رد: هزه بسيطه بعد ال 120
 

اضبط ضغط الهواء في الاطارات وبعدين رصص الاطارات الاربعه بس عند واحد كويس , وطبعا اتكد ان الجنوط اللي قدام بالذات مش مخبوط او معووج
وان شاء الله الهزه هتروح والموضوع دا بيحصل في كل العربيات مفيش استثناء وانت بنفسك اتكد واسال
وان شاء الله الهزه تروح

رد: هزه بسيطه بعد ال 120
 

والله نفس الموضوع عندى من 110 الى 120 فى تنميلة زى رعشة بسيطة كدة فى الدريكسيون وبعد السرعة دى العربية عادى مفيش رعشة امر طبيعى ومسلم بية لانى حاولت وعملت كل حاجة وغيرت كاوتش ورصصت والله حصان كمان وغيرت الجنوط بحديد جديدة بتاعن النيواكسنت الللى قبل اربى الكورى الاصلى 14 وبرضة نفس الكلام
رجعت للراجل صاحبى اللى يكرمة ادانى الجنوط بالكاوتش واخدت بتوعى وسلمت امرى لله وبقيت اقول لنفسى وانت لية بتزود السرعة خليك 100 احسن ههههه واهه تصبيرة لحد ما تروح لوحدها بس للعلم افضل سرعة للعربية 90 الى 100 اكتر من كدة بتسحب بنزين جامد اوى اوى

رد: هزه بسيطه بعد ال 120
 

انا هجنط واشترى دماغى م الموضوع ده كله لانى المفروض اغير كاوتشات كمان 5000 كيلو فنخليها تغيير جنوط كامل شكرا لكل اللى شارك وساعد برايه وانا شاكر للجميع كل على حده .. واى حد يحتاج حاجه عن الفيرنا اى حاجه اكيد ميسالنيش انا (-: لانى جديد مع الفيرنا

رد: هزه بسيطه بعد ال 120
 

كانت عندى ولما رصصت اختفت
وعلى فكرة العربية 2011 وطالعة كدة منىالمصنع التيت
رصص واضبط زوايا وخلى بتاع الزواية يربطلك العفشة لان عفشة الفرنا بتحتاج تربيط كل شهر تقريبا لانها بتفك بذات من شوارعنا الجميلةMADDRIVE

رد: هزه بسيطه بعد ال 120
 

بلااش تجنط مشاكل كتير هتتقابلك والعفشة هتبوظ