المشاركة الأصلية كتبت بواسطة HaMaDa-ToUBaR (المشاركة 539789)

هو طبعا كل حاجة ممكن طالما فى دماغنا اننا نعملها بس المشكلة زى ما استاذ حازم قال هتتكلم كتير وانت بتعمل شغل صح يعنى مينفعش تعكك وتلم ....

انا متفق معاك ان الواحد لما بيعمل الشغل ع ايدية بتبقى حاجة تانية وبيكون فرحان فرحة خيالية بعد الشغل يطلع حلو

بس انا عاوزك تعد اعدة عرب مع نفسك وتحسبها وتشوف ان الموضوع مستاهل المصاريف دى واية الاحسن انك تبيعها وتجيب جديد فعلا ومهما كان الجديد جديد وراحة بال فعلا مع ان القديم اقيم وامتن بكتير فعلا بس هو دة حال الدنيا بقى

فاعد مع نفسك وقيم الموضوع من وجهة نظرك انت واحتيجاتك

المشاركة الأصلية كتبت بواسطة فادي مكرم (المشاركة 540371)

ان شاء الله يا نعمر المكنة يا نسقط

والبارومة عندى مش ظاهرة في اي مكان غير مكان الدلايات ولازم العربية تترفع عشان تبان

بخصوص تغير اللون ؟؟ فى تعقيد ؟؟

والف شكر ليك على متابعتك
تقبل تحياتي :)

المشاركة الأصلية كتبت بواسطة aymangalal (المشاركة 542490)

كلامك حِكم يا استاذ حازم وصح 100%

ازيك يا dodd عامل ايه مع حشيشتك
ان شاء الله تعمل كل اللى نفسك وتركب بمزاج عالى
طبعا اولا واخيرا اللى هايحكمك الميزانية وده اللى هاتتصرف على اساسة
يعنى شوف انت تقدر توفر كام لموضوع التجديد ده وابدأ بالاهم فا المهم واتنازل عن بعض الكماليات فى سبيل توافر الضروريات وكمان اسعار الخامات والمصنعيات بتختلف من تاجر وصنايعى للتانى "مثلا" ممكن تجدد الصالون بـ 500 ج وممكن بـ 3000 ج وان شاء الله تعمل الافضل وبسعر متوسط
موضوع تغيير اللون انا كنت سألت فيه بس "مش من مصادر رسمية" واللى عرفته انك تروح المرور تثبت اللون الحالى وبعد ما تغير ترجع تفحص باللون الجديد
وبالتوفيق ان شاء الله