|
رد: استفسار مهم جدا و ارجوا سرعة الرد للأهميه
و الله ما عارف اشكرلك معروفك داا ازاى ربنا يكرمك يارب
معلش انا عارف انى رخم بس انا و الله سهران بدور على الموضوع داا علشان هقابله الصبح و عايز ابقى جاهز بالقرار دلوقتى لو عملت عقد ابتدائى و دفعتله ال 4000 ساعتها بقى هستلم العربيه منه و الرخصه و كداا لحد ما هو يجيب باقى الورقه و نروح نكمل اجراءات و نسجل و كداا و لا مش هستلم العربيه و لو هو مش هيسلمنى العربيه العقد هيضمن حقى ؟؟؟؟؟؟؟؟ |
رد: استفسار مهم جدا و ارجوا سرعة الرد للأهميه
متدفعش حاجة بدام مش هتاخد حاجة او زى ما بيقولو بالبلدى ابنى فى ايدى ماروحش ادور علية
يعنى اما حضرتك تدفع كامل قيمة العربيه مع استلام العربيه والورق واتمام اجراءات نقل الملكية والتسجيل او تدفع المقدم وتستلم العربيه وتعملو عقد فى شرط جزائى ويذكر فيه المقدم والمؤخرات والتزامات كل طرف ويسجل العقد او يتعمل عليه صحة توقيع وانصحك عموما تدفع كل حاجة وتستلم كل حاجة مرة واحدة |
رد: استفسار مهم جدا و ارجوا سرعة الرد للأهميه
حل اتانى:-
كمل كل الورق واعمل عقد البيع المسجل ومتنساش يتكتب فى خانة رقم الموتور رقم الموتور الجديد .......تمام كدة وتبقى لة 1500 جنية ودة تمن الموتور طلع ابن ناس ومحترم وجبلك ورق الموتور وعرفت تثبتة على الرخصة زى الفل اديلة الـ 1500 جنية بتوعة طلع سافل ومجبش حاجة بمنتهى البساطة تروح تجيب موتور استيراد على كيفك انت بـ 1500 جنية وتديلة الموتور بتاعة يلعب بية |
رد: استفسار مهم جدا و ارجوا سرعة الرد للأهميه
انا من رأيى النص والنص
4500 لغاية ما يخلص كل حاجه وتبقى واقفه ع التسجيل وانت بتسجل ان شاء الله (بعد ماتبقى الرخصه فى ايدك ومش ناقص اى ورق) ابرز له الـ 4500 الباقيين ولو هوه اصلا جاد فى البيع(بغض النظر عن كونه ثقه ولا لأ) يبقى اكيد هايسعى ويحرص ان الورق يخلص عشان يتمم البيعه تصور بعد ماكتبت .... افتكرت ان معادك معاه الساعة 12 هههههههه معلش بقى انا فى غيبوبة بس برضه عشان غيرنا يستفيد وماتنساش تكمل لنا ... وصلت لايه دعواتى لك بالتوفيق:fun_36_3_11[1]: |
رد: استفسار مهم جدا و ارجوا سرعة الرد للأهميه
شكرا ليكم يا جماعه مش عارف اشكركم ازاى و الله
انا بعد اللى سمعته و كمان سألت ناس بره قالولى نفس الكلام وقلقونى من الموضوع اتصلت بالراجل و قولتله انا جاد فى الشراء بس نأجل كل حاجه لحد ما يخلص ورق الماتور و الرخصه و كداا هو طبعا مكانش متقبل الكلام اوى بس هعمل ايه . انا عارف ان اول زبون هيجيله و يكون متقبل الموضوع هيبيعله بس انا بصراحه مشتريش حاجه الا اذا كنت متأكد منها اوووى بشكركم جدا و انا سعيد انى بقيت من اسرة المنتدى و بأذن الله افيد و استفيد و السلام عليكم و رحمة الله و بركاته |
| الساعة الآن 08:26 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017