تطلع فى الاخر غلطان

احنا منستغناش عنك لانك فاكهه المنتدى الجميله