مصر موتورز مجتمع السيارات - استفسار عن فرملة العجل الخلفى للسيارة

مصر موتورز مجتمع السيارات (https://www.masrmotors.com/vb/index.php)

- ﻻنوس (دايو - شيفروليه) (https://www.masrmotors.com/vb/forumdisplay.php?f=153)

- - استفسار عن فرملة العجل الخلفى للسيارة (https://www.masrmotors.com/vb/showthread.php?t=66607)

رد: استفسار عن فرملة العجل الخلفى للسيارة

بعد التحية و الاحترام للكلام الجميل الي فوق ده... اكشف كمان على ماستر الضفدعة .. و ده مش موجود ف كل السيارات... شوفوا اذا كان عندك و لا لاء و لو عندك اكشف عليه و خد هوا للفرامل من الاربع عجلات

رد: استفسار عن فرملة العجل الخلفى للسيارة

اقتباس:

المشاركة الأصلية كتبت بواسطة DR.AMER HASSAN (المشاركة 503985)

فعلا ماستر الضفدعه ممكن يعمل كده بس هو مش موجود عنده فى العربيه ماستر ضفدعه .

اقتباس:

المشاركة الأصلية كتبت بواسطة sokaroz (المشاركة 503943)

انا سئلت عن هذا الموضوع لسبب بسيط انا كان عندى شاهين 1300 وكانت الفرامل الللى فيها كاتالى
اول ما ادوس فرامل الفردتين الامامى يفرملوا تمام وبعديها بكام متر من الفرملة ، - الفردتين اللى وراء يقفشوا هما كمان ويبقى كدى الاربع عجلات كلبشوا فى الارض مش اثنين فقط وعشان كدة انا بسئل واتمنى الرد بخصوص قصة الشاهين اللى لسة حكيها
وكتر الف خير الزملاء على تفسيرهم الفنى المتخصص ربنا يبارك فيكم

هاقولك على حاجه فى موضوع الشاهين ده هو ممكن يكون فيه حاجه غلط فى نظام الفرامل عندك فى العربيه و ممكن يكون ده عيب فى تصميم السياره الشاهين انا ماعنديش خبره اوى فى السياره الشاهين الممكن يفيدك اى واحد راكب شاهين او ميكانيكى متخصص يقدر يقولك كده عادى ولا يوجد مشكله :)

رد: استفسار عن فرملة العجل الخلفى للسيارة

اقتباس:

المشاركة الأصلية كتبت بواسطة DR.AMER HASSAN (المشاركة 503985)

باشا اللانوس مافيهاش ضفدع
الكلام ده في العربيات الجر الخلفي وخصوصا اللادا 2107 وكل التكسيات بيشيلوا الضفدعه علشان كده العربيه لما سواق التاكسي بيفرمل العربيه بتتكفي على وشها لقدام (الضفدع ده مع الكارونه) وطبغا غلط ان الضفدع يتشال

اما مشكلة فرامل الاخ sokaroz
لو العربيه تمسك فرامل قدام بس دي حاجه مستحيله
جرب سوق موتوسيكل واضرب به فرامل امامي (بالجادون) وانت على سرعة 40كم
طبعا الموتوسيكل حايقلب في ساعتها
ونفس التجربه فرامل الخلف (رجل جنب الجنزير) وعلى سرعه حايعوم
بس هي فرامل اللانوس وحشه بالمقارنه باي عربيه تانيه وكمان بتسحف
ولازم الفرامل اللي قدام هي اللي تصرخ في الارض لان الحمل كله في الفرمله بيكون على العجل الامامي اما العجل الخلفي وزنه بيخف ودي شغلة جهاز الفرامل . انا شايف انه عادي

الا اذا

- الدواسه عندك بتوطى وتاخد هوا وكل 20 يوم مثلا بتروح تاخد هوا عشان الدواسه تعلى
- دواسة الفرامل لما بتدوس عليها بتحجر.
وكل سنه وانتوا طيبين

رد: استفسار عن فرملة العجل الخلفى للسيارة

اقتباس:

المشاركة الأصلية كتبت بواسطة basosi (المشاركة 504590)

باشا اللانوس مافيهاش ضفدع
الكلام ده في العربيات الجر الخلفي وخصوصا اللادا 2107 وكل التكسيات بيشيلوا الضفدعه علشان كده العربيه لما سواق التاكسي بيفرمل العربيه بتتكفي على وشها لقدام (الضفدع ده مع الكارونه) وطبغا غلط ان الضفدع يتشال

اما مشكلة فرامل الاخ sokaroz
لو العربيه تمسك فرامل قدام بس دي حاجه مستحيله
جرب سوق موتوسيكل واضرب به فرامل امامي (بالجادون) وانت على سرعة 40كم
طبعا الموتوسيكل حايقلب في ساعتها
ونفس التجربه فرامل الخلف (رجل جنب الجنزير) وعلى سرعه حايعوم
بس هي فرامل اللانوس وحشه بالمقارنه باي عربيه تانيه وكمان بتسحف
ولازم الفرامل اللي قدام هي اللي تصرخ في الارض لان الحمل كله في الفرمله بيكون على العجل الامامي اما العجل الخلفي وزنه بيخف ودي شغلة جهاز الفرامل . انا شايف انه عادي

كلامك صحيح يا فندم بس احب اصحح معلومه ان الضفضع ده مش موجود فى السيارات الجر الخلفى و بس لأ ده موجود فى الجر لامامى كمان و على ثبيل المثال هاتلقيه فى الفيات 128 السياره الشعبيه الشهيره

و بالنسبه للفرامل هو فهلا ماينفعش العربيه تفرمل بالامامى و بس لكن مش مطلوب من الخلفى انه يقفش على الاسفلت زى الامامى و الخلفى وظيفته مساعده الفرامل الامامى + انه بيحافظ على توازن السياره عند استخدام الفرامل و عموما تخيل نفسك واخد ملف بسرعه و فرملت و انت بتلف و الفرامل الخلفى قفشت اكيد اكيد اكيد العربيه هااتلف منك فى الملف زى الموتوسيكل لما بيفرمل بالفرامل الخلفى بس هاتلاقيه بيعوم من الخلف .

رد: استفسار عن فرملة العجل الخلفى للسيارة

اولا كل سنة وانتم طيبوب بمناسبة عيد الفطر المبارك
ثانيا اريد ان اعرف اذا كان العجل الخلفى بيفرمل اصلا ولا -- لا عشان انا زى ماشرحت فى التجربة وقولت ان العجل الامامى بس هو اللى بيقفش ودة جربته على سرعات مختلفة اما الخلفى مش بيقفش خالص من هنا اعرف منيين ان الفرامل الخلفية سليمة وبتفرمل او حتى بتهدى مع الفرملة الامامية وزى ما انتم عارفين ان فرامل الانوس ضعيفة
فما بالكم بفرامل ضعيفة + فرامل خلفية لا تعمل ( تخيلوا )
اشكر الجميع ولكل من ساهم براية واتمنى ان اجد اجابة وافية
مع ملاحظة اننى رحت للميكانيكى وقالى فراملك سليمة قلتة دى مبتقفش ورا خالص قالى بكل وضوح فرامل وراء بتقفش بعد سرعة 90 فى الساعة - وعشان كدة انا عملت التجربة اللى حكيت عليها فى الاول
منتظر ارائكم وردودكم وبارك الله فيكم جميعاً ولو حد يعنى عندة تجربة فى لاموضوع دة يبقى يقول عليها ومنها الاستفادة
:010105~332::010105~332:: 010105~332::010105~332: