مصر موتورز مجتمع السيارات - ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

لا ياباشا انا مش قصدي
فعلا عند حضرتك حق
وتقبل تحياتي
:0369B3~177::0369B3~177:: 0369B3~177:

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

يا حاج محمود عايزك بس تهدي كدا ومتخليش كلام الناس ينرفزك لانك بتحاول توصل رسالة لكن الناس ليها رئيها بردك ولازم كل واحد فينا يتقبل وجهة نظر التاني ولولا اختلاف الاراء لبارت السلع

وبعدين لما اروح اجيب مثلا اكصدام امامي للانترا تمنه 150 جنيه والالقي غبور يبيعه ب 1300 جنيه ممكن حضرتك تقولي ده اسمه ايه هتقولي الخامه هقولك كله في الحوادث بيتعجن ويتكسر

طاسة العربية مثلا لما طاسه عندي تتكسر واروح لغبور يحاسبني علي الواحده ب 350 جنيه
واشتري انا طقم طاسات كامل من بره ب 70 جنيه ده يبقي اسمه ايه

حضرتك لو غبور مش هقولك يخسر لو مكسبه قل 1 في الميه ارهنك انه هيجيب ضلفها

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

مع الاعتزار لحضرتك بس المثال اللى انت ذكرته مش فى موضعة ابدا ....دا لو كان سوبر ماركت والراجل بيكسب 2000 فى الشهرو لا حاجة وهيطلع خسران الايام دى فا ممكن يعمل كدة ....مش شركة بتتكلم فى ملايين ومكاسب خرافية كل شهر والازمة قول هتاثر بحاجات لا تذكر بالمقارنة بالمكاسب وممكن ترجع لفائض الربح عن شركة غبور قبل وقت الازمات وبعدها وتشوف حضرتك الملايين اللى بنتكلم فيها يبقى دى حجج مش اكتر

ولو مشينا بالمبدأ دا بقى على كل حاجة ما معلش مش انتم بس اللى تأثرتوا باللى حصل ولو جينا لقطاع الادوية مثلا لو الشركات فكرت بنفس الاسلوب والعمال برضوا عاملين اضراب وعاوزين مرتبات اعلى والسوق نايم يبقى نغلى الدوا .....يبقى النتائج ان فى ناس هتموت علشان مش قادرة تجيب الادوية وممكن حضرتك تتعرض للموقف دا تروح تجيب دوا تلاقيك مش قادر تدفع تمنة ويكون لحد عزيز عليك هتعمل اية ساعتها وعلى نطاق اصغر بقى ما حدش يلوم صغار التجار لما الجشع يملى عنيهم ويغلوا السلع الاساسية تماشيا مع نفس المبدا وعلشان بردوا عندهم التزامات وعاوزين يجيبوا عربيات من اللى شركة غبور غلتها والعربيات دلوقتى بقت حاجة اساسية زى الاكل والشرب
والاستاذ corsair ذكر لحضرت مثال على قطع الخيار والاسعار المغالى فيها اضعاف مضاعفة عن اللى فى السوق دا يبقى اية مبرره ؟؟!!!!
بره فى دول العالم المتحضر لما حصلت الازمة والمبيعات وقعت محدش غلى اسعار العربيات بالعكس كل العربيات رخصت وكمان كنت قريت ان فى دولة كان اللى ممكن يعملوا جوايز قيمة جداا على اللى يشترى عربية

معلش اعزرنى بس كلام حضرتك حق يراد به باطل وشكراا على سعة صدرك

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

يا راجل .. قول كلام غير دا .. بلاش اللي بتقوله دا .. الله يخليك .

اقتباس:

المشاركة الأصلية كتبت بواسطة Mr.Mamo (المشاركة 533665)

اتمني تكون الرساله وصلت للجميع
واعتقد اني مش هتكلم في الموضوع ده تاني
فياريت اللي عنده حاجه حابب يقولهالي يذكرها في مشاركته في الموضوع ده

لا تعليق ....!!!!
تحياتي للجميع

رد: ردا علي كل الاعضاء المستائين من زياده الاسعار .. و لن اتحدث في هذه المشكله خارج هذا الموضوع

لأ تصدق صعبوا عليا وهعيط من كتر التأثر !!!
انصح الكل يشتري من غبور ولو طلب هدومك اديهالوا بابتسامه
عشان هو عنده عيال عندهم مصاريف جولف وبولينج
لازم كللنا نساهم ان غبور مايقفلش ياجماعه عشان ده داخل على مستر ايجيبت