|
رد: بالله عليكم افيدونى فى ال128
انا بقول تجيب ماتور استيراد ارخص
عندك اخوك الشيخ طارق ابو زيد حبيب قلبى بيبيع الحاجات ده و هيفيدك باذن الله فى المواتير تحياتى :Bravo::Bravo::Bravo::Bra vo::Bravo: |
رد: بالله عليكم افيدونى فى ال128
السلام عليكم ورحمة الله وبركاته
اهلا بيك معانا اخى هريدى مشكلتك مثل مشكلتى تماما حاليا والفكره كلها تتمثل فى ان الموتور عندنا احنا الاتنين خفيف المهم انا عن نفسى عندى نفس مشكلتك تمام بس انا هسيب الموتور لغاية ما يكون جاب اخره واول ما يطلع زيت على البوجيهات هروح عمل عمره كاملة ليه علشان معنى انك بتعمل عمره كاملة للماتور انك بتحط كا حاجه جوه الموتور جديده تماما وبتبقى متاكد ان الموتور ده هيشتغل معاك لمده كبيرة من غير اعطال ميكانيكية بداخل الموتور بس لازم تعرف ان لازم لما تيجى تعمل عمره تكون عارف ميكنيكى كوييييييييس جدا جدا جدا جدا جدا لان لو الميكانيكى شاطر هيعملك العمرة بمنتهى الحرفية وبالتالى يبقى معاك موتورك احسن من الجديد بس لو الميكانيكى تعبان هيبهدل الموتور الى الابد ومش هينفع تانى وتكون خسرت مرتيين انك عملت عمره واشتريت موتور استيراد بدل الى باظ المهم مشكلة انك تشترى موتور استيراد انه بيبقى كانك بتشترى بطيخه وانت وحظك ياحمرا يا قرعه يعنى ممكن تشترى موتور 5 او 6 شهور تلاقيه عاوز عمرة وحتى لو اشتريت موتور نضيف فى اعتقادى اقصى مده ممكن يستحمل فيها سنتين او ثلاث سنوات وبعد كده يحتاج عمره غير كده لسه بقى تروح المرور علشان تثبت الموتور الجديد ووجع دماغ بس زى ما بقول لحضرتك لو تعرف ميكانيكى شاااااااااااطر جدا جدا جدا يبقى عمرة واتكل على الله عز وجل مش واثق فى الميكانيكية اللى عندك يبقى موتور استيراد بس ده خيار مش بفضلة وممكن لو فيه ميكانيكى شاطر وواثق فيه وكده لو اغلى شوية مش مشكلة خالص المهم ان انتا بتدفع الفلوس ووجع الدماغ هيه مره واحده بس لمدة حوالى اسبوع اينعم هيكون اسبوع فل ولازم تكون مفضى نفسك وتروح للميكانيكى من اول اليوم لاخره لمدة اسبوع ورجلك على رجله على طول فى اى حاجه بيعملها بس بيبقى اسبوع وحيد فى حياتك وبالمرة بقى كمالة المصاريف تجيبلك طرمبة مياه وطرمبة بنزين واللذى منه وردايتير وكده بس طبعا تبقى حاجات نضيفه بس الكلام اللى بقوله ده لو حضرتك ناوى ان العربية ديه تقعد معاك على طول ومش ناوى تبيع بس لو هتقعد معاك سنه ولا اتنين يبقى طقم شنبر وخلاص ب 500 او 600 جنية وخلص الحوار وقضيها بالعافيه وبعد كده هات اللى عاوز تجيبة وبعها على عيبها ما كده كده هتخسر فيها حتى لو صرفت عليها وظبتها ولو مش واثق فى الميكانيكية اللى عندك لو انت قريب من دار السلام فيه الميكانيكى اللى بتعامل معاه راجل اكثر من رائع بس غالى شوية بس ولو عاوز كهربائى بردوا عندى فى دار السلام كهربائى وبردوا واااد جامد بس عيبه غالى شوية وهتلاقى تجاربى معاهم فى مواضيعى ووالله انت تؤمر وبس كده اخوك الصغير سيد |
رد: بالله عليكم افيدونى فى ال128
لو سمحت يا استاذ هريدي
حضرتك جايب العربية بكام لاني محتاج اشتري 128 |
رد: بالله عليكم افيدونى فى ال128
اقتباس:
موضوع العمرة المكاملة انا مش مرجحة لان العمرة لا تعتمد على ميكانيكى شاطر بس وانما تعتمد على اكثر من متغير اولها قطع الغيار اللى نقدر نقول 90% منها مضروب وخصوصا فى الفيات انما الالمانى النسبة بتقل كتير ........تانى متغير هو المخرطة ومدى كفاءة مكنة الخراطة نفسها مش الصنايعى اللى بيشغلها ولك ان تعلم ان خراطة الشمايز والكرنك بيتعملو بالميكرون ومع تهالك ماكينة الخراطة بيكون فى خلوص اكبر من اللازم ........فالعملية مش مطمنة ناهيك بقى عن البهدلة ووجع الدماغ مع الصنيعية الحل الامثل لو انك داخل على عمرة انك تجيب موتور استيراد وشيل الحمام وحط الحمام وخلصنا على كدة ..........بالاضافة انك هتاخد كل ادوات التغذية من الموتور القديم وتعتبرة قطع غيار للموتور الجديد وتبيع ما تبقى من الموتور القديم هتلاقى ان شراء موتور استيراد اوفر واكثر عمليا من عمل عمرة للموتور والموضوع بياخد يوم واحد والمرور يوم واحد صدقنى وربنا يوفقك |
رد: بالله عليكم افيدونى فى ال128
جزاكم الله خير الجزاء على المعلومات القيمة دى بجد والله انتم ناس زى العسل ومنتدى بجد مش مجامله فى افادة كبيرة لناس معندهاش الخبرة زى حالاتى وشكر خاص للاخ سيد 2077 الى شرح باستفاضة ومعلوماته قيمه
:fun_36_3_16[1]: |
| الساعة الآن 02:29 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017