|
رد: مقارنة بين شيفورلية اوبترا وهيونداى فيرنا
حضرتك ما قولتش عايز تقارنهم من ناحية إيه بالظبط؟؟؟
أولا: العربيتين فئاتهم غير بعض... الفيرنا بتتصنف في العربيات الصغيرة.. إنما الأوبترا بتتصنف في العربيات المتوسطة ثانيا: عايز تقارن.. قارن الأوبترا بالهيونداي إيلانترا... أو.. الشيفروليه آفيو بالهيونداي فيرنا |
رد: مقارنة بين شيفورلية اوبترا وهيونداى فيرنا
شكرا لمروركم وردودكم بس انا مليش خبرة فى السيارات انا معروض عليا الانواع دى .. انا عارف ان اكيد الاوبترا مش زى الفيرنا بس انا بصيت للسنة .. على العموم حصل خير :) طيب لو قلنا الفيرنا 2010 و شيفورلية لانوس 2 2008 والمقارنة عامة من حيث الاستخدام وقطع الغيار وكدة يعنى |
رد: مقارنة بين شيفورلية اوبترا وهيونداى فيرنا
الاوبترا طبعا بدون جدال تتفوق علي الفيرنا ده كفايا انهم مركبين ماتور الاوبترا في الكروز
|
رد: مقارنة بين شيفورلية اوبترا وهيونداى فيرنا
اقتباس:
طبعا الفيرنا وانتا مغمض عنيك ماتور 1600 لكن الانوس 1500 108 حصان لكن الانوس 88 تكنولوجيا متطوره في الماتور ال doch لكن الانوس ماتورها من ايام حرب اليمن كرسي السائق في الفيرنا مريح مليون مره عن الانوس وديه عن تجربة سيبك من اللي يقولك صالون الانوس اوسع اهم حاجه راحة السائق نفسه ابعاد الفيرنا احسن بكتيرمن الانوس اللي صعب تحدد ابعدها وانتا سايق الانوس تتفوق فقط علي الفيرنا في انها اعلي نسبيا من الفيرنا غير كدا الاتنين متساويين في كل حاجه قطع الغيار والصيانة واعادة البيع |
رد: مقارنة بين شيفورلية اوبترا وهيونداى فيرنا
يا جماعة الاوبترا دى كانوا معتدين عليها فى اقوى برنامج سيارات top gear والفيرنا اصلا عربية على قدها بس الحمد لله على اى حاجة احسن من غيرنا
|
| الساعة الآن 08:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017