مصر موتورز مجتمع السيارات - مشكله رخمه فى الفيرنا

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - مشكله رخمه فى الفيرنا (https://www.masrmotors.com/vb/showthread.php?t=67746)

رد: مشكله رخمه فى الفيرنا

شكرا يجماعه على النصيحه وانهارده هعمل الى قولتوا عليه وربنا يسهل وهقلوكم على النتيجه ان شاء الله

رد: مشكله رخمه فى الفيرنا

غسيل الموتور غلط جدآ عاوز تغسل العربية اغسلها كلها الا الموتور ومتفتحش الكبوت ابدآ وانت بتغسل العربية .. ممكن البوجيهات يدخل فيها مياة وتبوظ واسلاك الكهرباء بتخش فيها مياه ولو الموتور سخن وغسلته بمياه بارده ممكن يطقطق وممكن انفاع المياه من الخرطوم يفك اسلاك من بعض انا بصراحه مبحبش اغسل الموتور ولا بالمياه ولا حتى بالجاز و ملوش لازمه تغسل الموتور ولو حبيت ممكن فوضه فيها جاز وتمسحه وخلاص وتبعد عن البوحيهات وحاجات الكهرباء لان اى مياه او حتى جاز ايجى على اسلاك الكهرباء فى خطورة على السياره ومشكلتك دى ممكن يكون البوجيهات باظت بس لازم تتاكد انها عيب بوجيهات فقط وان العربية نشفت تمامآ

رد: مشكله رخمه فى الفيرنا

بص ياباشا احتمال كبير جدا يكون العيب عندك فى سلك البوجيهات علية مياة لازم المياه دى تتنظف بالهواء الاول .
ومره حصل الموضوع ده قدامى والكهربائى حط شحم على سلك البوجية وبعدين ركبة تانى .

رد: مشكله رخمه فى الفيرنا

أنا بأتفق مع الأخوه الأعضاء في ردودهم ، وأحب أضيف إن ممكن يكون العيب في وصول المية لوحدة الكنترول في حوض الماتور وهيه بتختلف من عربية للتانية ، وممكن ده إللي بيخلي العربية صوتها يعلي ويوطي ومابتسحبش ، فيفضل تروح التوكيل وفي الغالب هيه شوية ميه متحوشين في وحدة الكنترول وتتنشف وترجع تاني كويسة بإذن الله .

رد: مشكله رخمه فى الفيرنا

هو كده تقريبا فى اجماع منكم على البوجيهات وسلك البوجيهات انا ححاول انشفهم او حتى اغيرهم وبعد كده اشوف النتيجه وحقولوكم على الى حصل شكرا جدا لاهتمامكم