رد: مطلوب دراسة من ذوى الخبرة فى العربية فورد مونديو
 

طيب انا مختلف مع الكل
قطع الغيار ايام رجب كانت اغلي
قطع غيار الفورد الاوروبي انا كاتب اماكن توافرها في موضوع مستقل
قطع غيار الفورد غالية نسبيا علشان عمرها الافتراضي عالي جدا
ثبات الفورد لما تركبها هاتلاقيه فوق تخيلك و احتياجك
يعني كل الي اعرفهم معاهم مونديو بيتحاكو عن ثباتها على سرعات فوق 180
موضوع الميكانيكية فيه ميكانيكية كتير متخصصين فورد اشهرهم قطب في شارع بركة الرطل في الضاهر
و غيرة كتير كانوا شغالين في التوكيل و سابوه و فتحوا ورش لحسابهم

رد: مطلوب دراسة من ذوى الخبرة فى العربية فورد مونديو
 

بص يا باشا العربية دي قطع غيارها غالية نار يعني مثلا قاعدة الماتور الي مفيهاش اي تكنولوجيا ب 350 جنية فما بالك بالحاجات الي فيها صناعة هتبقي بكام

رد: مطلوب دراسة من ذوى الخبرة فى العربية فورد مونديو
 

قاعدة الموتور بتاعت المونديو الاصلية بحوالي 650 و عمرها الافتراضي 7 سنوات مع اسواء استعمال
اي عربية كوري او ياباني القطعة ديه بحوالي 250 و عمرها الافتراضي بيكون سنتين مع افضل استعمال

رد: مطلوب دراسة من ذوى الخبرة فى العربية فورد مونديو
 

في الإعاده إفاده عشان مانبقاش سيبناك بدون مانبلغك عنها ونشيل ذنبك ...... ديه مشاركه ليا في سؤال عن مونديو 1998 وكان بيفكر يشتري برضه وده رابط الموضوع
http://www.masrmotors.com/vb/showthread.php?t=11193 للعلم

والأسكورت أسوأ سياره في التاريخ إبعد عنها برضه ... نصيحة أخ ... لي أحد الأقرباء (لواء جيش) جاب سنة 1998 عربيتين واحده ليه مونديو وواحده إسكورت ليفت باك لإبنه ... وللأسف واجه مشاكل لاحصر لها مع المونديو وفتيسها الأوتوماتيك إللي بيمشي 2000 كيلو ويعطل بتاع 5000 كيلو كان مفروض يمشيهم في فترة العطلان
وباعها بمعجزه وخلص منها
إبنه صارع وجاهد مع العربيه بصراحه الإسكورت لحد ماربنا وفقه وعرف يبيعها لسمير ريان بعد شراء سياره زيرو من عنده
وكانت مشاكلها (الإسكورت) وهي مشكله عامه وإسأل بتوع قطع غيار الإستيراد عليها وهي دراع النور اللي على الشمال لتقليب النور العالي بيرعش مع المطبات وبيعلق بإستمرار .. ده غير مشاكل التكييف إللي أشبه بمروحة الرادياتير بتاع العربيه والعفشه الزباله والكاوتش الموجود بالعربيه بلا إستثناء بنهار لوحده ويتااكل منه فيه
(كاوتش بيبان التابلوه والحشوات المبطنه به .. الدركسيون الكاوتش بتاعه بينهار ... يعني لاأنصحك بالإتنين إبعد عنهم
مالهومش سوق ولا قطع غيار وإن وجدت قطعة الغيار فسعرها مبالغ فيه
نصيحة أخ صائم ... ماتقربلهاش

رد: مطلوب دراسة من ذوى الخبرة فى العربية فورد مونديو
 

واضح انك من عشاق الفورد
اولا انا مش هاتكلم عن الاسكورت علشان ال1300 منها كانت جاية من روسيا البيضاء فاضية و التوكيل القديم ركبلها هنا تكييف و سنتر و فعلا مشاكلها كتير بس المونديو مسمعتش حد بيشكي منها كل الشكوى ديه
و بعيد قطع غيار الفورد غالية نسبيا علشان عمرها الافتراضي عالي
بس برده لو ديه اول عربية تركبها يبقي بلاش اي عربية قطع غيارها غالية علشان في الاول بتتعلم و تبهدل