مصر موتورز مجتمع السيارات - ايه رايكم فى الافيو مع واحد مبيزودش عن الـ 100 k/m على الطريق

انا شايف ان فعلا الكلام كتير عن الافيو وتيجى تسأل واحد انت معاك افيو يقول لا طيب بتقول الكلام الوحش على العربية دى كدة لية يقول اصل انا اعرف واحد بيقول عاليها عربية فاشلة ووحشة طيب انت معاك واحدة يقول لا يا جماعة الخير ويا استاذ يالى بتسأل العربية جميلة جدا جدا معاية ومشتكتش خالص حالص واللى بيقول قطع غيارها غالية يثبت انها غالية ميقولش كلام وخلاص ياريت ننصح صح علشان تبقى عارف العربية كل حاجة من موتور ماهى الا لانوس يعنى حتى لما تيجى تغير فلتر الزيت قولو 6لتر لانوس وسير الكاتينة والدينمو دة حوالى 60 ودة 55 طبعا مع اختلاق المحلات فى بينزل 5 جنية وفى بيطلب ذيادة 5 جنية والسعر دة اعلى سعر اشتريتة وعلى فكرة مبتجبش سير للتكيف لان سيرها مع الدينمو يعنى وفرت حوالى 25 جنية كمان طيب قولى بقى فين السعر الغالى طيب هقولك على حاجة جيت اغير فلتر الهوا ناس زمايلى قلولى لازم اصلى ومن التوكيل روحت كنت سألت عالية برة وشوفت شكلة 35 جنية عارف روحت التوكيل القية هناك بكام 43 جنية يعنى قطع غيارها مش غالية ولا حاجة هى فى فعلا بعض الحاجات غالية فى التوكيل زى طاسات العربية الواحدة بس 150 جنية برة بقى ببلاش وعلى فكرة انا قبل ما اشتريها ناس كتير كرهيتنى فيها جامد جدا وبقيت بعمل اية بسأل اللى معاة افيو بس وناس كتير جدا بتشكر فيها زى معظم العربيات يعنى الانوس القديمة لما كنت بسأل على اللانوس ناس تقول جميلة وناس تقول عربية ملهاش لازمة و128 بس بتكييف المهم لو عايز نصيحتى انزل الشارع واسأل على العربية زى منا معاملت وقفت جنب بتاع الجرايد فى الشغل واية واحد معاة افيو ينزلة اسألو عالية واسأل وجرب العربية وربنا معاك وعلى فكرة لو هتجيب هات كورى ابعد عن التقفيل المصرى بشكل عام والعربية ثابتة جدا انا اقولت كدة بفوق العربية من وقت للتانى يعنى كل فترة كبيرة بجيب 160 كيلو وثباتها احسن من الانوس والفرامل جميلة جدا عن الانوس بس عيبها بصراحة صاجها زفت يعنى وحش جدا جدا جدا خفيف بمعنى ادق اما الانوس كانت معاية كانت انشف منها فى الصاج انا بقارن بين دى ودى لان انا كان معاية لانوس علشان كدة بقولك رأىى عن تجربة عشتها وعربية شيك من جوة ومن برة وطبلو فخم وجميل جدا بس بردة فيها عيب رخم شوية علشان اكونامين معاك اول لما بتشغل التكييف السحب بيقل على السرعات القليلة يعنى بيبان على الاول والتانى بس يعنى بتحس بية بعد كدة مش بتحس بية خالص بعد كدة العربية مية مية والكلام دة بمنتهى الصراحة وانا من مالكيها ومشتكتش منها خالص واخيرا محدش يزعل منى خالص هى اة ناس تقول فيها مشاكل بس كل العربيات فيها مشاكل واخيرا استخير ربنا وربنا يكرمك