المشاركة الأصلية كتبت بواسطة mesho70 (المشاركة 506395)

- شكرا ً لعرضك التجربة والتوقيت
- لانى ناوى ان شاء تركيب فرش جلد للارضية
- وكنت اتصلت فعلا ً فى رمضان ولكن لم اذهب نظرا ً لضيق الوقت
- وارجوا تفيدنى فى فرش الارضية من حيث :-
* توافر الالوان والبدائل من الجلد
* دقة التركيب خاصة عند نهايتة اسفل فبر الابواب واسفل الفتيس واماكن التخريم لمسامير الكراسى
* وقت التركيب وكم ساعة استغرق
* السعر خاصة وانهم اخبرونى انة 300 جنية فى حين ان سروجى قريب منى قال لى 450 جنية
* وسبق ان قمت بتركيبة بسيارتى الاكسنت القديمة عند هذا السروجى وكان ممتاز

المشاركة الأصلية كتبت بواسطة boshah (المشاركة 506399)

يا ريت حضرتك تقول لينا سعر السينسور كام وهل حسيت بأهميتة بعد التركيب ولا لا علشان انا عايز اركب واحد .

المشاركة الأصلية كتبت بواسطة albasha37 (المشاركة 500929)

كما تعودنا في هذا المنتدى الجميل والأعضاء المتميزين على الصراحة والوضوح وخصوصا ان رأيي قد يتأثر به اخرون واي خداع او النظر إلى مصلحة خاصة اكيد تدخل في باب الحرام والخداع لذلك ارجوا ان تتقبلوا مني المديح والثناء وكذلك النقض والعتاب بدون زعل ونحن جميعا لانريد سوى الصالح العام ابتغاء مرضاة الله هناك الكثر والعديد من محلات تركيب كماليات السيارات ولكن لثقتنا الكبيرة في محلات سبير كار قطعت مسافة من حلوان وخاصة اني مااعرفش الطرق كويس فأخذت وقت وسألت ذهبت لسبير كار فرع باب اللوق امام وزارة الخارجية الناس محترمين ومقابلتهم جيدة وبيسلموك في نفس اليوم حسب اتفاقك معهم وعملوا تخفيض معقول
1 - ركبت فرش للسيارة اخترت اللون الأحمر مع الأسود اتعمل باحترافية شديدة مافيش فيه غلطة ونال اعجاب كل من شاهده واخذوا مني العنوان واكيد منهم منذهب إلى هناك لعمل شغل ومنهم من أجل ذهابه لبعد العيد شكرا لهم وكتر خيرهم وهذا ثناء .
2 - ركبت فرش أرضة جلد لونه أسود شكرا لهم لكن التركيب مش باحترافية في أجزاء مقطعة ومش راكبة أو مش متخيطة كويس انا استلمت في الليل وماشفتهاش إلا هنا لكني متأكد اني لو شفتها هناك كانوا عالجوها لأنهم محترمين وبيرحبوا بأي نقض بصراحة شغل الفرش مش في نفس مستوى فرش الكراسي ابدا ابدا مش عارف بق هما الان ممكن يعالجوه ولا ايه وهذه نقطة عتاب .
3 - ركبت سنسور حساسات للباركن اس واي قالي لي ان هذا أفضل نوع ركب الشاشة على اليسار فوق فتحة المكيف اللي على يسار السائق فوق تابلون السيارة بعد ماشفتها قلت له انا مش عايز اركبها هنا انا عايز اركب الشاشة في منتصف التابلون قالي لي تحت أمرك اركبها ليك في اي مكان انت عايزه بس السلك هيظهر من هنا لهنا المهم اتناقشت معاه واقتنعت بنظره واولادي وهما بيسوقوا قالوا لي فعلا مكانها هنا كويس انا باقول لكم على شان تعرفوا انهم مش بيتأخروا عن اي طلباتك برضه شكرا لهم لكن عرفت منه ان الجهاز ده ويرلس يعني مافيش سلك واصل من الشاشة للكاميرات اللي ورا انا مش بحب الويرليس وخصوصا في الحاجات دي لأني هاقول ليكم على عيوبها انا زعلان من اللي باع لي السنسور في المحل لأنه ماقاليش من الأول انه ويرليس وانا ماطلبتش منه ويرليس اصلا لكن ايه المشكلة بق في الويرليس المشكلة ياجماعة انه فيه تأخير في الاستجابة يعني تجيب مارشديه يحصل تأخير ثواني لغاية الشاشة ماتشتغل ولما تحرك الفتيس من وضع المارشديه تظل الشاشة شغاله لثواني كمان لما تقف خلف السيارة مش بيجيب لك المسافة على طول يعني مافيش استجابة سريعة انا اتصلنت بيهم قالوا لي احنا مش هنقدر نغيرها لكن هنشوف الغلط فيه بس تعالى لينا تاني انا لسة مارحتش كمان انا سألت اللي بيركب الجهاز وهو ولد محترم جدا وحبوب وشيك في تعاملاته وبيتحدث معاك وبسمعك سألته عن أقصر مشافة بيقيسها الجهاز فقال لي اي مسافة حتر 10 سنتيمتر الكلام مش مظبوط هو بيحس لغاية 30 سنتيمتر يعني اي مسافة اقرب للسيارة من 30 سنتيمتر هو شايفها 30 سنتيمتر هما مالهومش ذنب في ده لكن كان المفروض يقولوا لي .
4 - اشتريت مسند يد جلد اسود بعلم مصر واشتريت جراب للدركسيون واشتريت حاجة عاملة ذي الببيونة لمخدع الرأس عدد 2 دول كلهم ماكانش عليهم تخفيض

انا عارف ان فيه ناس عايزة تعرف التكلفة المادية الاجمالية لكافة المشتريات 1130 جنيه.

وأخيرا شكرا لكم واذا كان حد ركب الجهاز الويرلس ده ياريت يقول لي اذا كان حاصل عنده نفس التأخير ده ولا ايه